• AppleCare திட்டத்தை வழங்குதல் மற்றும் வாங்குதலைச் செயல்படுத்துவதற்காக, உங்களுக்குச் சொந்தமான சாதனங்கள், அவற்றில் இருந்து வாங்கிய மற்றும் செயல்படுத்திய தேதிகள் ஆகியவை உட்பட உங்கள் Apple கணக்கைப் பற்றிய தகவல்களை Apple பயன்படுத்தக்கூடும். இதன் மூலம் எந்தத் திட்டத்தை வாங்கலாம் என்ற பரிந்துரைகளையும் உங்களுக்கு வழங்கக்கூடும். பயனரின் அனுபவத்தைப் புரிந்துகொள்வதற்காகவும், AppleCareக்கான எங்கள் பரிந்துரைகளை மேம்படுத்துவதற்காகவும் இந்தப் பரிந்துரைகளைப் பற்றிய தகவல்களை அடையாளம் காணக்கூடிய விதத்தில் Apple பதிவு செய்கிறது.
• AppleCare One காப்பீட்டிற்கு முன் உங்கள் சாதனங்களை மதிப்பிடுவதற்கு உங்கள் சாதனங்கள் AppleCare One காப்பீட்டிற்குத் தகுதியானவையா என்பதை மதிப்பிடுவதற்கு, உங்கள் Apple கணக்கு, உங்களுக்குச் சொந்தமான சாதனங்கள் மற்றும் ஆக்சஸரிகள் பற்றிய தகவல்கள், Apple உடனான உங்கள் தொடர்பு விவரங்கள், உங்கள் தற்போதைய AppleCare திட்டங்கள் பற்றிய தகவல்கள் ஆகியவற்றை Apple பயன்படுத்தும். சில சமயங்களில், சாதனத்தையோ ஆக்சஸரியையோ பதிவுசெய்ய அனுமதிக்கும் முன்பே Appleக்குக் கூடுதல் பழுதறிதல்கள் அல்லது கடையில் நேரடியாக மதிப்பிடுதல் தேவைப்படலாம்.
• உதவி மற்றும் சேவை தொடர்பாக நீங்கள் கோரிக்கை வைக்கும்போது உங்கள் Apple கணக்கு, சாதனங்கள், AppleCare திட்டம் ஆகியவற்றைப் பற்றிய தகவல்களை Apple பயன்படுத்தக்கூடும். இந்தத் தகவல்கள் உங்கள் சிக்கலைப் பிழையறிந்து திருத்தவும், உங்களைத் தொடர்புகொள்ளவும், தேவைப்படும்போது ரீஃபண்ட்கள் வழங்கவும், மோசடிக்கு எதிராகப் பாதுகாக்கவும், Appleஇன் தயாரிப்புகள் அல்லது சேவைகளை மேம்படுத்தவும் பயன்படுத்தப்படக்கூடும்.
• உங்கள் AppleCare திட்டத்தின் சில அம்சங்களை ஆதரிக்கும் வகையில் மூன்றாம் தரப்புச் சேவை வழங்குநர்கள் மற்றும் எங்கள் காப்பீட்டுக் கூட்டாளருடன் Apple சேகரிக்கும் தகவல்களை Apple பகிரக்கூடும். உதாரணமாக, காப்பீட்டிற்கு நீங்கள் பதிவுசெய்யும்போது அல்லது ரத்துசெய்யும்போது எங்கள் காப்பீட்டுக் கூட்டாளருடன் இந்தத் தகவல்களை Apple பகிரக்கூடும்.

உங்கள் தேவைகளுக்கு ஏற்ற கவரேஜைத் தேர்வுசெய்யும் விருப்பங்களுடன் Apple நிபுணர்களிடம் இருந்து சேவையையும் உதவியையும் AppleCare திட்டங்கள் வழங்குகின்றன.

