ਵਰਚੁਅਲ ਪ੍ਰਾਈਵੇਟ ਨੈੱਟਵਰਕ (VPN) ਅਜਿਹੀ ਸੇਵਾ ਹੁੰਦੀ ਹੈ ਜੋ ਤੁਹਾਡੇ ਡਿਵਾਈਸ ਤੋਂ ਕੁਝ ਨੈੱਟਵਰਕ ਟ੍ਰੈਫ਼ਿਕ ਨੂੰ ਇਨਕ੍ਰਿਪਟ ਅਤੇ ਰੂਟ ਕਰ ਸਕਦੀ ਹੈ ਅਤੇ ਤੁਹਾਡੇ IP ਪਤੇ ਨੂੰ ਉਹਨਾਂ ਵੈੱਬਸਾਈਟਾਂ ਤੋਂ ਲੁਕਾ ਸਕਦੀ ਹੈ ਜਿਨ੍ਹਾਂ ’ਤੇ ਤੁਸੀਂ ਜਾਂਦੇ ਹੋ ਅਤੇ ਇੰਟਰੈਕਟ ਕਰਦੇ ਹੋ। VPN ਕਿਰਿਆਸ਼ੀਲ ਹੋਣ ’ਤੇ ਵੀ ਲਾਜ਼ਮੀ ਸਿਸਟਮ ਸੇਵਾਵਾਂ ਲਈ ਕੁਝ ਜ਼ਰੂਰੀ ਟ੍ਰੈਫ਼ਿਕ VPN ਤੋਂ ਬਾਹਰ ਵੀ ਲਾਗੂ ਹੋਵੇਗਾ ਤਾਂ ਜੋ ਤੁਹਾਡਾ ਡਿਵਾਈਸ ਠੀਕ ਤਰੀਕੇ ਨਾਲ ਕੰਮ ਕਰ ਸਕੇ।

ਤੁਸੀਂ App Store ਤੋਂ ਆਪਣਾ ਤਰਜੀਹੀ VPN ਕੌਨਫ਼ਿਗਰੇਸ਼ਨ ਡਾਊਨਲੋਡ ਕਰ ਸਕਦੇ ਹੋ ਅਤੇ ਇਸਨੂੰ ਆਪਣੇ ਡਿਵਾਈਸ ’ਤੇ ਇੰਸਟਾਲ ਕਰ ਸਕਦੇ ਹੋ। ਤੁਹਾਡੇ ਰੁਜ਼ਗਾਰ ਪ੍ਰਦਾਤਾ ਜਾਂ ਸਕੂਲ ਵਰਗੀਆਂ ਸੰਸਥਾਵਾਂ ਵੀ Apple Watch ਜਾਂ Apple TV ਸਮੇਤ ਉਹਨਾਂ ਵੱਲੋਂ ਪ੍ਰਬੰਧਿਤ ਕੀਤੇ ਜਾਣ ਵਾਲੇ ਡਿਵਾਈਸਾਂ ’ਤੇ VPN ਕੌਨਫ਼ਿਗਰੇਸ਼ਨ ਨੂੰ ਸੈੱਟ ਅੱਪ ਕਰ ਸਕਦੇ ਹਨ। ਤੁਸੀਂ ਸੈਟਿੰਗਾਂ > ਆਮ > VPN ਅਤੇ ਡਿਵਾਈਸ ਪ੍ਰਬੰਧਨ > VPN 'ਤੇ ਜਾ ਕੇ ਫਿਰ “VPN ਕੌਨਫ਼ਿਗਰੇਸ਼ਨ ਜੋੜੋ” ’ਤੇ ਟੈਪ ਕਰ ਕੇ ਸੰਬੰਧਿਤ ਜਾਣਕਾਰੀ ਦਾਖ਼ਲ ਕਰ ਕੇ iOS, iPadOS ਜਾਂ visionOS ਡਿਵਾਈਸਾਂ ’ਤੇ VPN ਨੂੰ ਮੈਨੂਅਲੀ ਵੀ ਜੋੜ ਸਕਦੇ ਹੋ। Mac ‘ਤੇ ਸਿਸਟਮ ਸੈਟਿੰਗਾਂ > ਨੈੱਟਵਰਕ ‘ਤੇ ਜਾਓ, “ਹੋਰ” ਬਟਨ ‘ਤੇ ਕਲਿੱਕ ਕਰੋ ਅਤੇ “VPN ਕੌਨਫ਼ਿਗਰੇਸ਼ਨ ਜੋੜੋ” ਨੂੰ ਚੁਣ ਕੇ ਸੰਬੰਧਿਤ ਜਾਣਕਾਰੀ ਭਰੋ।

