• ஒரு சுயவிவரம் உருவாக்கப்படும்போது ஒரு சில சுயவிவரத் தகவல்கள் எப்போதும் பொதுவானவையாகவே இருக்கும். ஆனால் உங்கள் செயல்பாடுகளை யார் பின்தொடரலாம் என்பதை நீங்கள் கட்டுப்படுத்த முடியும்.
• உங்கள் சாதனத்தில் உள்ள தொடர்புகளை அவ்வப்போது மதிப்பாய்வு செய்வதன் மூலம் Apple Music உங்களுக்குப் புதிய நண்பர்களைப் பரிந்துரைக்கலாம். உங்கள் தொடர்புகளை Apple Music தெரிந்துகொள்ளாத வகையில் இது மேற்கொள்ளப்படும்.
• உங்கள் Apple கணக்கின் தொடர்புத் தகவலை வைத்திருப்பவர்களுக்கு நண்பர் பரிந்துரைகளில் உங்களின் பெயர் காட்டப்படுவதையும் உங்களால் கட்டுப்படுத்த முடியும்.

உங்கள் தகவலின் தனியுரிமையையும் பாதுகாப்பையும் உறுதிப்படுத்துவது Appleஇல் உள்ள அனைவரின் முன்னுரிமையாகும். உங்கள் அனுபவத்தைச் சிறப்பாக்குவதற்காக எங்களுக்குத் தேவைப்படும் தரவை மட்டுமே நாங்கள் சேகரிக்க முயல்கிறோம் மற்றும் தரவைச் சேகரிக்கும்போது எதைச் சேகரிக்கிறோம், அது எங்களுக்கு ஏன் தேவைப்படுகிறது என்பதை நீங்கள் தெரிந்துகொள்வது முக்கியம் என நினைக்கிறோம், இதன்மூலம் தகவலறிந்த முடிவுகளை நீங்கள் எடுக்கலாம். அனைத்து Apple தயாரிப்புகளையும் சேவைகளையும் போல இந்தக் கொள்கைகளைக் கருத்தில் கொண்டு Apple Music வடிவமைக்கப்பட்டுள்ளது.

Apple Musicஐப் பயன்படுத்தி இணைக்கவோ பிறருடன் பகிரவோ விரும்பினால், பயனர் பெயர் (எ.கா., @johnappleseed), டிஸ்ப்ளே பெயர், சுயவிவரப் புகைப்படம் (விரும்பினால்) மற்றும் பிற தகவல்களை வழங்கி ஒரு தனிப்பட்ட சுயவிவரத்தை நீங்கள் உருவாக்கலாம். உங்களுடைய எந்தச் சாதனத்தில் இருந்தும் அணுகும் வகையில் Apple இந்தத் தகவல்களை உங்கள் கணக்கில் சேமிக்கும். உங்கள் பயனர் பெயர், டிஸ்ப்ளே பெயர், சுயவிவரப் புகைப்படம் ஆகியவை Apple Musicஇல் நீங்கள் பதிவிடும் உள்ளடக்கம் மற்றும் பகிரும் செயல்பாட்டுடன் காட்டப்படும். குழந்தைகளுக்கான Apple கணக்குகளில் தற்போது உள்ளடக்கத்தைப் பகிர்வதற்கும் பதிவிடுவதற்குமான வசதி இல்லை.

நீங்கள் வழங்கிய தகவல்களைப் பயன்படுத்தி, பிறரும் உங்கள் Apple Music சுயவிவரத்தைக் கண்டறியலாம்.

கேட்டல் செயல்பாடு, பிளேலிஸ்ட்கள் போன்று உங்கள் சுயவிவரத்தில் கிடைக்கக்கூடிய உள்ளடக்கத்தை நீங்கள் தேர்வுசெய்யும் நபர்கள் மட்டுமே அணுகும் வகையில் நீங்கள் அமைக்கலாம். இருப்பினும், பயனர் பெயர், டிஸ்ப்ளே பெயர், புகைப்படம், உங்களைப் பின்தொடர்பவர்கள், நீங்கள் பின்தொடர்பவர்கள் போன்ற உங்களின் சுயவிவரத் தகவல்கள் எப்போதும் அனைவருக்கும் காட்டப்படும்.