AppleCare பரிந்துரைகள்

நீங்கள் ஒரு புதிய சாதனத்தை வாங்கும்போது அல்லது உங்களிடமுள்ள சாதனத்தில் AppleCare திட்டத்தில் சேரும்போது, எந்த AppleCare திட்டத்தை வாங்கலாம் என்பது பற்றிய பரிந்துரைகளை உங்களுக்கு வழங்க உங்கள் Apple கணக்குத் தகவல்கள் பயன்படுத்தப்படும். நீங்கள் வைத்திருக்கும் சாதனங்கள், அவற்றை வாங்கிய மற்றும் செயல்படுத்திய தேதிகள், நீங்கள் ஏற்கெனவே AppleCareக்குச் சந்தா செலுத்தியுள்ளீர்களா என்பது போன்ற தகவல்கள் இதில் அடங்கும். பொதுவாக உங்கள் iOS, iPadOS அல்லது visionOS சாதனங்களில் தனிப்பயனாக்கப்பட்ட பரிந்துரைகளைச் செயல்படுத்த அல்லது முடக்க, அமைப்புகள் > [உங்கள் பெயர்] > மீடியா & வாங்குதல்கள் > கணக்கைக் காட்டு என்பதற்குச் சென்று “தனிப்பயனாக்கப்பட்ட பரிந்துரைகள்” என்பதைத் தட்டவும். Apple Store செயலியில் நீங்கள் பகிரும் தரவுகளை உங்களுக்குப் பரிந்துரைகளைக் காட்டப் பயன்படுத்த வேண்டுமா என்பதைக் கட்டுப்படுத்தலாம். நீங்கள் பகிர்வதை மாற்ற, Apple Store செயலியில் உள்ள கணக்கு > அமைப்புகள் என்பதற்குச் சென்று “உங்கள் சாதனங்கள்” அல்லது “உங்கள் சேவைகள்” என்பதைத் தட்டவும். பயனரின் அனுபவத்தைப் புரிந்துகொள்வதற்காகவும், AppleCare திட்டங்களுக்கான எங்கள் பரிந்துரைகளை மேம்படுத்துவதற்காகவும் இந்தப் பரிந்துரைகளைப் பற்றிய தகவல்களை அடையாளம் காணக்கூடிய விதத்தில் Apple பதிவு செய்கிறது.

AppleCare பேமெண்ட்கள்

AppleCare திட்டத்திற்குக் காப்பீட்டுக் காலத்திற்கான மொத்த தொகை, மாதாந்தர காப்பீட்டுத் தொகை (“மாதாந்தரத் திட்டம்”) அல்லது வருடாந்தர காப்பீட்டுத் தொகை (“வருடாந்தரத் திட்டம்) என நீங்கள் கட்டணம் செலுத்தலாம். மாதாந்தர மற்றும் வருடாந்தரத் திட்டங்களுக்கு, உங்கள் Apple கணக்குடன் இணைக்கப்பட்டுள்ள பேமெண்ட் முறையில் இருந்து கட்டணம் விதிக்கப்படும். Apple.com தளத்தில் மாதாந்தர அல்லது வருடாந்தரத் திட்டத்தை வாங்கியிருந்தால், இயல்புநிலை அல்லாத பேமெண்ட் முறையாக இந்த பேமெண்ட் முறை உங்கள் Apple கணக்கில் சேர்க்கப்படும். உங்கள் Apple கணக்குடன் எந்த பேமெண்ட் முறையையும் இணைக்கவில்லை எனில், உங்கள் திட்டத்திற்கான பேமெண்ட்டை வசூலிப்பதற்கான இயல்புநிலை பேமெண்ட் முறையாக, இதை வாங்குவதற்குப் பயன்படுத்தும் பேமெண்ட் முறையை உங்கள் Apple கணக்கில் சேர்ப்போம். உங்கள் iOS, iPadOS அல்லது visionOS சாதனத்தில் அமைப்புகள் > [உங்கள் பெயர்] > பேமெண்ட் & ஷிப்பிங் என்பதற்குச் சென்று உங்கள் Apple கணக்குடன் இணைக்கப்பட்டுள்ள பேமெண்ட் முறையை மாற்றலாம். Macஇல், சிஸ்டம் அமைப்புகள் > [உங்கள் பெயர்] > பேமெண்ட் & ஷிப்பிங் என்பதற்குச் செல்லவும்.

