AirDrop என்பது Apple சாதனங்களுக்கு இடையே கோப்புகளை எளிதாகவும் பாதுகாப்பாகவும் பகிர்ந்துகொள்ள உங்களுக்கு உதவும் ஒரு வயர்லெஸ் கோப்புப் பகிர்வு அம்சம் ஆகும். AirDrop பகிர்வைத் தொடங்க, அனுப்பும் மற்றும் பெறும் சாதனங்கள் இரண்டிலும் Bluetooth மற்றும் Wi-Fi ஆன் செய்யப்பட்டிருக்க வேண்டும், சாதனங்கள் ஒன்றுக்கொன்று அருகில் இருக்க வேண்டும். இரண்டு சாதனங்களும் அருகருகே இருந்து Bluetooth, Wi-Fi ஆன் செய்யப்பட்டு AirDrop செயல்படுத்தப்பட்டிருந்தால், நீங்கள் பகிர்வதற்குக் கோப்பைத் தேர்வுசெய்யலாம், அருகிலுள்ள AirDrop செயல்படுத்தப்பட்டுள்ள சாதனங்களின் பட்டியலில் இருந்து பெறுநரைத் தேர்வுசெய்து பகிர்வைத் தொடங்குங்கள். அந்தப் பகிர்வை பெறுநர் ஏற்கலாம் அல்லது நிராகரிக்கலாம். ஏற்றுக்கொண்டால், உங்கள் சாதனம் என்கிரிப்ட் செய்து Wi-Fi மூலம் பகிர்வைத் தொடங்கும்.

பகிர்வு தொடங்கிய பிறகு அனுப்பும் மற்றும் பெறும் சாதனங்கள் அருகருகில் இல்லாவிட்டால் மற்றும் ஒரே Wi-Fi நெட்வொர்க்கில் இணைக்கப்பட்டிருக்காவிட்டால், இணையத்தைப் பயன்படுத்தி பகிர்வு நிறைவு செய்யப்படக்கூடும். இணையத்தின் மூலம் பகிரப்படும் கோப்புகள் Apple சர்வர்கள் மூலம், பெறும் சாதனத்திற்கு அனுப்பப்படலாம். AirDrop முழுமையான என்கிரிப்ஷனைப் பயன்படுத்துவதால் நீங்கள் பகிர்பவற்றின் உள்ளடக்கத்தை Appleஆல் டீகிரிப்ட் செய்ய முடியாது. உங்கள் AirDrop பகிர்வுகளின் நகல்களை Apple தக்கவைப்பதில்லை என்றாலும், எங்கள் தயாரிப்புகள், சேவைகள் மற்றும் தொழில்நுட்பங்களை மேம்படுத்துவதற்காக AirDropஐ நீங்கள் பயன்படுத்தும் விதம் பற்றிய குறிப்பிட்ட தகவல்களை உங்களை அடையாளப்படுத்தாத வகையில் Apple தக்கவைக்கக்கூடும்.

Apple சேகரிக்கும் தகவல்கள் எல்லா நேரங்களிலும் Appleஇன் தனியுரிமைக் கொள்கையின்படி கையாளப்படும், இதை www.apple.com/in/privacy தளத்தில் பார்வையிடலாம்.

2025-12-12