• Apple Podcastsஇல் நீங்கள் வாங்கும் பாட்காஸ்ட் சந்தாக்கள் உங்கள் Apple கணக்குடன் இணைக்கப்பட்டிருக்கும்.
• உங்கள் Apple கணக்கில் சேமிக்கப்படாத ரேண்டம் சாதன அடையாளத் தகவலுடன் உங்கள் பாட்காஸ்ட் கேட்டல் தரவு இணைக்கப்படும்.
• பாட்காஸ்ட் கேட்டல் செயல்பாடுகளைப் புரிந்துகொள்வதற்காகவும் பாட்காஸ்ட் வழங்குநர்களிடம் அதுகுறித்த சுருக்கவிவரத்தை வழங்குவதற்காகவும் உங்கள் பாட்காஸ்ட் கேட்டல் தரவைச் சேகரிப்போம்.
• உங்கள் Apple Podcasts பயன்பாடு குறித்த தரவையும் சேகரிப்போம். உதாரணம்: தட்டல்கள்.
• மோசடியை அடையாளம் கண்டு தடுக்க உதவுவதற்காக, நீங்கள் வாங்க முயலும்போது உங்கள் சாதனத்தை நீங்கள் பயன்படுத்தும் விதத்தின் அடிப்படையில் சாதனத்தின் நம்பகத்தன்மை மதிப்பெண் கணக்கிடப்படும், பயன்படுத்தும் விதம் என்பதில் ஃபோன் அழைப்புகளின் தோராயமான எண்ணிக்கை அல்லது நீங்கள் அனுப்பும் மற்றும் பெறும் மின்னஞ்சல்களின் தோராயமான எண்ணிக்கை அடங்கும். உங்கள் சாதனத்தில் உள்ள உண்மை மதிப்புகளை Apple அறிந்துகொள்ளாத வகையில் இந்தக் கணக்கீடு வடிவமைக்கப்பட்டுள்ளது. இந்த மதிப்பெண்கள் குறிப்பிட்ட காலத்திற்கு எங்கள் சர்வரில் சேமிக்கப்பட்டிருக்கும்.

உங்கள் தகவலின் தனியுரிமையையும் பாதுகாப்பையும் உறுதிப்படுத்துவது Appleஇல் உள்ள அனைவரின் முன்னுரிமையாகும். உங்கள் அனுபவத்தைச் சிறப்பாக்குவதற்காக எங்களுக்குத் தேவைப்படும் தரவை மட்டுமே நாங்கள் சேகரிக்க முயல்கிறோம் மற்றும் தரவைச் சேகரிக்கும்போது எதைச் சேகரிக்கிறோம், அது எங்களுக்கு ஏன் தேவைப்படுகிறது என்பதை நீங்கள் தெரிந்துகொள்வது முக்கியம் என நினைக்கிறோம், இதன்மூலம் தகவலறிந்த முடிவுகளை நீங்கள் எடுக்கலாம். அனைத்து Apple தயாரிப்புகளையும் சேவைகளையும் போல இந்தக் கொள்கைகளைக் கருத்தில் கொண்டு Apple Podcasts வடிவமைக்கப்பட்டுள்ளது.

