• உங்கள் iOS சாதனத்தில் பாஸ்கோடைப் பயன்படுத்தினால் Apple Research செயலி சேகரிக்கும் அல்லது அணுகும் தகவல்கள் அனைத்தும் என்கிரிப்ட் செய்யப்பட்டுச் சேமிக்கப்படும். உங்கள் தொடர்புத் தகவல்கள், மக்கள்தொகைத் தகவல்கள், உடல்நலத் தகவல்கள், Apple Research செயலியை நீங்கள் பயன்படுத்தும் விதம் குறித்த தகவல்கள், உங்கள் iOS, watchOS சாதனங்களில் இருந்து பெறப்பட்ட சென்சார் மற்றும் பயன்பாட்டுத் தரவு போன்றவை ஆராய்ச்சித் தரவுகளில் இருக்கும்.
• ஆய்வுக்கான ஒப்புதல் படிவங்களில் கையொப்பமிட்டு நீங்கள் அதில் இணைந்து, Apple Research செயலியில் இருந்து ஆய்வு சேகரிக்கவோ அணுகவோ கூடிய தகவல்களுக்கான அங்கீகாரத்தை வழங்கிய பிறகே Apple Research செயலியில் உள்ள தகவல்கள் ஆய்வுடன் பகிரப்படும்.
• ஆய்வின் ஒரு பகுதியாக உங்கள் தகவல்களை நீங்கள் Apple உடன் பகிரத் தேர்வுசெய்தால், Apple மூலம் நிர்வகிக்கப்படும் சர்வர்களுக்கு அனுப்பப்படும்போதும் அவற்றில் சேமிக்கப்படும்போதும் உங்கள் தகவல்கள் என்கிரிப்ட் செய்யப்படும். Apple Research செயலியால் சேகரிக்கப்படும், உங்களை நேரடியாக அடையாளம் காணக்கூடிய தகவல்களை (உங்கள் பெயர், மின்னஞ்சல் முகவரி, ஃபோன் எண் போன்றவை) Appleஆல் படிக்க முடியாது.
• நீங்கள் பதிவுசெய்துள்ள ஒவ்வொரு ஆய்வுக்கும் உங்கள் தகவல்கள் சேகரிப்படும் மற்றும் பயன்படுத்தப்படும் விதத்தை நீங்கள் நிர்வகிக்கலாம், ஆய்வு உடனான தரவுப் பகிர்வை எப்போது வேண்டுமானாலும் நிறுத்தலாம்.

Apple Research செயலி மூலம் உங்கள் iPhoneஐப் பயன்படுத்தி உங்கள் iOS, watchOS மற்றும் பிற சாதனங்களில் சேகரிக்கப்பட்டுள்ள சில தகவல்களைப் பகிர்வதை உள்ளடக்கிய Apple ஆராய்ச்சி ஆய்வுகளைக் கண்டறியவும், அவற்றில் பதிவுசெய்யவும், பங்கேற்கவும் முடியும்.

நீங்கள் பதிவுசெய்திருக்கும் ஒவ்வொரு ஆய்விலும் உங்கள் தனிப்பட்ட தரவை உள்ளடக்கிய தகவல்களின் சேகரிப்பையும் பயன்பாட்டையும் நீங்கள் நிர்வகிக்கலாம். உங்கள் iOS சாதனத்தில் பாஸ்கோடைப் பயன்படுத்தினால் Apple Research செயலி சேகரிக்கும் அல்லது அணுகும் தகவல்கள் அனைத்தும் என்கிரிப்ட் செய்யப்பட்டுச் சேமிக்கப்படும்.

ஆய்வுக்கான ஒப்புதல்களில் கையொப்பமிட்டு நீங்கள் அதில் இணைந்து, Apple Research செயலியில் இருந்து ஆய்வு சேகரிக்கவோ அணுகவோ கூடிய தகவல்களுக்கான அங்கீகாரத்தை வழங்கிய பிறகு மட்டுமே Apple Research செயலியில் உள்ள தகவல்கள் ஆய்வுடன் பகிரப்படும். ஆய்வின் ஒரு பகுதியாக உங்கள் தகவல்களை நீங்கள் Apple உடன் பகிரத் தேர்வுசெய்தால், Apple மூலம் நிர்வகிக்கப்படும் சர்வர்களுக்கு அனுப்பப்படும்போதும் அவற்றில் சேமிக்கப்படும்போதும் உங்கள் தகவல்கள் என்கிரிப்ட் செய்யப்படும். Apple Research செயலியால் சேகரிக்கப்படும், உங்களை நேரடியாக அடையாளம் காணக்கூடிய தகவல்களை (உங்கள் பெயர், மின்னஞ்சல் முகவரி, ஃபோன் எண் போன்றவை) Appleஆல் படிக்க முடியாது.

