Appleஇன் விளம்பரப்படுத்தல் தளத்தினால் வழங்கப்படும் விளம்பரங்கள் App Store, Apple மேப்ஸ், Apple News, பங்குகள் மற்றும் Apple TV செயலியில் காட்டப்படக்கூடும். Appleஇன் விளம்பரப்படுத்தல் தளம் உங்களைக் கண்காணிப்பதில்லை, அதாவது இலக்கிடப்பட்ட விளம்பரப்படுத்தல் அல்லது விளம்பரப்படுத்தல் அளவீட்டிற்காக எங்கள் செயலிகளில் இருந்து சேகரிக்கப்பட்ட பயனர் அல்லது சாதனத் தரவை மூன்றாம் தரப்பினரிடமிருந்து சேகரிக்கப்பட்ட பயனர் அல்லது சாதனத் தரவுடன் இணைப்பதில்லை, பயனர் அல்லது சாதனத் தரவைத் தரவுத் தரகர்களுடன் பகிர்வதில்லை.

சூழல் சார்ந்த தகவல்கள்

அமர்வின்போது சூழல் சார்ந்த பின்வரும் தகவல்களைப் பயன்படுத்தி தொடர்புடைய விளம்பரங்கள் தேர்ந்தெடுக்கப்படலாம்:

• சாதனத் தகவல்: உங்கள் கீபோர்டு மற்றும் சாதன மொழி அமைப்புகள், சாதன வகை, OS பதிப்பு, நாளின் நேரம் மற்றும் இணைப்பு வகை.
• சாதனத்தின் தோராயமான இருப்பிடம்: இருப்பிடச் சேவைகள் ஆன் செய்யப்பட்டிருந்தால் மற்றும் App Store, Apple மேப்ஸ், Apple News அல்லது Apple TV செயலி உங்கள் இருப்பிடத்தை அணுக நீங்கள் அனுமதி வழங்கியிருந்தால் புவியியல்ரீதியாகத் தொடர்புடைய விளம்பரங்களை வழங்க உங்கள் தோராயமான இருப்பிடம் அந்தச் செயலியில் பயன்படுத்தப்படலாம். நீங்கள் உங்கள் துல்லியமான இருப்பிடத்தை அணுக ஒரு செயலியை அனுமதித்தாலும், Appleஇன் விளம்பரப்படுத்தல் தளம் உங்கள் இருப்பிடத்தின் அடிப்படையில் சுயவிவரங்களை உருவாக்காது மற்றும் உங்கள் துல்லியமான இருப்பிடத்தைப் பயன்படுத்தவோ சேமிக்கவோ செய்யாது. இந்த அமைப்புகளை அணுக, அமைப்புகள் > தனியுரிமை & பாதுகாப்பு > இருப்பிடச் சேவைகள் என்பதற்குச் செல்லுங்கள்.
• App Store: உங்கள் தேடல் சொற்கள் மற்றும் நீங்கள் பார்வையிடும் பக்கம் பற்றிய தகவல்கள்.
• Apple News மற்றும் பங்குகள்: நீங்கள் வாசிக்கும் செய்தியின் வகை.
• Apple மேப்ஸ்: நீங்கள் தேடும்போது பயன்படுத்திய தேடல் சொற்கள், மேப்பின் காட்சி.

சாத்தியமான இடங்களை, உங்கள் விளம்பர அனுபவத்தை மேம்படுத்தவும், எந்த விளம்பரத்தைக் காட்டுவது என்பதைத் தீர்மானிக்கவும், நீங்கள் தற்போது நிறுவியுள்ள செயலிகள் மற்றும் உங்கள் தற்போதைய அமர்வின்போது நீங்கள் தட்டுவது அல்லது பார்ப்பது போன்ற கூடுதல் சூழல் சார்ந்த தகவல்களை உங்கள் சாதனம் பயன்படுத்தக்கூடும். இந்தப் பகுப்பாய்வு உங்கள் சாதனத்தில் நேரடியாக நடக்கும் மேலும் Apple விளம்பரங்களுக்கு அனுப்பப்படாது.