Apple Musicஇல் ஒரு சுயவிவரம் உருவாக்கப்பட்டால், நீங்கள் நண்பர்களாக இணைய விரும்பக்கூடிய மற்ற Apple Music சந்தாதாரர்களை நாங்கள் பரிந்துரைப்போம். பரிந்துரைப்பதற்கு நண்பர்களைத் தேடும்போது உங்கள் தொடர்புகளில் உள்ள தகவல்களை Apple தெரிந்துகொள்ளாது/சேமிக்காது. உங்கள் தொடர்புகளில் உள்ள ஃபோன் எண்கள் மற்றும் மின்னஞ்சல் முகவரிகளின் சுருக்கப்பட்ட மற்றும் என்கிரிப்ஷன் செய்யப்பட்ட ஹாஷ்கள் மட்டுமே Appleக்கு அனுப்பப்படும். பிறகு பரிந்துரைக்கப்பட வேண்டிய Apple Music சந்தாதாரர்களைப் பொருத்துவது உங்கள் சாதனத்தில் சேமிக்கப்பட்டுள்ள தகவல்களின் அடிப்படையில் நிர்ணயிக்கப்படும். எதிர்காலத்தில் புதிய நண்பர்களைப் பரிந்துரைக்க Apple Music உங்கள் தொடர்புகளை அவ்வப்போது மதிப்பாய்வு செய்யும்; இதை நீங்கள் கணக்கு அமைப்புகளுக்குச் சென்று “Apple Musicஇல் உள்ள தொடர்புகள்” என்பதை முடக்குவதன் மூலம் கட்டுப்படுத்தலாம். பிறர் தங்களுடைய தொடர்புகளில் உங்களைப் பற்றி வைத்திருக்கக்கூடிய Apple கணக்குத் தொடர்புத் தகவல்களின் அடிப்படையில் உங்களைக் கண்டுபிடிக்க நீங்கள் விரும்பவில்லை எனில், கணக்கு அமைப்புகளுக்குச் சென்று “Apple கணக்கு மூலம் தேட அனுமதி” என்பதை முடக்கி இதை நீங்கள் மாற்றலாம்.

சுயவிவரத்தில் நீங்கள் வழங்கும் தகவல்களை நீங்கள் எப்போது வேண்டுமானாலும் மாற்றலாம் அல்லது அகற்றலாம். நீங்கள் ஆன்லைனில் பகிரும்போதெல்லாம் பொதுவில் எந்தெந்த தகவல்கள் காட்டப்படும் என்பது குறித்துக் கவனமாகப் பரிசீலனை செய்யுங்கள். நீங்கள் Apple Musicஇல் உள்ளவற்றை இணையதளங்கள் அல்லது சமூக நெட்வொர்க்குகளில் பகிரும்போது, அந்தப் பிற சேவைகளின் தனியுரிமைக் கொள்கையின்படி நீங்கள் பகிரும் அனைத்தும் நிர்வகிக்கப்படும்.

தனிப்பட்ட தரவைச் செயலாக்குவதற்குப் பொருந்தக்கூடிய சட்டரீதியான அடிப்படை

பொதுவாக Apple உடனான உங்கள் ஒப்பந்தத்தைச் செயல்படுத்துவதற்காகவும், சேவைகளை வழங்கத் தேவைப்படும் அளவிற்கும், எங்கள் சட்டரீதியான கடமைகளுக்கு இணங்குவதற்காகவும் Apple Music நண்பர்கள் பட்டியலில் உங்கள் தனிப்பட்ட தரவை நாங்கள் செயலாக்குகிறோம். ஒப்புதல் என்பது சட்டரீதியான அடிப்படையாக அமையும் இடங்களில், பொருந்தும் உள்ளூர் சட்டங்களின் அடிப்படையில் அதைப் பெற முயல்கிறோம்.

பொருந்தும் உள்ளூர் சட்டங்கள் குறிப்பிடும் இடங்களில், நியாயமான நலன்களின் நோக்கத்திற்காக (Apple Music நண்பர்கள் சேவையை வழங்குதல் மற்றும் நீங்கள் இணைய விரும்பக்கூடிய பிற Apple Music சந்தாதாரர்களைப் பரிந்துரைத்தல் உட்பட) தேவைப்படும் அளவிற்குத் தனிப்பட்ட தரவைச் செயலாக்குகிறோம்.

பயன்படுத்தப்படும் தரவில் இவையும் அடங்கும்:

• உங்கள் Apple Music நண்பர்கள் சுயவிவரத் தகவல்கள் மற்றும் Apple கணக்குத் தொடர்புத் தகவல்கள்
• நீங்கள் பதிவிடும் மற்றும் பகிரும் உள்ளடக்கம், நீங்கள் பின்தொடரும் நபர்கள் மற்றும் உங்களைப் பின்தொடர்பவர்கள்
• உங்கள் தொடர்புகள் பற்றிய தகவல்கள்
• நீங்கள் இணைய விரும்பக்கூடிய Apple Music சந்தாதாரர்கள்

Apple சேகரிக்கும் தகவல்கள் எல்லா நேரங்களிலும் Appleஇன் தனியுரிமைக் கொள்கையின்படி கையாளப்படும், இதை www.apple.com/in/privacy தளத்தில் பார்வையிடலாம்.

2025-12-12