Apple Research செயலியால் சேகரிக்கப்பட்ட அல்லது அணுகப்பட்ட ஆராய்ச்சித் தரவில் இவை இருக்கலாம்:

• ஆராய்ச்சி சுயவிவரம் குறித்த தகவல்கள்: முதல் ஆய்வில் பங்கேற்க நீங்கள் பதிவுசெய்யும்போது Apple Research செயலியில் ஓர் ஆராய்ச்சி சுயவிவரத்தை உருவாக்குவதற்காக சில தகவல்களை வழங்குமாறு உங்களிடம் கேட்கப்படும். இதில் உங்கள் பெயர், மின்னஞ்சல் முகவரி, ஃபோன் எண், பிறந்த தேதி போன்ற தகவல்களும் அடங்கும். Apple Research செயலியில் இயக்கப்படும் ஆராய்ச்சிகளில் பங்கேற்கும் முன் இந்தச் சுயவிவரத் தகவல்களை நீங்கள் வழங்க வேண்டும். குறிப்பிட்ட ஆய்வுகளில் பங்கேற்க நீங்கள் தகுதியுள்ளவரா என்பதைத் தீர்மானிக்க உங்கள் சுயவிவரத் தகவல்கள் பயன்படுத்தப்படக்கூடும். ஆய்வில் தகுதிபெறுகிறீர்களா என்பதைச் சரிபார்ப்பதற்கான உங்கள் சுயவிவரத் தகவல்களின் இந்தச் செயலாக்கம் சாதனத்தில் செய்யப்படும். உங்கள் தொடர்புத் தகவல்கள் அல்லது முழுமையான பிறந்த தேதியை Appleஆல் அணுக முடியாது.
• மக்கள்தொகைத் தகவல்கள்: பாலினம், பூர்வீகம் போன்ற சில மக்கள்தொகை சார்ந்த தகவல்களையும் வழங்குமாறு உங்களிடம் கேட்கப்படும். ஆய்வில் பங்கேற்பதற்கு முன்னதாக நீங்கள் மக்கள்தொகை சார்ந்த தகவல்கள் எதையும் வழங்க வேண்டிய அவசியமில்லை. குறிப்பிட்ட ஆய்வுகளில் பங்கேற்க நீங்கள் தகுதியுள்ளவரா என்பதைத் தீர்மானிக்க உங்கள் மக்கள்தொகை சார்ந்த தகவல்கள் பயன்படுத்தப்படக்கூடும். ஆய்வில் தகுதிபெறுகிறீர்களா என்பதைச் சரிபார்ப்பதற்கான உங்கள் மக்கள்தொகைத் தகவல்களின் இந்தச் செயலாக்கம் சாதனத்தில் செய்யப்படும்.
• உடல்நலம் குறித்த தகவல்கள்: உங்களைப் பற்றிய தகவல்கள் “உடல்நலம்” செயலியில் இருந்தால், குறிப்பிட்ட சில ஆய்வுகளில் அவற்றை நீங்கள் பகிரலாம். இந்தத் தகவல்களில் உங்கள் உடல்நலப் பதிவுகள், செயல்பாடுகள், உடல் அளவீடுகள், உயிர்க்கூறு அளவீடுகள், மருந்துகள், மனநலம், நகர்வுநிலை, ஊட்டச்சத்து, உறக்கம், சுவாசம், அறிகுறிகள் மற்றும் இனப்பெருக்க நலத் தகவல்கள் (மாதவிடாய் சுழற்சியின் நீளம் மற்றும் தொடர்புடைய அறிகுறிகள்) ஆகியவை அடங்கும். கருத்துக்கணிப்புகள், பணிகள் ஆகியவற்றின் மூலம் நீங்கள் கிளைம் குறித்த தகவல்களையும் உடல்நலம் தொடர்பான தகவல்களையும் பகிரலாம்.
• Apple Research செயலி பயன்பாட்டுத் தகவல்: இது Apple Research செயலியின் உங்கள் பயன்பாடு, அதனுடனான உங்கள் செயல்பாடுகள் மற்றும் அதிலுள்ள குறிப்பிட்ட ஆய்வுகள் குறித்த தகவல்கள். எடுத்துக்காட்டாக, ஆய்வு தொடர்பாக நீங்கள் பெறும் அறிவிப்புகள், அவற்றுக்குப் பதிலளிக்கும் விதமாக நீங்கள் எடுக்கும் நடவடிக்கைகள்; குறிப்பிட்ட ஆய்வில் நீங்கள் எப்போது பதிவுசெய்தீர்கள் என்ற விவரம்; நீங்கள் தொடங்கியுள்ள மற்றும் நிறைவுசெய்திருக்கும் ஆய்வு தொடர்பான பணிகள்; Research செயலியில் இருந்து எப்போதெல்லாம் எவ்வளவு தரவு அனுப்பப்பட்டது என்ற விவரம்; Research செயலியை எப்படித் தொடங்குவது என்ற விவரம்; Research செயலி செயல்படும் விதம் குறித்த தகவல் போன்ற தகவல்கள் இதில் அடங்கும்.
• சென்சார் & பயன்பாட்டுத் தரவு: குறிப்பிட்ட தேவைகளைப் பூர்த்திசெய்யும் ஆராய்ச்சிகளுக்கு மட்டுமே இந்த சென்சார் மற்றும் சாதனப் பயன்பாட்டுத் தகவல்கள் கிடைக்கும். ஆராய்ச்சி நெறிமுறைக் குழுவால் மதிப்பாய்வு செய்யப்படும் ஆராய்ச்சிகளும் இதிலடங்கும். நீங்கள் இணையும் ஒவ்வொரு ஆய்வுடனும் பகிரப்படும் சென்சார் & பயன்பாட்டுத் தரவை உங்களால் கட்டுப்படுத்த முடியும், மேலும் எப்போது வேண்டுமானாலும் எந்தவொரு ஆய்வுடனும் இந்தத் தரவு பகிரப்படுவதை நீங்கள் நிறுத்தலாம். அமைப்புகள் > தனியுரிமை & பாதுகாப்பு > ஆராய்ச்சி சென்சார் & பயன்பாட்டுத் தரவு என்பதற்குச் சென்று மேலும் அறியலாம்.
• பிற தரவு வகைகள்: Apple Research செயலி மூலம் மேற்கொள்ளப்பட்ட சோதனைகள் அல்லது கருத்துக்கணிப்புகள் மற்றும் பணிகளில் இருந்து உருவாக்கப்பட்ட ஆடியோ/வீடியோ தரவுகள் அல்லது தகவல்கள் போன்ற கூடுதல் தரவு வகைகளை Apple Research செயலியில் உள்ள சில ஆய்வுகள் சேகரிக்கலாம் அணுகலாம். ஆய்வுக்கான ஒவ்வொரு ஒப்புதலிலும், பொருந்தக்கூடிய வகையில் அத்தகைய தரவின் சேகரிப்பு, பயன்பாடு, பகிர்வு குறித்து விளக்கப்படும்.

