• உங்கள் வட்டாரத்தில் NFC & SE பிளாட்ஃபார்ம் கிடைக்கிறதா என்பதைக் கண்டறிய, உங்கள் இருப்பிடம் பற்றிய தகவல்களை உங்கள் சாதனம் பயன்படுத்தும்.
• NFC & SE பிளாட்ஃபார்மைப் பயன்படுத்தி நீங்கள் உள்நுழைவு விவரத்தைச் சேர்க்கும்போது, உங்கள் சாதனத்தில் உள்நுழைவு விவரத்தை அமைக்க உங்கள் Apple கணக்கு மற்றும் சாதன அடையாளத் தகவல்களை Apple பயன்படுத்தும்.
• பில்லிங் செய்யும் நோக்கத்திற்காக மட்டுமே உங்களுடன் இனி தொடர்புபடுத்த முடியாத NFC & SE பிளாட்ஃபார்ம் தரவு Appleஆல் பயன்படுத்தப்படும்.

NFC & SE பிளாட்ஃபார்ம் மூலம் உங்களுக்கு விருப்பமான கான்டாக்ட்லெஸ் செயலியை நீங்கள் பயன்படுத்தி ஸ்டோர்களில் உங்கள் உள்நுழைவு விவரங்களை வழங்கலாம்.

NFC & SE பிளாட்ஃபார்மைப் பயன்படுத்துதல்

கிடைக்கும் நிலையைக் கண்டறிதல்
உங்களுக்கு விருப்பமான கான்டாக்ட்லெஸ் செயலிக்கு NFC & SE பிளாட்ஃபார்மைப் பயன்படுத்தி உள்நுழைவு விவரங்களை வழங்க நீங்கள் முயற்சிசெய்யும்போது, NFC & SE பிளாட்ஃபார்ம் கிடைப்பதை உறுதிசெய்ய உங்கள் இருப்பிடம் மற்றும் சாதன அமைப்புகள் பற்றிய தகவல்களை உங்கள் சாதனமே பயன்படுத்தும், Apple இல்லை. உங்கள் சாதனத்தால் கிடைக்கும் நிலையைக் கண்டறிய முடியவில்லை எனில், உங்களின் கான்டாக்ட்லெஸ் செயலியில் உள்நுழைவு விவரங்களைச் சேர்க்க முடியாமல் போகலாம். கான்டாக்ட்லெஸ் பேமெண்ட்டிற்கான இயல்புநிலைச் செயலியில் சில விருப்பத்தேர்வுகளின் கிடைக்கும்நிலையைக் கண்டறிய, உங்கள் இருப்பிடம் பற்றிய தகவல்களையும் உங்கள் சாதனம் பயன்படுத்தும். அமைப்புகள் > செயலிகள் > [செயலியின் பெயர்] > “கான்டாக்ட்லெஸ் பேமெண்ட்டிற்கான இயல்புநிலைச் செயலி” என்பதற்குச் சென்று கிடைக்கக்கூடிய விருப்பத்தேர்வுகளைப் பார்க்கலாம். NFC & SE பிளாட்ஃபார்ம் ஆதரிக்கப்படும் வட்டாரத்தில் நீங்கள் இல்லாதபோது உங்கள் இயல்புநிலை கான்டாக்ட்லெஸ் செயலிக்கான விருப்பத்தேர்வுகளை மாற்றினால் உங்களுக்கு விருப்பமான கான்டாக்ட்லெஸ் செயலியை NFC & SE பிளாட்ஃபார்ம் கிடைக்காதபோது உள்நுழைவு விவரங்களை வழங்கப் பயன்படுத்துவது தடுக்கப்படக்கூடும்.

உங்கள் சாதனத்தில் உள்நுழைவு விவரங்களைச் சேர்த்தல்
உங்களுக்கு விருப்பமான கான்டாக்ட்லெஸ் செயலியில் நீங்கள் உள்நுழைவு விவரங்களைச் சேர்க்கும்போது, உங்கள் செக்யூர் எலிமென்ட்டுக்கான உள்நுழைவு விவரங்களைப் பாதுகாப்பாக வழங்க, உங்கள் Apple கணக்கையும் உங்கள் சாதனத்தின் வன்பொருள் அடையாளத் தகவல்களையும் Apple பயன்படுத்தும். கான்டாக்ட்லெஸ் செயலியில் உள்ள உள்நுழைவு விவரங்களை நிர்வகிப்பதற்கு (நீங்கள் வழங்கிய உள்நுழைவு விவரங்களைப் புதுப்பித்தல் அல்லது நீக்குதல் போன்றவை) Apple, உங்கள் கான்டாக்ட்லெஸ் செயலி வழங்குநர் மற்றும் உங்கள் உள்நுழைவு விவரங்களின் வழங்குநரை அனுமதிக்க, இந்தத் தகவல்களை Apple பயன்படுத்தும் மற்றும் சேமிக்கும். உங்கள் உள்நுழைவு விவரங்களின் பயன்பாட்டுக் காலத்தை நிர்வகிக்கப் பயன்படுத்தப்படும் தகவல்களில், உங்கள் உள்நுழைவு விவரம் அதன் வழங்குநரால் எப்படி உள்ளமைக்கப்பட்டுள்ளது என்ற தகவல், கான்டாக்ட்லெஸ் செயலியின் வழங்குநர் பற்றிய தகவல்கள் ஆகியவை அடங்கும். உங்களுக்கு விருப்பமான கான்டாக்ட்லெஸ் செயலியுடன் NFC & SE பிளாட்ஃபார்மைப் பயன்படுத்தும்போது உங்கள் உள்நுழைவு விவரங்களை Apple பார்க்காது அல்லது சேமிக்காது.