AppleCare One: சாதனத்தின் தகுதிநிலை

பல்வேறு சாதனங்கள் மற்றும்/அல்லது இணக்கமான ஆக்சஸரிகளுடன் AppleCare திட்டத்தில் சேர AppleCare One உங்களை அனுமதிக்கும். உங்கள் AppleCare One திட்டத்தின் கீழ் சேர்க்க விரும்பும் அனைத்துச் சாதனங்களிலும் உங்கள் Apple கணக்கில் உள்நுழைந்திருக்க வேண்டும். நீங்கள் பதிவுசெய்த பிறகு, Apple உங்களைப் பற்றியும் உங்கள் சாதனங்களைப் பற்றியும் உள்ள தகவல்களைப் பயன்படுத்தி, எந்தெந்தச் சாதனங்கள் மற்றும் இணக்கமான ஆக்சஸரிகள் உடனடியாகக் காப்பீட்டைப் பெறமுடியும் என்பதையும், காப்பீட்டிற்குத் தகுதிபெற எந்தெந்தச் சாதனங்களுக்குக் கூடுதல் கண்டறிதல்கள் தேவைப்படலாம் என்பதையும் மதிப்பிடும். இந்தத் தகுதி மதிப்பீடு, உங்கள் சாதனத்திற்குத் தகுதியான சிறந்த காப்பீடு கிடைப்பதை உறுதிசெய்கிறது, மேலும் மோசடிகளைத் தடுக்கவும் Appleக்கு உதவுகிறது. குறிப்பாக, உங்கள் AppleCare One திட்டத்தில் ஒரு சாதனத்தைச் சேர்க்கும்போது உங்கள் Apple கணக்கு, சாதனங்கள் மற்றும் தற்போதைய AppleCare திட்டத்தின் காப்பீடு பற்றிய தகவல்களை இந்த முடிவை எடுப்பதற்காக Apple பயன்படுத்தும். இதில் நீங்கள் கடைசியாக iCloudஇல் உள்நுழைந்த நேரம், Appleக்குச் செலுத்தவேண்டிய கட்டணங்கள் நிலுவையில் உள்ளதா என்ற விவரம், உங்கள் சாதனங்களின் வயது, சாதனம் பதிவுசெய்யப்பட்ட நாடு, சாதனத்திற்கான கடந்தகாலப் பழுதுபார்ப்புகள் மற்றும் சேவைத் தொடர்பான விவரங்கள், அத்துடன் சாதனம் இடம் அறி மூலம் தொலைந்ததாகக் குறிக்கப்பட்டதா அல்லது திருடப்பட்டதாகப் புகாரளிக்கப்பட்டதா போன்ற தகவல்களும் அடங்கும். சில சூழல்களில், சாதனத்தையோ ஆக்சஸரியையோ பதிவுசெய்ய அனுமதிக்கும் முன்பே Appleக்குக் கூடுதல் கண்டறிதல்கள் தேவைப்படலாம். இதில் சோதனை அழைப்பு அல்லது மெசேஜிங், ரிமோட் நிலையில் செயல்பாடு மற்றும் புறநிலையான பழுதறிதல் மற்றும்/அல்லது கடையில் நேரடியாக மதிப்பீடு செய்தல் ஆகியவையும் இன்னும் பலவும் அடங்கும். Apple உங்கள் தகுதியை மதிப்பிட ரிமோட் பழுதறிதல்களைச் சமர்ப்பிக்குமாறு உங்களைக் கேட்கும்போது, அவற்றைச் சமர்ப்பிக்கும் முன்பே நாங்கள் சேகரிக்கும் தரவு பற்றிய கூடுதல் தகவல்கள் உங்களுக்குக் காட்டப்படும்.

உதவி மற்றும் சேவை

உங்கள் Apple கணக்கு, சாதனங்கள், உதவி மற்றும் சேவையை நீங்கள் கேட்கும்போது AppleCare திட்டம் ஆகியவற்றைப் பற்றிய தகவல்களை Apple பயன்படுத்தக்கூடும். உங்கள் தொடர்புத் தகவல்கள், உங்கள் இருப்பிடத்தைப் பற்றிய தகவல்கள், சாதன வரிசை எண்கள், நிதிக் கணக்குத் தகவல்கள் உள்ளிட்ட தனிப்பட்ட தரவுகள் மற்றும் நீங்கள் வழங்கும் பிற தகவல்கள் போன்றவை உங்களை அங்கீகரிக்கவும், உங்கள் சிக்கலைப் பிழையறிந்து திருத்தவும், உங்களைத் தொடர்புகொள்ளவும், தேவைப்படும்போது ரீஃபண்ட்கள் வழங்கவும், மோசடிக்கு எதிராகப் பாதுகாக்கவும், Appleஇன் தயாரிப்புகள் அல்லது சேவைகளை மேம்படுத்தவும் பயன்படுத்தப்படும்.