Apple Podcasts சேவையை வழங்குதல் மற்றும் மேம்படுத்துதல்

சேவையை வழங்குவதற்காகவும் மேம்படுத்துவதற்காகவும், பாட்காஸ்ட்டைக் கேட்பவர்கள் குறித்துப் புரிந்துகொள்வதற்காகவும் ஒருங்கிணைந்த அறிக்கைகளை வழங்குவதற்காகவும் பாட்காஸ்ட்டைக் கேட்பது மற்றும் பயன்படுத்துவது குறித்த தரவைச் சேகரிக்கிறோம். எவ்வளவு நேரம் பாட்காஸ்ட்டைக் கேட்டுள்ளீர்கள், எப்போது கேட்கிறீர்கள், எப்போது ஸ்ட்ரீம் செய்கிறீர்கள், பதிவிறக்குகிறீர்கள், பின்தொடர்கிறீர்கள் என்பது போன்ற நீங்கள் கேட்கும் பாட்காஸ்ட்கள் குறித்த தகவல்கள் இந்தத் தரவில் இருக்கும். சேவையை மேம்படுத்துவதற்கும் பிரத்தியேகமாக்குவதற்கும் உதவும் வகையில், நீங்கள் தட்டும் இணைப்புகள் போன்ற உங்கள் Apple Podcasts பயன்பாடு குறித்த தரவைச் சேகரிப்போம். பிற Apple சேவைகளுடன் இந்தத் தரவு இணைக்கப்படாத வகையில் Apple Podcasts சேவையை நாங்கள் உருவாக்கியுள்ளோம். Apple Podcasts சேவைக்கான ரேண்டமான தனித்துவ அடையாளத் தகவல்களுடன் இந்தத் தகவல்கள் இணைக்கப்பட்டிருக்கும், மேலும் உங்கள் Apple கணக்கில் அவை சேமிக்கப்படாது. iCloud கீசெயின் செயல்படுத்தப்பட்டுள்ள உங்கள் சாதனங்கள் அனைத்திலும் அடையாளத் தகவலை ஒத்திசைப்பதற்காக iCloud கீசெயினைப் பயன்படுத்துவோம். Appleக்கு அனுப்பப்பட்ட பிளேபேக் தரவில் சேர்க்கப்பட்ட அடையாளத் தகவலை மீட்டமைக்க iOS, iPadOS அல்லது visionOS சாதனத்தில், அமைப்புகள் > செயலிகள் > பாட்காஸ்ட்கள் > “அடையாளத் தகவலை மீட்டமை” என்பதற்குச் செல்லவும். iOS மற்றும் iPadOS சாதனங்களுக்கு, இணைக்கப்பட்ட எந்தவொரு watchOS சாதனங்களுக்கான அடையாளத் தகவலையும் இது மீட்டமைக்கும்.

உங்கள் வசதிக்காக, நீங்கள் பின்தொடரும் நிகழ்ச்சிகள், சேமித்த எபிசோடுகள், உங்கள் ஸ்டேஷன்கள் ஆகியவை உட்பட, உங்கள் லைப்ரரி உள்ளடக்கத்தையும் நீங்கள் கேட்கும் பாட்காஸ்ட் எபிசோடுகளின் பிளே ஆகும் நிலையையும் உங்களுக்குப் பிடித்த வகைகளையும் Apple Podcasts ஒத்திசைக்கும். இதன் மூலம் உங்களின் எந்தவொரு சாதனத்திலும் Apple Podcastsஇல் அவற்றைக் கேட்டு மகிழலாம். இந்தத் தகவல் உங்கள் Apple கணக்குடன் இணைக்கப்பட்டு சேமிக்கப்படுகிறது. அமைப்புகளுக்குச் சென்று உங்கள் லைப்ரரி ஒத்திசைவை எப்போது வேண்டுமானாலும் முடக்கலாம்.

சேவையைப் பிரத்தியேகமாக்கி உங்களுக்கு மிகவும் பொருத்தமான உள்ளடக்கத்தை நீங்கள் கண்டறிய உதவுவதற்காக உங்களுக்குப் பிடித்த வகைகள், சேனல் சந்தாக்கள், பின்தொடரும் பாட்காஸ்ட்கள், சமீபத்தில் பிளே செய்யப்பட்ட பாட்காஸ்ட்கள், சமீபத்திய பரிந்துரைகள் ஆகியவை குறித்த தகவல்களைப் பயன்படுத்துவோம். உங்கள் Apple கணக்கில் பிரத்தியேகப் பரிந்துரைகள் அம்சத்தை ஆஃப் செய்வதன் மூலம் App Store, Apple Books, iTunes Store, Apple TV மற்றும் Apple Podcastsஇல் சந்தாக்களுக்கான பிரத்தியேகமாக்கல் அம்சத்தை முடக்கலாம். உங்கள் iOS, iPadOS அல்லது visionOS சாதனங்களில், அமைப்புகள் > [உங்கள் பெயர்] > மீடியா & வாங்குதல்கள் > கணக்கைக் காட்டு என்பதற்குச் சென்று பிரத்தியேகப் பரிந்துரைகளை ஆஃப் செய்ய அதைத் தட்டுங்கள்.