ਇਹ ਜ਼ਰੂਰੀ ਹੈ ਕਿ ਤੁਸੀਂ ਉਸੇ VPN ਸੇਵਾ ਦੀ ਵਰਤੋਂ ਕਰੋ ਜਿਸ ’ਤੇ ਤੁਸੀਂ ਭਰੋਸਾ ਕਰਦੇ ਹੋ। VPN ਕੌਨਫ਼ਿਗਰੇਸ਼ਨ ਇੰਸਟਾਲ ਅਤੇ ਕਿਰਿਆਸ਼ੀਲ ਹੋਣ ‘ਤੇ ਤੁਹਾਡੇ VPN ਪ੍ਰਦਾਤਾ ਵੱਲੋਂ ਤੁਹਾਡੀ ਔਨਲਾਈਨ ਗਤੀਵਿਧੀ ਦੇਖੀ, ਰੌਕੀ ਅਤੇ ਉਸ ਵਿੱਚ ਸੋਧ ਕੀਤੀ ਜਾ ਸਕਦੀ ਹੈ। ਤੁਹਾਨੂੰ ਆਪਣੇ VPN ਪ੍ਰਦਾਤਾ ਦੀਆਂ ਸੇਵਾਵਾਂ ਅਤੇ ਉਨ੍ਹਾਂ ਵੱਲੋਂ ਤੁਹਾਡੇ ਡੇਟਾ ਦੀ ਵਰਤੋਂ ਬਾਰੇ ਵਧੇਰੇ ਜਾਣਨ ਲਈ ਉਹਨਾਂ ਦੇ ਪਰਦੇਦਾਰੀ ਅਮਲ ਦੀ ਸਮੀਖਿਆ ਕਰਨੀ ਚਾਹੀਦੀ ਹੈ। ਜਦੋਂ ਤੁਸੀਂ ਕਿਸੇ ਤੀਜੀ-ਧਿਰ ਦੀ ਐਪ ਦੀ ਵਰਤੋਂ ਕਰਦੇ ਹੋ ਜਾਂ ਅਜਿਹੀ ਵੈੱਬਸਾਈਟ ਬ੍ਰਾਊਜ਼ ਕਰਦੇ ਹੋ ਜੋ Apple ਵੱਲੋਂ ਓਪਰੇਟ ਨਹੀਂ ਕੀਤੀ ਜਾਂਦੀ, ਤਾਂ Apple ਵੱਲੋਂ ਤੁਹਾਡੇ ਡਿਵਾਈਸ ’ਤੇ VPN ਸੇਵਾ ਦੀ ਤੁਹਾਡੀ ਵਰਤੋਂ ਸੰਬੰਧੀ ਜਾਣਕਾਰੀ ਇਸ ਤਰੀਕੇ ਨਾਲ ਇਕੱਤਰ ਨਹੀਂ ਕੀਤੀ ਜਾਂਦੀ ਜਿਸ ਨਾਲ ਤੁਹਾਡੀ ਪਛਾਣ ਹੋ ਸਕੇ।

VPN ਪ੍ਰਦਾਤਾ ਕੰਟਰੋਲ ਕਰਦੇ ਹਨ ਕਿ ਤੁਹਾਡਾ VPN ਕੌਨਫ਼ਿਗ੍ਰੇਸ਼ਨ ਕਿਵੇਂ ਓਪਰੇਟ ਕਰਦਾ ਹੈ, ਜਿਸ ਵਿੱਚ ਇਹ ਸ਼ਾਮਲ ਹੈ ਕਿ ਤੁਹਾਡੇ ਡਿਵਾਈਸ ਨੂੰ ਛੱਡਦਾ ਹੈ ਤਾਂ ਟ੍ਰੈਫ਼ਿਕ ਕਿਵੇਂ ਰੂਟ ਕੀਤਾ ਜਾਂਦਾ ਹੈ, ਇਹ ਇਨਕ੍ਰਿਪਟ ਕੀਤਾ ਗਿਆ ਹੈ ਜਾਂ ਨਹੀਂ ਅਤੇ ਤੁਹਾਡੇ ਨਾਲ ਕਨੈਕਟ ਕੀਤੀਆਂ ਵੈੱਬਸਾਈਟਾਂ ਲਈ ਕਿਹੜਾ ਡੇਟਾ ਉਪਲਬਧ ਹੈ।

ਜੇਕਰ VPN ਕੌਨਫ਼ਿਗਰੇਸ਼ਨ ਕਿਸੇ ਅਜਿਹੇ ਡਿਵਾਈਸ ’ਤੇ ਇੰਸਟਾਲ ਹੈ ਅਤੇ ਕਿਰਿਆਸ਼ੀਲ ਕੀਤੀ ਜਾਂਦੀ ਹੈ, ਜਿੱਥੇ iCloud ਪ੍ਰਾਈਵੇਟ ਰਿਲੇ ਨੂੰ ਸਮਰੱਥ ਕੀਤਾ ਗਿਆ ਹੈ, ਤਾਂ VPN ਕੌਨਫ਼ਿਗਰੇਸ਼ਨ ਵੱਲੋਂ ਉਨ੍ਹਾਂ ਇੰਟਰਨੈੱਟ ਕਨੈਕਸ਼ਨਾਂ ਦੀ ਰਾਊਟਿੰਗ ਨਿਰਧਾਰਿਤ ਕੀਤੀ ਜਾਵੇਗੀ ਜੋ ਕਿਸੇ ਹੋਰ ਪ੍ਰਾਈਵੇਟ ਰਿਲੇ ਵੱਲੋਂ ਸੁਰੱਖਿਅਤ ਹਨ।

