• பகுப்பாய்வுகளை Apple உடன் பகிர நீங்கள் தேர்வுசெய்யும்போது உங்கள் அனுபவத்தை மேம்படுத்தவும், விதிமுறைகளுடன் இணங்குவதற்காகவும் உலாவித் தேர்வுச் செயலாக்கத்துடனான உங்கள் தொடர்புமுறைகள் பற்றிய தகவல்களை Apple சேகரிக்கும். இந்தத் தகவல் உங்களுடன் தொடர்புபடுத்தப்படாது.
• உங்கள் சாதனத்தில் தற்போது இல்லாத உலாவிச் செயலியை நீங்கள் தேர்ந்தெடுக்கும்போது அதை இயல்புநிலை உலாவியாக அமைக்க, செயலி App Storeஇல் இருந்து பதிவிறக்கப்படும்.
• உலாவிச் செயலியின் பதிவிறக்கத்தை Apple உங்கள் Apple கணக்குடன் இணைக்கும்.

நீங்கள் இணையதளத்தின் இணைப்புகளைத் திறக்கும்போது பயன்படுத்தப்படுவதற்கு இயல்புநிலை உலாவிச் செயலியைத் தேர்வுசெய்வதற்கான விருப்பம் உங்களுக்கு வழங்கப்பட்டுள்ளது.

பகுப்பாய்வுகளை Apple மற்றும் செயலி டெவலப்பர்களுடன் பகிர நீங்கள் தேர்வுசெய்தால், உங்களது தட்டுதல்கள், நீங்கள் பார்வையிடுபவை, தேர்வுப் பக்கத்தில் உலாவிகளை அமைக்கும் விதம் போன்று உலாவித் தேர்வில் நீங்கள் மேற்கொள்ளும் செயல்பாடுகள் பற்றிய தகவல்களை Apple சேகரிக்கும். இந்தத் தரவுகளைச் சேகரிக்கும்போது Apple உங்கள் தனியுரிமையைப் பாதுகாக்கும், இந்தத் தரவை உங்களுடன் இணைக்காது. உலாவித் தேர்வு அனுபவத்தை மேம்படுத்தவும் Appleஇன் அறிக்கையிடல் மற்றும் இணங்கும் நோக்கங்களுக்காகவும் இந்தத் தரவு பயன்படுத்தப்படக்கூடும். பகுப்பாய்வுகளைப் பகிர்வதற்கான விருப்பத்தேர்வுகளை நீங்கள் எப்போது வேண்டுமானாலும் மாற்றலாம். உங்கள் iOS அல்லது iPadOS சாதனத்தில் அதைச் செய்ய, அமைப்புகள் > தனியுரிமை & பாதுகாப்பு > பகுப்பாய்வுகள் & மேம்பாடுகள் என்பதற்குச் சென்று “[சாதனம்] பகுப்பாய்வுகளைப் பகிர்” என்பதைத் தட்டி ஆஃப் செய்யவும்.

உங்கள் சாதனத்தில் தற்போது இல்லாத உலாவிச் செயலியை நீங்கள் தேர்ந்தெடுக்கும்போது, செயலி App Storeஇல் இருந்து தானாகப் பதிவிறக்கப்பட்டு உங்கள் இயல்புநிலை உலாவியாக அமைக்கப்படும். இந்தப் பதிவிறக்கம் செய்யப்படும்போது, உங்கள் Apple கணக்குடன் உங்கள் சாதனத்தின் வன்பொருள் ஐடி, IP முகவரி போன்ற அடையாளத் தகவல்களை Apple பதிவுசெய்கிறது. நீங்கள் App Storeஐப் பயன்படுத்தும்போது, www.apple.com/in/legal/privacy/data/en/app-store இணையதளத்தில் “App Store & தனியுரிமை” என்பதில் விவரிக்கப்பட்டுள்ளபடி உங்கள் இயல்புநிலை உலாவிச் செயலியின் பதிவிறக்கம் உட்பட உங்கள் பதிவிறக்கங்கள் பற்றிய தகவல்கள் பயன்படுத்தப்படக்கூடும்.

உங்கள் இயல்புநிலை உலாவியை நீங்கள் எப்போது வேண்டுமானாலும் மாற்றலாம். அதைச் செய்ய, அமைப்புகள் > செயலிகள் என்பதற்குச் சென்று, உங்கள் இயல்புநிலை உலாவியாக அமைக்க விரும்பும் செயலியைத் தட்டி, “இயல்புநிலை உலாவிச் செயலி” என்பதைத் தட்டவும். உங்கள் இயல்புநிலை செயலியாக அமைக்க விரும்பும் செயலியைத் தேர்ந்தெடுக்கவும். இந்தச் செயலியே இயல்புநிலையாக அமைக்கப்பட்டுள்ளது என்பதை உறுதிசெய்ய, அதற்கு அடுத்து ஒரு டிக் மார்க் தோன்றும்.

Apple சேகரிக்கும் தகவல்கள் எல்லா நேரங்களிலும் Apple இன் தனியுரிமைக் கொள்கையின்படி கையாளப்படும், அதை www.apple.com/in/privacy தளத்தில் பார்க்கலாம்.

2025-12-12