ஒருங்கிணைக்கப்பட்ட தரவை மட்டுமே பாட்காஸ்ட் வழங்குநர்களுடன் பகிர்வோம். உங்கள் தனிப்பட்ட தரவு எதையும் மூன்றாம் தரப்பினருடன் பகிரமாட்டோம். இருப்பினும் சில பாட்காஸ்ட் வழங்குநர்களின் பாட்காஸ்ட் எபிசோடுகளை நீங்கள் பிளே செய்தாலோ பதிவிறக்கினாலோ அல்லது ஆடியோ சுருக்கத்தைக் கேட்க Siriஐப் பயன்படுத்தினாலோ, அவர்களின் பாட்காஸ்ட்களை நீங்கள் பயன்படுத்துவது குறித்த தகவல்களை அந்த வழங்குநர்களால் சேகரிக்க முடியும், மேலும் அவ்வாறு சேகரிப்பது அவர்களின் தனியுரிமைக் கொள்கைகள் மற்றும் நடைமுறைகளால் நிர்வகிக்கப்படுகிறது என்பதை நினைவில் கொள்ளவும். உதாரணமாக, URL மூலம் நீங்கள் ஒரு நிகழ்ச்சியைச் சேர்க்கும்போதோ மூன்றாம் தரப்பு ஹோஸ்டிங் பிளாட்ஃபார்ம் மூலம் ஹோஸ்ட் செய்யப்படும் பாட்காஸ்ட்டைக் கேட்கும்போதோ, நீங்கள் கேட்ட உள்ளடக்கத்தை உங்களுக்கு வழங்குவதற்காக உங்கள் சாதனம் நேரடியாக மூன்றாம் தரப்பு ஹோஸ்டிங் இயங்குதளத்துடன் இணையும். அவ்வாறு இணையும்போது, உங்கள் சாதனத்தின் IP முகவரி மூன்றாம் தரப்பு ஹோஸ்டிங் பிளாட்ஃபார்மிற்குக் காட்டப்படும். மூன்றாம் தரப்பு ஹோஸ்டிங் பிளாட்ஃபார்ம் மூலம் உங்கள் IP முகவரி கையாளப்படுவது இந்த மூன்றாம் தரப்பின் தனியுரிமைக் கொள்கைகளால் நிர்வகிக்கப்படுகிறது.

Apple Podcasts ஒருங்கிணப்புகளை வழங்கும் பிற செயலிகளும் சாதனங்களும் Apple Podcasts மற்றும் உங்கள் பாட்காஸ்ட்கள் லைப்ரரிக்கான அணுகலைக் கேட்கலாம். ஒரு செயலி அல்லது சாதன ஒருங்கிணைப்பிற்கு இதுபோன்ற அனுமதியை நீங்கள் வழங்கினால், உங்கள் லைப்ரரி, பாட்காஸ்ட் பிளே செயல்பாடு, பரிந்துரைகள் போன்ற தகவல்களை அது அணுகும். அனுமதிக்கப்பட்ட செயலியால் உங்கள் கணக்குடன் தொடர்புடைய தகவல்களையும் (உங்கள் லைப்ரரியில் எந்தெந்த பாட்காஸ்ட்கள் உள்ளன என்பது போன்றவை) மாற்ற முடியும். உங்கள் iOS, iPadOS அல்லது visionOS சாதனத்தில், அமைப்புகள் > தனியுரிமை & பாதுகாப்பு > மீடியா & Apple Music என்பதற்குச் சென்று iOS, iPadOS அல்லது visionOS செயலியின் அணுகலை முடக்கலாம். உங்கள் Apple Music கணக்கு அமைப்புகளுக்குச் சென்று பிற செயலிகள் அல்லது சாதனங்கள் வாரியாக அணுகலை முடக்கலாம்.