தனிப்பயனாக்கப்பட்ட விளம்பரங்கள் மற்றும் பிரிவுகள்

App Store, Apple News மற்றும் பங்குகள் செயலியில் பிரத்தியேக விளம்பரங்களை வழங்க நாங்கள் பிரிவுகளை உருவாக்குகிறோம். Apple மேப்ஸில் பிரத்தியேக விளம்பரங்கள் ஆதரிக்கப்படுவதில்லை, மேலே உள்ள தகவல்களின் அடிப்படையில் சூழல் சார்ந்த விளம்பரங்கள் மட்டுமே அதில் காட்டப்படும். “பிரிவுகள்” என்பது ஒரே மாதிரியான பண்புகளை உடைய நபர்களைக் கொண்ட குழுக்களாகும். எந்தப் பிரிவுகளில் உங்களைச் சேர்ப்பது, அதாவது எந்த விளம்பரங்களை உங்களுக்கு வழங்குவது என்பதைத் தீர்மானிக்க உங்களைப் பற்றிய தகவல்கள் பயன்படுத்தப்படலாம். உங்கள் தனியுரிமையைப் பாதுகாப்பதற்காக, ஒரு விளம்பரதாரரால் தேர்ந்தெடுக்கப்பட்ட இலக்கிற்கான வரையறையை 5,000க்கும் அதிகமான நபர்கள் பூர்த்திசெய்தால் மட்டுமே பிரத்தியேக விளம்பரங்கள் வழங்கப்படும்.

உங்களை எந்தப் பிரிவில் சேர்ப்பது என்பதைத் தீர்மானிக்க, பின்வருவன போன்ற தகவல்களை நாங்கள் பயன்படுத்தக்கூடும்:

• கணக்குத் தகவல்கள்: உங்கள் பெயர், முகவரி, வயது, பாலினம் மற்றும் உங்கள் Apple கணக்கில் பதிவுசெய்யப்பட்ட சாதனங்கள். உங்கள் பாலினத்தைத் தெரிந்துகொள்வதற்காக உங்கள் Apple கணக்கின் பதிவுப் பக்கத்தில் உள்ள உங்கள் முதல் பெயர் அல்லது உங்கள் Apple கணக்கின் வணக்கம் தெரிவிக்கும் முறை போன்ற தகவல்கள் பயன்படுத்தப்படலாம். account.apple.com என்ற முகவரியில் உள்ள Apple கணக்கு இணையதளத்தில் உங்கள் கணக்குத் தகவல்களை நீங்கள் புதுப்பிக்கலாம்.
• பதிவிறக்கங்கள், வாங்குதல்கள் மற்றும் சந்தாக்கள்: நீங்கள் பதிவிறக்கும் இசை, திரைப்படங்கள், புத்தகங்கள், டிவி நிகழ்ச்சிகள், செயலிகள் மற்றும் செயலியில் வாங்கியவைகளும் சந்தாக்களும். செயலி டெவலப்பர் இலக்கிடுதலைச் செயல்படுத்தினால் மட்டுமே, App Storeஇல் இருந்து குறிப்பிட்ட செயலியைப் பதிவிறக்குதல் அல்லது குறிப்பிட்ட செயலியில் வாங்கியவையின் (சந்தாக்கள் உட்பட) அடிப்படையில் இலக்கிடுவதை நாங்கள் அனுமதிப்போம்.
• Apple News மற்றும் பங்குகள்: நீங்கள் வாசிக்கும் செய்திகளின் தலைப்புகள், வகைகள் மற்றும் நீங்கள் பின்தொடரும், சந்தாச் சேர்ந்துள்ள அல்லது அறிவிப்புகளை ஆன் செய்துள்ள வெளியீடுகள்.
• விளம்பரப்படுத்துதல்: Appleஇன் விளம்பரப்படுத்தல் தளம் வழங்கும் விளம்பரங்களை நீங்கள் கையாளும் விதம்.

நீங்கள் தகுதிபெறும் பல்வேறு விளம்பரங்களில் இருந்து எந்த விளம்பரத்தைக் காட்டுவது என்று தேர்ந்தெடுக்கும்போது, உங்களுக்கு மிகப் பொருத்தமான விளம்பரத்தைத் தீர்மானிக்க மேலே குறிப்பிட்ட தகவல்களில் சிலவற்றையும் உங்கள் App Store தேடல்களையும் உலாவல் செயல்பாடுகளையும் நாங்கள் பயன்படுத்தக்கூடும். App Store உலாவல் செயல்பாடு என்பதில் App Storeஐப் பார்வையிடும்போது நீங்கள் தட்டிப் பார்க்கும் உள்ளடக்கமும் செயலிகளும் அடங்கும். இந்தத் தகவல்கள் பயனர்கள் அனைவருடனும் சேர்த்து ஒன்றிணைக்கப்படும் எனவே அவை உங்களை அடையாளப்படுத்தாது.