“உங்கள் தரவு” தாவலுக்குச் சென்று திரையில் காட்டப்படும் வழிகாட்டுதல்களைப் பின்பற்றி, Apple Research செயலி மூலம் சேகரிக்கப்பட்ட அல்லது அணுகப்பட்ட எந்தவொரு தரவும் Apple Research செயலியில் உள்ள ஆய்வுகளுடன் பகிரப்படுவதை நீங்கள் எப்போது வேண்டுமானாலும் நிறுத்தலாம்.

இந்த ஆய்வில் பங்கேற்பதை நீங்கள் எப்போது வேண்டுமானாலும் நிறுத்தலாம். “ஆய்வுகள்” தாவலுக்குச் சென்று தொடர்புடைய ஆய்வைத் தேர்ந்தெடுத்து “இந்த ஆய்வில் இருந்து விலக்கு” என்பதைத் தட்டுவதன் மூலம் Apple Research செயலியில் இயங்கும் ஆய்வில் இருந்து நீங்கள் விலகலாம். Apple Research செயலியை நீக்கினாலோ ஆஃப்லோட் செய்தாலோ தரவுச் சேகரிப்பும் பகிர்வும் இடைநிறுத்தப்படும், ஆனால் நீங்கள் ஆய்வில் இருந்து விலக்கப்படமாட்டீர்கள். ஒவ்வொரு ஆய்வின் தகவலறிந்த ஒப்புதலிலும் குறிப்பிட்ட தக்கவைப்புக் கொள்கைகளும், ஆய்வில் இருந்து விலகுவதற்கான படிகளும் விளக்கப்பட்டிருக்கும்.

உங்கள் Apple Research செயலியில் சேமிக்கப்பட்டுள்ள தகவல்களில் இதுவரையான உங்கள் மருத்துவ விவரங்கள் முழுமையாக இல்லாமல் போகலாம், மேலும் அதிகாரப்பூர்வ உடல்நலப் பதிவுகளுக்கோ நிபுணர்களின் மருத்துவரீதியான முடிவுகளுக்கோ மாற்றாக அவற்றைப் பயன்படுத்தக்கூடாது. உங்கள் உடல்நலம் தொடர்பாக எந்த முடிவுகளையும் எடுப்பதற்கு முன்பு, மருத்துவச் சேவை வழங்குநருடன் நீங்கள் கலந்தாலோசிக்க வேண்டும். உங்கள் Apple Research செயலியில் சேமிக்கப்பட்டுள்ள தகவல்களில் ஆய்வு குறித்த முழுமையான பதிவுகள் காட்டப்படாமலும் போகலாம். உங்கள் ஆய்வுப் பதிவுகள் குறித்த கேள்விகள் ஏதேனும் இருந்தால் ஒவ்வொரு ஆய்வின் ஒப்புதலிலும் பட்டியலிடப்பட்டுள்ள தொடர்புகளுடன் நீங்கள் கலந்தாலோசிக்க வேண்டும்.

Apple Research செயலி அல்லது Apple Research செயலியில் இருந்து செயல்படுத்தப்பட்ட ஏதேனும் அம்சங்களில் இருந்து Apple சேகரிக்கும் தகவல்கள் எல்லா நேரங்களிலும் Appleஇன் உடல்நல ஆராய்ச்சிச் செயலிகளுக்கான தனியுரிமைக் கொள்கையின்படி கையாளப்படும், இதை www.apple.com/legal/privacy/apple-health-studies/en-ww தளத்தில் பார்க்கலாம்.

2025-12-12