உங்களுடனான தகவல்தொடர்புகள்

Apple Podcasts மற்றும் நீங்கள் விரும்பக்கூடிய பிற Apple தயாரிப்புகள், சேவைகள் மற்றும் சலுகைகள் பற்றிய தகவல்களை உங்களுக்கு அனுப்ப, உங்களுக்குச் சொந்தமான Apple தயாரிப்புகள், Apple சேவைகளுக்கான உங்கள் சந்தாக்கள் போன்ற உங்கள் கணக்கு பற்றிய தகவல்களை Apple பயன்படுத்தக்கூடும். Apple Podcastsஇல் கிடைக்கும் புதிய அம்சங்கள், உள்ளடக்கம் மற்றும் சலுகைகள் பற்றிய மின்னஞ்சல்களையும் புஷ் அறிவிப்புகளையும் உங்களுக்கு அனுப்ப Apple Podcastsஇல் நீங்கள் மேற்கொள்ளும் வாங்குதல் செயல்பாடுகளைப் பற்றிய தகவல்களையும் Apple பயன்படுத்தக்கூடும். account.apple.com இணையதளத்திற்குச் சென்று உங்கள் மின்னஞ்சல் முன்னுரிமைகளை மாற்றலாம் மற்றும் இந்த மின்னஞ்சல்களைப் பெறுவதற்கான ஒப்புதலைத் திரும்பப் பெறலாம். அறிவிப்பு முன்னுரிமைகளை மாற்ற உங்கள் iOS, iPadOS அல்லது visionOS சாதனத்தில், அமைப்புகள் > அறிவிப்புகள் > பாட்காஸ்ட்கள் என்பதற்குச் செல்லவும். நாங்கள் அனுப்பும் அறிவிப்புகள் போன்றவற்றை நீங்கள் கையாளும் விதம் பற்றிய தகவல்களை எங்கள் சேவைகளை மேம்படுத்துவதற்காக Apple பயன்படுத்துகிறது.

Apple Podcasts சந்தாக்கள்

Apple Podcastsஇல் இருந்து பாட்காஸ்ட் சந்தாக்களை நீங்கள் வாங்கினால், அமைப்புகளில் அணுகி மாற்றக்கூடிய கணக்கு மற்றும் பேமெண்ட் தகவல்கள், இதுவரை நீங்கள் வாங்கியவை போன்ற உங்கள் வாங்குதல் பரிவர்த்தனைகளைச் செயலாக்கத் தேவையான தனிப்பட்ட தரவைப் பயன்படுத்துவோம். Apple Podcasts இலவச டிரையல் அல்லது சிறப்புச் சலுகைக்கு நீங்கள் தகுதியானவரா என்பதைப் பார்க்க உங்கள் தனிப்பட்ட தரவையும் நாங்கள் பயன்படுத்தக்கூடும்.

Apple Podcastsஇல் சந்தா சேர்ந்து பார்க்கக்கூடிய கூடுதல் உள்ளடக்கத்தை அணுகுவதற்கு உங்களுக்கு உரிமை உள்ளதா என்று பார்க்க, Apple சேவைகளுக்கான செயலில் உள்ள சந்தாக்கள் மற்றும் App Store மூலம் வாங்கிய மூன்றாம் தரப்புச் செயலிகள் குறித்த தகவல்களைப் பயன்படுத்துவோம். கிடைக்கக்கூடிய உள்ளடக்கத்திற்காக நீங்கள் மூன்றாம் தரப்பினரிடம் இருந்து நேரடியாகச் சந்தாவை வாங்கியிருந்தால், மூன்றாம் தரப்பினர் மூலம் உங்கள் சந்தாவை நீங்கள் சரிபார்த்து அதுபோன்ற உள்ளடக்கத்திற்கான அணுகலைப் பெறலாம்.