விளம்பரப்படுத்துதல் கொள்கை மற்றும் செயல்திறன்

Appleஇன் விளம்பரப்படுத்தல் தளம், ஒரே விளம்பரம் உங்களுக்கு எத்தனை முறை காட்டப்படுகிறது என்பதைக் கட்டுப்படுத்தும் கொள்கைகளைச் செயல்படுத்துகிறது. வயதுக் கொள்கை, விளம்பர உள்ளடக்கப் பொருத்தம், கிடைக்கும் தன்மை தொடர்பான கட்டுப்பாடுகள் ஆகியவற்றைச் செயல்படுத்துவதற்கும் உள்ளூர்ச் சட்டங்களுக்கு இணங்குவதற்கும் சாதனத்திலேயே நடைபெறும் லாஜிக்கையும் பயன்படுத்துகிறோம்.

உங்கள் Apple கணக்குடன் இணைக்கப்படாத சீரற்ற அடையாளத் தகவலுடன் நீங்கள் தட்டிப் பார்க்கும் விளம்பரங்களைப் பற்றிய தகவல்களை நாங்கள் பெறுவோம். Apple மேப்ஸில் இந்தத் தகவல் ஒரு மணிநேரத்திற்குப் பலமுறை மாறக்கூடிய அமர்வு அடையாளத் தகவலுடன் இணைக்கப்பட்டிருக்கும், ஆனால் உங்கள் Apple கணக்குடன் இணைக்கப்பட்டிருக்காது. அளவீடுகளின் ஒட்டுமொத்தப் பயன்பாடு மற்றும் சேவையின் நம்பகத்தன்மையைப் பராமரிக்க நீண்டகாலம் சேமிக்கப்படும் அடையாளத் தகவல்கள் பயன்படுத்தப்படும். இந்த நீண்டகாலம் சேமிக்கப்படும் அடையாளத் தகவல்கள் உங்கள் Apple கணக்குடன் அல்லது உங்களை அடையாளப்படுத்தக்கூடிய பிற தகவலுடன் இணைக்கப்பட்டிருக்காது.

மூன்றாம் தரப்புகளுடன் எந்தத் தனிப்பட்ட தரவையும் Apple பகிர்வதில்லை. எங்கள் தயாரிப்புகளையும் சேவைகளையும் வழங்க Apple உடன் இணைந்து பணியாற்றும், வாடிக்கையாளருக்கான சந்தைப்படுத்தலில் Appleக்கு உதவும், Appleஇன் சார்பாக விளம்பரங்களை விற்பனை செய்யும் உத்திசார் கூட்டாளர்கள் மற்றும் எங்கள் விளம்பரதாரர்களுக்குத் தனிப்பட்டவை அல்லாத தரவுகள் மட்டுமே கிடைப்பதை நாங்கள் உறுதிப்படுத்துவோம். Apple Pay பரிவர்த்தனைகள் அல்லது உடல்நலச் செயலித் தரவுகளை Appleஇன் விளம்பரப்படுத்தல் தளத்தில் அணுக முடியாது அல்லது அவை விளம்பர நோக்கங்களுக்காகப் பயன்படுத்தப்படாது. உங்கள் பாலியல் நோக்குநிலை, மதநம்பிக்கைகள் அல்லது அரசியல் சார்புகள் பற்றிய தகவல்கள் Appleக்குத் தெரியாது அல்லது அவற்றை விளம்பரதாரர்களுக்கு வழங்குவதில்லை.

விளம்பர முன்னுரிமைகள்

இந்த விளம்பரம் குறித்து
App Store, Apple மேப்ஸ், Apple News அல்லது பங்குகள் செயலியில் ஒரு குறிப்பிட்ட விளம்பரம் உங்களுக்கு ஏன் காட்டப்பட்டது என்பதைப் புரிந்துகொள்ள அந்த விளம்பரத்தில் உள்ள விளம்பர பட்டனைத் தட்டுங்கள். உங்களுக்குக் காட்டப்படும் விளம்பரங்களைத் தீர்மானிக்கப் பயன்படுத்தப்பட்ட பிரிவுகளையும் பிற தரவுகளையும் (மக்கள்தொகைத் தகவல்கள் போன்றவை) இது காட்டும்.