ਤੁਹਾਡੇ ਡਿਵਾਈਸ ਦੇ ਸਾਰੇ ਨੈੱਟਵਰਕ ਟ੍ਰੈਫ਼ਿਕ ਨੂੰ ਕਿਸੇ ਕਿਰਿਆਸ਼ੀਲ VPN ਰਾਹੀਂ ਰੂਟ ਨਹੀਂ ਕੀਤਾ ਜਾਵੇਗਾ। ਜੇਕਰ ਕੋਈ ਐਪ ਡਿਵੈਲਪਰ ਆਪਣੀ ਐਪ ਲਈ ਜ਼ਰੂਰੀ ਕਿਸਮ ਦੇ ਕਨੈਕਸ਼ਨ ਦਾ ਨਿਰਧਾਰਨ ਕਰਦਾ ਹੈ, ਜਿਵੇਂ ਕਿ ਸਿਰਫ਼ ਮੋਬਾਈਲ ਡੇਟਾ, ਤਾਂ ਉਸ ਐਪ ਤੋਂ ਨੈੱਟਵਰਕ ਟ੍ਰੈਫ਼ਿਕ ਨੂੰ ਕਿਰਿਆਸ਼ੀਲ VPN ਕੌਨਫ਼ਿਗਰੇਸ਼ਨ ਵਿੱਚੋਂ ਬਾਹਰ ਰੱਖਿਆ ਜਾਂਦਾ ਹੈ। iOS, iPadOS ਅਤੇ visionOS ਡਿਵਾਈਸਾਂ ’ਤੇ, ਤੁਹਾਡਾ VPN ਪ੍ਰਦਾਤਾ ਇਸ ਚੋਣ ਨੂੰ ਓਵਰਰਾਈਡ ਕਰਨ ਅਤੇ ਬਹੁਤ ਸਾਰੀਆਂ ਐਪਾਂ, ਸੇਵਾਵਾਂ ਅਤੇ ਸਿਸਟਮ ਫ਼ੰਕਸ਼ਨਾਂ ਨੂੰ ਕਿਸੇ ਕਿਰਿਆਸ਼ੀਲ VPN ਕੌਨਫ਼ਿਗ੍ਰੇਸ਼ਨ ਤੋਂ ਬਾਹਰ ਨੈੱਟਵਰਕ ਟ੍ਰੈਫਿਕ ਨੂੰ ਰਾਊਟਿੰਗ ਕਰਨ ਤੋਂ ਰੋਕਣ ਦੀ ਚੋਣ ਕਰ ਸਕਦਾ ਹੈ।

ਜ਼ਰੂਰੀ ਸਿਸਟਮ ਸੇਵਾਵਾਂ ਲਈ ਲਾਜ਼ਮੀ ਕੁਝ ਟ੍ਰੈਫ਼ਿਕ ਨੂੰ ਕਿਰਿਆਸ਼ੀਲ VPN ਕੌਨਫ਼ਿਗ੍ਰੇਸ਼ਨ ਰਾਹੀਂ ਰੂਟ ਨਹੀਂ ਕੀਤਾ ਜਾਵੇਗਾ ਜਿਵੇਂ ਕਿ ਤੁਹਾਡੇ ਸਥਾਨਕ ਨੈੱਟਵਰਕ ਦੇ ਰਾਊਟਰ ਨਾਲ ਸਿੱਧਾ ਕਨੈਕਸ਼ਨ (ਜੋ ਨੈੱਟਵਰਕ ਕਨੈਕਸ਼ਨ ਬਣਾਉਣ ਅਤੇ ਬਣਾਈ ਰੱਖਣ ਲਈ ਜ਼ਰੂਰੀ ਹੁੰਦੇ ਹਨ) ਅਤੇ ਕੁਝ ਮੋਬਾਈਲ ਸੇਵਾਵਾਂ ਜੋ ਸਿਰਫ਼ ਮੋਬਾਈਲ ਸੇਵਾ ਨੈੱਟਵਰਕਾਂ ’ਤੇ ਕੰਮ ਕਰਦੀਆਂ ਹਨ (ਜਿਹਨਾਂ ਵਿੱਚ ਵਿਜ਼ੂਅਲ ਵੌਇਸਮੇਲ ਸ਼ਾਮਲ ਹੋ ਸਕਦੇ ਹਨ, ਜਿੱਥੇ ਉਪਲਬਧ ਹੋਵੇ)।

2025-12-12