மோசடி மற்றும் பிற தீங்கிழைக்கும் செயல்பாட்டைத் தடுத்தல்

நீங்கள் பேமெண்ட் கார்டைப் பயன்படுத்தும்போது எதிர்கால வாங்குதல்கள், தொடர் பரிவர்த்தனைகள் அல்லது நீங்கள் அங்கீகரிக்கும் பிற பயன்பாடுகளுக்காக Apple உங்கள் கார்டு எண்ணையும் பில்லிங் தகவல்களையும் தக்கவைத்து தானாகப் புதுப்பிக்கலாம். Apple இந்தத் தகவல்களை உங்கள் நிதி நிறுவனம் அல்லது பேமெண்ட் நெட்வொர்க்கிலிருந்து பெற்று மோசடித் தடுப்பு மற்றும் சரிபார்ப்புக்காகப் பயன்படுத்தலாம். பேமெண்ட் கூட்டாளரிடமிருந்து அங்கீகாரத்தைப் பெறுவதற்கு முன்பாக உங்கள் சந்தாக்களுக்கான தற்போதைய அணுகலை வழங்குவதா வேண்டாமா என்பதைத் தீர்மானிப்பதற்கும் Apple Podcasts சந்தா புதுப்பிப்புகளைச் செயலாக்குவதற்கும் Apple உடனான உங்கள் வணிகத் தொடர்புகள் பற்றிய இதுவரையான தகவல்களையும் Apple பயன்படுத்தக்கூடும்.

நீங்கள் வாங்க முயலும்போது உங்கள் சாதனத்தை நீங்கள் பயன்படுத்தும் விதத்தின் அடிப்படையில் சாதனத்தின் நம்பகத்தன்மை மதிப்பெண்ணையும் நாங்கள் கணக்கிடுவோம், பயன்படுத்தும் விதம் என்பதில் ஃபோன் அழைப்புகளின் தோராயமான எண்ணிக்கை, நீங்கள் அனுப்பும் அல்லது பெறும் மின்னஞ்சல்களின் தோராயமான எண்ணிக்கை அடங்கும். உங்கள் சாதனத்தில் உள்ள பின்னணி மதிப்புகளை Apple அறிந்துகொள்ளாத வகையில் இந்தக் கணக்கீடு வடிவமைக்கப்பட்டுள்ளது. இந்த மதிப்பெண் குறிப்பிட்ட காலத்திற்கு எங்கள் சர்வரில் சேமிக்கப்பட்டிருக்கும்.

iOS, iPadOS அல்லது visionOS மென்பொருள் உரிம ஒப்பந்தம் அல்லது பொருந்தக்கூடிய சட்டத்தை மீறும் அல்லது மீறக்கூடிய செயல்பாடுகளைத் தவிர்ப்பதற்காக அல்லது அவற்றுக்கு எதிராக நடவடிக்கைகளை எடுப்பதற்காக உங்கள் Apple Podcasts பயன்பாடு குறித்த தகவல்களை Apple பயன்படுத்தக்கூடும்.

தனிப்பட்ட தரவைச் செயலாக்குவதற்குப் பொருந்தக்கூடிய சட்டரீதியான அடிப்படை

பொதுவாக Apple உடனான உங்கள் ஒப்பந்தத்தைச் செயல்படுத்துவதற்காகவும், சேவைகளை வழங்கத் தேவைப்படும் அளவிற்கும், எங்கள் சட்டரீதியான கடமைகளுக்கு இணங்குவதற்காகவும் Apple Podcastsஇல் உங்கள் தனிப்பட்ட தரவை நாங்கள் செயலாக்குகிறோம். ஒப்புதல் என்பது சட்டரீதியான அடிப்படையாக அமையும் இடங்களில், பொருந்தும் உள்ளூர் சட்டங்களின் அடிப்படையில் அதைப் பெற முயல்கிறோம்.