விளம்பரதாரரே முழு ஊட்டம் அல்லது பக்கத்திற்கும் ஸ்பான்சர் செய்கிறார் என்பதைத் தெரிவிப்பதற்கான விளம்பர பட்டனுக்குப் பதிலாக, சில விளம்பரங்களில் “வழங்குவது:” என்ற மெசேஜ் அல்லது அதே போன்ற குறிப்புகள் மட்டும் காட்டப்படக்கூடும். ஆனால் இந்த விளம்பரங்களை இலக்கிடுவதற்காக எந்தப் பிரிவுகளும் பயன்படுத்தப்படுவதில்லை.

விளம்பர இலக்கிடல் குறித்த தகவல்
Appleஇன் விளம்பரப்படுத்தல் தளத்தின் மூலம் இலக்கிடப்பட்ட விளம்பரங்களை உங்களுக்கு வழங்க பயன்படுத்தப்பட்ட தகவல்களைப் பார்க்கலாம், இதில் நீங்கள் இடம்பெற்றுள்ள பிரிவுகள் குறித்த தகவல்களும் அடங்கும்.

இந்தத் தகவல்களைப் பார்க்க உங்கள் iOS, iPadOS அல்லது visionOS சாதனத்தில், அமைப்புகள் > தனியுரிமை & பாதுகாப்பு > Apple விளம்பரப்படுத்தல் என்பதற்குச் சென்று “இலக்கு விளம்பரங்கள் குறித்த தகவல்களைக் காட்டு” என்பதைத் தட்டுங்கள். Macஇல், சிஸ்டம் அமைப்புகள் > தனியுரிமை & பாதுகாப்பு > Apple விளம்பரப்படுத்தல் என்பதற்குச் சென்று “இலக்கு விளம்பரங்கள் குறித்த தகவல்களைக் காட்டு” என்பதை கிளிக் செய்யுங்கள்.

உங்களைப் பற்றிய தகவல்கள் தவறாக இருப்பதாக நீங்கள் நினைத்தால், உங்கள் Apple கணக்குத் தகவல்களைப் புதுப்பிக்கலாம்.

இருப்பிட அடிப்படையிலான விளம்பரங்கள்
உங்கள் இருப்பிடத்தை அணுக App Store, Apple மேப்ஸ், Apple News அல்லது Apple TV செயலியை அனுமதித்தால், புவியியல்ரீதியாக இலக்கிடப்பட்ட விளம்பரங்களை உங்களுக்கு வழங்க உங்கள் சாதனத்தின் தோராயமான தற்போதைய இருப்பிடத்தை Appleஇன் விளம்பரப்படுத்தல் தளம் பயன்படுத்தக்கூடும்.

விளம்பரப்படுத்தல் உள்ளிட்ட இருப்பிட அடிப்படையிலான செயலிச் செயல்பாடுகளுக்கான ஒப்புதலை நீங்கள் திரும்பப் பெறலாம். உங்கள் iOS, iPadOS அல்லது visionOS சாதனத்தில், அமைப்புகள் > தனியுரிமை & பாதுகாப்பு > இருப்பிடச் சேவைகள் என்பதற்குச் சென்று இருப்பிடச் சேவைகளை ஆஃப் செய்யுங்கள் அல்லது கிடைக்கும்பட்சத்தில் App Store, Apple மேப்ஸ், Apple News அல்லது Apple TV செயலிக்கான அனுமதியை “வேண்டாம்” என அமையுங்கள். Macஇல், சிஸ்டம் அமைப்புகள் > தனியுரிமை & பாதுகாப்பு > இருப்பிடச் சேவைகள் என்பதற்குச் சென்று இருப்பிடச் சேவைகளை ஆஃப் செய்யுங்கள் அல்லது News அல்லது டிவிக்கான இருப்பிட அனுமதிகளை ஆஃப் செய்யுங்கள். tvOSஇல், அமைப்புகள் > பொது அமைப்புகள் > தனியுரிமை & பாதுகாப்பு > இருப்பிடச் சேவைகள் என்பதற்குச் சென்று இருப்பிடச் சேவைகளை ஆஃப் செய்யுங்கள் அல்லது Apple TV செயலிக்கான அனுமதியை “வேண்டாம்” என அமையுங்கள்.