பில்லிங் செயல்பாடுகளுக்காக Apple உடன் பகிரப்படும் தகவல்கள்
NFC & SE பிளாட்ஃபார்மைப் பயன்படுத்தி உங்கள் கான்டாக்ட்லெஸ் செயலியில் உள்நுழைவு விவரங்களை நீங்கள் வழங்கினாலோ உள்நுழைவு விவரங்களைப் பயன்படுத்தினாலோ, கான்டாக்ட்லெஸ் செயலியின் வழங்குநருக்குக் கட்டணம் விதிக்க உங்களுடன் இணைக்க முடியாத தகவல்களை Apple பயன்படுத்தும். உங்கள் கான்டாக்ட்லெஸ் செயலியில் சேர்க்கப்பட்ட உள்நுழைவு விவரங்களின் எண்ணிக்கை மற்றும் வகை பற்றிய குறிப்பிட்ட சில தகவல்களையும், உள்நுழைவு விவரங்களை நீங்கள் ஒவ்வொரு முறை வழங்கும்போதும் அந்த எண்ணிக்கையையும் உங்கள் சாதனம் பகிரும். பில்லிங் செயல்பாடுகளுக்காக மட்டுமே இந்தத் தகவல்களை உங்களுடன் இணைக்கப்படாத வகையில் Apple உடன் உங்கள் சாதனம் பகிரும். உங்கள் கான்டாக்ட்லெஸ் செயலியில் இருந்து உள்நுழைவு விவரங்களை நீங்கள் வழங்கும்போது உங்கள் பரிவர்த்தனைத் தகவல்களை Apple பார்க்காது அல்லது சேமிக்காது.

தனிப்பட்ட தரவைச் செயலாக்குவதற்குப் பொருந்தக்கூடிய அடிப்படைச் சட்டங்கள்

சேவைகளை வழங்கத் தேவைப்படும் அளவிற்கும், எங்கள் சட்டரீதியான கடமைகளுக்கு இணங்குவதற்காகவும் “NFC & SE பிளாட்ஃபார்ம்” அம்சத்திற்கான உங்கள் தனிப்பட்ட தரவை நாங்கள் செயலாக்குகிறோம். ஒப்புதல் என்பது சட்டரீதியான அடிப்படையாக அமையும் இடங்களில், பொருந்தும் உள்ளூர் சட்டங்களின் அடிப்படையில் அதைப் பெற முயல்கிறோம்.

பொருந்தும் உள்ளூர் சட்டங்கள் குறிப்பிடும் இடங்களில், தனிப்பட்ட தரவின் பின்வரும் வகைகளை எங்களின் அல்லது மூன்றாம் தரப்புகளின் நியாயமான நலன்களின் நோக்கத்திற்காகத் தேவைப்படும் அளவிற்குச் செயலாக்குகிறோம், இதில் பின்வருவன பற்றிய தகவல்களும் அடங்கும்:

• உங்கள் இருப்பிடம்
• உங்கள் சாதனம் (சாதனத்தின் வகை, மென்பொருள் பதிப்பு மற்றும் சாதன வரிசை எண் போன்றவை)
• உங்கள் Apple கணக்கு (எ.கா., உங்கள் மின்னஞ்சல் முகவரி)
• நிறுவப்பட்ட கான்டாக்ட்லெஸ் செயலிகளில் NFC & SE பிளாட்ஃபார்மைப் பயன்படுத்துதல் (எ.கா., ஒவ்வொரு கான்டாக்ட்லெஸ் செயலிக்கும் வழங்கப்பட்ட உள்நுழைவு விவரங்கள் பற்றிய தகவல்கள்) மற்றும் ஒவ்வொரு உள்நுழைவு விவரத்தையும் நீங்கள் பயன்படுத்தும் விதம்

நியாயமான நலன்கள் என்பதில் இவையும் அடங்கும்:

• உங்களுக்கு விருப்பமான கான்டாக்ட்லெஸ் செயலியில் உள்நுழைவு விவரங்களைச் சேர்த்தல் மற்றும் நிர்வகித்தல்
• NFC & SE பிளாட்ஃபார்மை இயக்குதல் மற்றும் கான்டாக்ட்லெஸ் செயலி வழங்குநர்கள் மற்றும் உள்நுழைவு விவரங்களின் வழங்குநர்களுக்கு பில் செய்தல்
• மோசடி மற்றும் பிற தீங்கிழைக்கும் செயல்பாட்டைத் தடுத்தல்

Apple சேகரிக்கும் தகவல்கள் எல்லா நேரங்களிலும் Apple இன் தனியுரிமைக் கொள்கையின்படி (www.apple.com/in/privacy தளத்தைப் பார்வையிடலாம்) கையாளப்படும்.

2025-12-12