மூன்றாம் தரப்பினருடன் பகிர்தல்

உங்கள் AppleCare திட்டத்தின் சில அம்சங்களை ஆதரிக்கும் வகையில் மூன்றாம் தரப்புச் சேவை வழங்குநர்கள் மற்றும் எங்கள் காப்பீட்டு கூட்டாளருடன் நாங்கள் சேகரிக்கும் தகவல்களை Apple பகிரக்கூடும். உதாரணமாக, AppleCareஇல் நீங்கள் பதிவுசெய்யும்போது, ஒப்பந்தத்தை ரத்துசெய்யும்போது, AppleCare One திட்டத்தில் ஒரு சாதனத்தைப் பதிவுசெய்யும்போது அல்லது பதிவை ரத்துசெய்யும்போது அல்லது திருட்டு மற்றும் இழப்பிற்கான கிளைமைத் தொடங்கும்போது உங்கள் தொடர்புத் தகவல்கள் மற்றும் சாதன அடையாளத் தகவல்களை Apple எங்கள் காப்பீட்டுக் கூட்டாளருடன் பகிரும்.

உங்களுடனான தகவல்தொடர்புகள்

AppleCare திட்டத்தைப் பற்றி உங்களுடன் விவாதிக்க உங்கள் Apple கணக்கு மற்றும் சாதனங்களைப் பற்றிய தகவல்களை Apple பயன்படுத்தக்கூடும். பேமெண்ட்கள், வாங்குதல்கள் தொடர்பான மெசேஜ்களும், இன்வாய்ஸ்கள் அல்லது ரசீதுகளை உங்களுக்கு வழங்குவதற்கான மெசேஜ்களும், உங்கள் கிளைம்கள் மற்றும் உங்கள் சாதனங்களைப் பற்றிய தகவல்களை உங்களுக்குத் தெரிவிப்பதற்கான மெசேஜ்களும் இதில் அடங்கும். Apple தயாரிப்புகள், சேவைகள், நீங்கள் விரும்பக்கூடிய சலுகைகள் பற்றிய தகவல்களை உங்களுக்கு அனுப்ப, நீங்கள் வைத்திருக்கும் Apple தயாரிப்புகள், Apple சேவைகளுக்கான உங்கள் சந்தாக்கள் போன்ற உங்கள் Apple கணக்கு பற்றிய தகவல்களையும் Apple பயன்படுத்தக்கூடும். மார்க்கெட்டிங் மின்னஞ்சல்களைப் பெற நீங்கள் ஒப்புதலளித்தால், இந்தத் தகவல்கள் மின்னஞ்சல் வழியாக உங்களுக்கு அனுப்பப்படலாம். நாங்கள் அனுப்பும் அறிவிப்புகள் போன்றவற்றை நீங்கள் கையாளும் விதம் பற்றிய தகவல்களை எங்கள் சேவைகளை மேம்படுத்துவதற்காக Apple பயன்படுத்துகிறது. account.apple.com இணையதளத்திற்குச் சென்று அல்லது உங்கள் iOS, iPadOS அல்லது visionOS சாதனத்தில் அமைப்புகள் > [உங்கள் பெயர்] > தனிப்பட்ட தகவல்கள் > “தகவல்தொடர்பு முன்னுரிமைகள்” என்பதற்குச் சென்று உங்கள் மின்னஞ்சல் முன்னுரிமைகளை நீங்கள் மாற்றலாம், இந்த வகையான சில மின்னஞ்சல்களைப் பெறுவதற்கான ஒப்புதலைத் திரும்பப் பெறலாம். உங்கள் Macஇல், சிஸ்டம் அமைப்புகள் > [உங்கள் பெயர்] > தனிப்பட்ட தகவல் > “தகவல்தொடர்பு முன்னுரிமைகள்” என்பதற்குச் செல்லுங்கள்.