உங்கள் சாதனத்தில் இருப்பிடச் சேவைகளை ஆஃப் செய்தால், Appleஇன் விளம்பரப்படுத்தல் தளத்திற்குச் சாதனத்தின் தோராயமான இருப்பிடம் கிடைக்காது.

தனிப்பயனாக்கப்பட்ட விளம்பரங்கள் கட்டுப்பாடு
பிரத்தியேக விளம்பரங்களை நீங்கள் ஆன் செய்தால், App Store, Apple News மற்றும் பங்குகள் செயலியில் உங்களுக்கு மிகவும் பொருத்தமான விளம்பரங்களை வழங்க உங்கள் தகவல்களை Appleஇன் விளம்பரப்படுத்தல் தளம் பயன்படுத்தக்கூடும். பிரத்தியேக விளம்பரங்களை ஆஃப் செய்வது விளம்பரங்களைப் பிரத்தியேகமாக்குவதற்காக இந்தத் தகவல்களைப் பயன்படுத்துவதில் இருந்து Appleஐத் தடுக்கும். இது நீங்கள் பெறும் விளம்பரங்களின் எண்ணிக்கையைக் குறைக்காது, ஆனால் விளம்பரங்கள் உங்களுக்குப் பொருத்தமானதாக இருப்பது குறையக்கூடும். Apple மேப்ஸில் தனிப்பயனாக்கப்பட்ட விளம்பரங்கள் ஆதரிக்கப்படுவதில்லை, எனவே தனிப்பயனாக்கப்பட்ட விளம்பரங்கள் அமைப்பு அதில் உங்களுக்குக் காட்டப்படும் சூழல் சார்ந்த விளம்பரங்களைப் பாதிக்காது.

பிரத்தியேக விளம்பரங்களை ஆஃப் செய்ய, உங்கள் iOS, iPadOS அல்லது visionOS சாதனத்தில், அமைப்புகள் > தனியுரிமை & பாதுகாப்பு > Apple விளம்பரப்படுத்தல் என்பதற்குச் சென்று “பிரத்தியேக விளம்பரங்கள்” என்பதைத் தட்டி அதை ஆஃப் செய்யலாம். Macஇல், சிஸ்டம் அமைப்புகள் > தனியுரிமை & பாதுகாப்பு > Apple விளம்பரப்படுத்தல் என்பதற்குச் சென்று, “பிரத்தியேக விளம்பரங்கள்” என்பதைத் தேர்வுநீக்குங்கள். நீங்கள் நிர்வகிக்கப்படும் கணக்கைப் பயன்படுத்தும் சிறார் அல்லது Apple தனது செயலிகளில் விளம்பரங்களை வழங்காத இருப்பிடத்தில் உள்ளவர் எனில், பிரத்தியேக விளம்பரங்கள் விருப்பம் உங்களுக்குக் கிடைக்காமல் போகலாம்.

மோசடி மற்றும் பிற தீங்கிழைக்கும் செயல்பாட்டைத் தடுத்தல்

விளம்பரங்களில் மோசடி மற்றும் பிற தீங்கிழைக்கும் செயல்பாட்டைத் தடுப்பதற்காக App Storeஇல் உங்கள் தேடல்கள் பற்றிய தகவல்கள், நீங்கள் பார்க்கும் மற்றும் தட்டும் விளம்பரங்கள், விளம்பரங்கள் மூலம் நீங்கள் வாங்கும் மற்றும் பதிவிறக்கும் செயலிகள் ஆகியவற்றை Appleஇன் விளம்பரப்படுத்தல் தளம் பயன்படுத்தக்கூடும். இந்தத் தகவல்கள் ரேண்டம் அடையாளத் தகவலுடன் இணைக்கப்பட்டுச் சேகரிக்கப்படும், உங்கள் Apple கணக்குடன் இணைக்கப்படாது.

Apple சேகரிக்கும் தகவல்கள் எல்லா நேரங்களிலும் Appleஇன் தனியுரிமைக் கொள்கையின்படி கையாளப்படும். இதை www.apple.com/in/privacy தளத்தில் பார்வையிடலாம்.

2026-05-11