பொருந்தும் உள்ளூர் சட்டங்கள் குறிப்பிடும் இடங்களில், பின்வரும் காரணங்களுக்காக எங்களின் அல்லது மூன்றாம் தரப்புகளின் நியாயமான நலன்களின் நோக்கத்திற்காகத் தேவைப்படும் அளவிற்குத் தனிப்பட்ட தரவைச் செயலாக்குகிறோம்:

• உங்களுக்குக் கிடைக்கும் உள்ளடக்கதைக் காட்டுதல்
• உங்கள் சாதனங்கள் அனைத்திலும் உங்களுக்குப் பிடித்த வகைகளையும், பிளேபேக் நிலையையும் லைப்ரரியையும் ஒத்திசைத்தல்
• உங்களுக்கும் பிறருக்கும் சேவையை உகந்ததாக்குதல் மற்றும் மேம்படுத்துதல், Apple Podcasts செயலி மற்றும் நீங்கள் விரும்பக்கூடிய பிற Apple தயாரிப்புகள், சேவைகள் மற்றும் சலுகைகள் பற்றிய தகவல்களை உங்களுக்கு அனுப்புதல்
• மோசடி மற்றும் பிற தீங்கிழைக்கும் செயல்பாட்டைத் தடுத்தல்

பயன்படுத்தப்படும் தரவில் இவையும் அடங்கும்:

• உங்களுக்குப் பிடித்த வகைகள், பிளே ஆகும் நிலை, உங்கள் லைப்ரரியில் உள்ள உள்ளடக்கம் ஆகியவை உட்பட, உங்கள் Apple Podcasts பயன்பாடு
• Apple Podcastsஇல் நீங்கள் வாங்கிய பாட்காஸ்ட் சந்தாக்கள்
• உங்கள் கணக்கு, இதில் உங்களுக்குச் சொந்தமான Apple தயாரிப்புகள், Apple சேவைகளுக்கான உங்கள் சந்தாக்கள் போன்றவை அடங்கும்
• உங்கள் IP முகவரி

தக்கவைத்தல்

Apple Podcastsஇல் உங்கள் வாங்குதல்கள் தொடர்பான தனிப்பட்ட தரவை நிதி அறிக்கை தொடர்பான பொருந்தும் உள்ளூர் சட்டங்களில் குறிப்பிடப்பட்டுள்ள கால அளவிற்குத் தக்க வைக்கிறோம், இது வட்டாரத்தைப் பொறுத்து மாறுபடும். பெரும்பான்மையான வாடிக்கையாளர்களுக்குக் குறைந்தபட்சம் 10 வருடம் தக்கவைத்தல் காலம் தேவையாக இருக்கிறது, ஆனால் சீனா போன்ற சில வட்டாரங்களில் இந்தக் காலம் 30 வருடங்களாக இருக்கலாம். எங்கள் பொருந்தும் விதிமுறைகளுக்கு ஏற்ப உங்களின் வாங்குதல் பதிவை மீண்டும் அணுக உங்களுக்கு உதவுவதற்காக உங்கள் கணக்கு இருக்கும் காலம் வரை அந்தப் பதிவை நாங்கள் தக்கவைக்கிறோம். நீங்கள் உங்கள் கணக்கை மூடிய பின்னர் அல்லது Apple Podcasts செயலியைப் பயன்படுத்துவதை நிறுத்திய பின்னரும் பரிவர்த்தனைகள் போன்ற சில தகவல்கள் (உங்கள் சேமிக்கப்பட்ட கார்டு விவரங்கள் அல்ல) வணிகப் பதிவுகளாகச் சேமிக்கப்பட்டிருக்கக்கூடும்.

Apple சேகரிக்கும் தகவல்கள் எல்லா நேரங்களிலும் Appleஇன் தனியுரிமைக் கொள்கையின்படி கையாளப்படும். இதை www.apple.com/in/privacy தளத்தில் பார்வையிடலாம்.

2025-12-12