பகுப்பாய்வுகள்

தகுதிநிலைச் செயல்முறை, திட்டத்தின் விற்பனைகள், சாதனத்தைப் பயன்படுத்தத் தயார்செய்தல், சேவை நிகழ்வுகள் ஆகியவை உட்பட AppleCare உடனான உங்கள் வாங்குதல் அனுபவம் மற்றும் தகவல்தொடர்புகளைப் பற்றிய அடையாளம் காணக்கூடிய தகவல்களை Apple சேகரிக்கிறது. சேவையைச் செயல்படுத்தவும் அதை மேம்படுத்தவும் உதவ, வணிகம், உள்ளக ஆராய்ச்சி, பகுப்பாய்வுகள் போன்றவற்றிற்காகவும், மார்க்கெட்டிங் நோக்கங்களுக்காகவும், மோசடியைத் தடுக்கவும் மற்றும் பாதுகாப்பு நோக்கங்களுக்காகவும் அத்தகைய தகவல்கள் பயன்படுத்தப்படக்கூடும்.

தனிப்பட்ட தரவைச் செயலாக்குவதற்குப் பொருந்தக்கூடிய அடிப்படைச் சட்டங்கள்

பொதுவாக, Apple உடனான உங்கள் ஒப்பந்தத்தைச் செயல்படுத்துவதற்காகவும், சேவைகளை வழங்கத் தேவைப்படும் அளவிற்கும், எங்கள் சட்டரீதியான கடமைகளுக்கு இணங்குவதற்காகவும் உங்கள் தனிப்பட்ட தரவை நாங்கள் செயலாக்குகிறோம். ஒப்புதல் என்பது சட்டரீதியான அடிப்படையாக அமையும் இடங்களில், பொருந்தும் உள்ளூர் சட்டங்களின் அடிப்படையில் அதைப் பெற முயல்கிறோம்.

பொருந்தும் உள்ளூர் சட்டங்கள் குறிப்பிடும் இடங்களில், பின்வரும் காரணங்களுக்காக எங்களின் அல்லது மூன்றாம் தரப்புகளின் நியாயமான நலன்களின் நோக்கத்திற்காகத் தேவைப்படும் அளவிற்குத் தனிப்பட்ட தரவைச் செயலாக்குகிறோம்:

• உங்களுக்காகவும் பிறருக்காகவும் Apple தயாரிப்புகளையும் சேவைகளையும் மேம்படுத்துதல்
• சேவைகளையும் உதவிகளையும் உங்களுக்கு வழங்குதல்
• திட்டங்களுக்கான தகுதிநிலையைச் சரிபார்த்தல், AppleCare மற்றும் நீங்கள் விரும்பக்கூடிய தொடர்புடைய பிற Apple தயாரிப்புகள், சேவைகள் மற்றும் சலுகைகள் பற்றிய தகவல்களை உங்களுக்கு அனுப்புதல்
• மோசடி மற்றும் பிற தீங்கிழைக்கும் செயல்பாட்டைத் தடுத்தல்

பயன்படுத்தப்படும் தரவில் இவையும் அடங்கும்:

• உங்களுக்கான உதவி மற்றும் Apple உடனான சேவை உரையாடல்கள்
• உங்கள் சாதனங்கள் மற்றும் உங்கள் Apple கணக்கு பற்றிய விவரங்கள்
• உங்கள் AppleCare திட்டத்தைப் பற்றிய விவரங்கள்

தக்கவைத்தல்

வணிகத் தேவை, ஒப்பந்தக் கடமை அல்லது சட்டப்பூர்வத் தேவைக்காக எங்களுக்குத் தேவைப்படும் காலம் வரை மட்டுமே உங்கள் பரிவர்த்தனைகள் மற்றும் உங்கள் திட்டப் பயன்பாடு உடன் தொடர்புடைய தனிப்பட்ட தரவை Apple தக்கவைக்கும். பொதுவாக, உங்களுக்குத் தொடர்புடைய AppleCare உதவி மற்றும் சேவை தொடர்பான தகவல்களை 10 வருடங்களுக்கு Apple சேமித்து வைக்கும். சட்டத் தேவை இருக்கும்பட்சத்தில் இந்தத் தக்கவைப்புக் காலம் நீட்டிக்கப்படலாம்.

Apple சேகரிக்கும் தகவல்கள் எல்லா நேரங்களிலும் Appleஇன் தனியுரிமைக் கொள்கையின்படி கையாளப்படும். இதை www.apple.com/in/privacy தளத்தில் பார்வையிடலாம்.

2026-03-30