ఆరోగ్యం, యాక్టివిటి మరియు ఫిట్‌నెస్ ఫీచర్‌ల ప్రభావాన్ని అభివృద్ధి చేయడం, మెరుగుపరచడం, అలాగే అర్థం చేసుకోవడం కోసం ’ఆరోగ్యం & యాక్టివిటి మెరుగుదల’ ఫీచర్ మీ iPhone, iPad, Apple Vision Pro, AirPods, Apple Watch నుండి యాక్టివిటి, వర్క్‌ఔట్, ఆరోగ్య సంబంధిత సమాచారాన్ని Appleకి పంపుతుంది. ఇందులో ఆరోగ్యం, యాక్టివిటీ సంబంధిత సెన్సార్‌ల నుండి ప్రాసెస్ చేయని, విశ్లేషించబడిన డేటా ఉండవచ్చు (ఉదాహరణకు Apple వాచ్‌లోని ఫోటోప్లెథిస్మోగ్రఫీ (PPG) సెన్సార్ నుండి డేటా). మీ డేటా వేరే ఇతర ప్రయోజనం కోసం ఉపయోగించబడదు, అలాగే వ్యక్తిగత డేటా కలిగి ఉండదు.

మేము సేకరించే సమాచారం

ఆరోగ్యం & యాక్టివిటి మెరుగుదలలో భాగంగా Apple సేకరించవచ్చునని పేర్కొన్న సమాచారం‌లో, మీరు ఆరోగ్యం యాప్‌లో నమోదు చేసిన నిర్దిష్ట డేటా (ఉదాహరణకు వయస్సు, లింగం, ఎత్తు, బరువు, వీల్‌చైర్ మోడ్ స్థితి), అలాగే మీ Apple Watch, iPhone, iPad, ఇంకా Apple Vision Pro డివైజ్‌లలో ఆరోగ్యం, ఫిట్‌నెస్ యాప్‌లలో చూపబడే డేటా, ఆరోగ్యం, ఫిట్‌నెస్ సంబంధిత యాప్‌లు, ఇంకా AirPods నుండి సేకరించబడే కొంత డేటా ఉంటుంది. ఉదాహరణకు, షేర్ చేసిన సమాచారంలో వీటికి సంబంధించిన సమాచారం ఉండవచ్చు:

గుండె ఆరోగ్యం

• మీరు ECG యాప్‌ను ఉపయోగించే విధానం, ఉదాహరణకు, తీసిన ECG రికార్డింగ్‌ల సంఖ్య, ఫలితాలు, అలాగే సంబంధిత లక్షణాలు
• హార్ట్ రేట్, ఉదాహరణకు అసమాన రిథమ్ నోటిఫికేషన్‌లు, ఫ్రీక్వెన్సీ, ఇంకా నోటిఫికేషన్‌ల రకం, హార్ట్ రేట్ కొలతల సంఖ్య, ఇంకా రకం, కొన్ని ఆర్టీరియల్ ఫిబ్రిల్లేషన్ విలువల శాతాలు, వివిధ డేటా రకాలతో మీ ఇంటరాక్షన్‌లు, సంబంధిత జీవన పరిస్థితులు, అలాగే అసంపూర్ణంగా ఉన్న కొలతల సంఖ్య, సాధ్యమైన కారణాలు
• గుండె సంబంధిత కొలతలు, విజువలైజేషన్‌లు
• రక్తపోటు లాగ్ ఫీచర్‌కు సంబంధించి మీ వినియోగం, ఉదాహరణకి మీరు రక్తపోటు రీడింగ్‌ను లాగ్ చేశారా లేదా, లాగ్ చేసిన రీడింగ్‌ల మధ్య వ్యవధి, మొత్తం లాగ్ చేసిన రక్తపోటు రీడింగ్‌ల సంఖ్య, అలాగే మీ లాగ్ చేసిన రక్తపోటు రీడింగ్‌లు, హైపర్‌టెన్షన్ నోటిఫికేషన్ ఫీచర్ వినియోగంతో ఎలా సంబంధం కలిగి ఉన్నాయన్న వివరాలు
• హైపర్‌టెన్షన్ నోటిఫికేషన్ ఫీచర్‌ను మీరు ఉపయోగించిన విధానం, ఉదాహరణకి, పొందిన హైపర్‌టెన్షన్ నోటిఫికేషన్‌ల సంఖ్య, అలాగే అందుకున్న హైపర్‌టెన్షన్ నోటిఫికేషన్‌ల మధ్య వ్యవధి

రక్తంలో ఆక్సిజన్

• రక్తంలో ఆక్సిజన్ యాప్‌కి సంబంధించి మీ వినియోగం, ఉదాహరణకు విజయవంతమైన కొలతల ఫలితాలు, తీసిన కొలతల ఖచ్చితమైన సంఖ్య, అలాగే కొలతలకు సంబంధించిన నిర్దిష్ట నాణ్యత

మానసిక ఆరోగ్యం

• మీరు మానసిక శ్రేయస్సు ఫీచర్‌లను ఉపయోగించిన విధానం, ఉదాహరణకు, ఫీచర్‌లతో మీ ఇంటరాక్షన్, మీరు క్లినికల్ అసెస్‌మెంట్‌ను పూర్తి చేశారా, ఎప్పుడు పూర్తి చేశారు అన్న వివరాలు, మానసిక స్థితిని ఎంత తరచుగా లాగ్ చేసారు, అలాగే వాటికి సంబంధించి ఎనేబల్ చేసిన నోటిఫికేషన్‌ల ఫ్రీక్వెన్సీ & రకం అలాగే వాటితో మీ ఇంటరాక్షన్
• మీరు మైండ్‌ఫుల్‌నెస్ యాప్‌ను ఉపయోగించిన విధానం, ఉదాహరణకి, మైండ్‌ఫుల్‌నెస్ సెషన్ రకం, హార్ట్ రేట్ లెక్కించబడిందా లేదా అన్న విషయం, అలాగే మైండ్‌ఫుల్‌నెస్ మీ శ్వాసను అనుసరించే సెషన్‌లో క్యాప్చర్ చేయబడిన శ్వాస విషయంలో పొందిన డేటా, ఇందులో మీ సగటు శ్వాస రేటు, సెషన్ సమయం, ఇంకా కొన్ని సెషన్‌లో తలెత్తిన ఎర్రర్‌కు సంబంధించిన సమాచారం ఉంటుంది

రుతుచక్ర ట్ర్యాకింగ్

• గర్భనిరోధకాల వాడకం, దీర్ఘకాలిక రుతు కాలాలను గుర్తించడం, క్రమరహిత లేదా అరుదైన రుతుచక్రాలు, నిరంతర స్పాటింగ్, అండం విడుదల అంచనాలు, రుతుచక్ర కాలం, ఇంకా ఫర్టైల్ విండో అంచనాలు, ఇంకా రిపోర్ట్ చేయబడిన ఇంట్లో అండం విడుదల పరీక్ష ఫలితాలు వంటి రుతుచక్రాలు, గర్భం, చక్ర కారణాలకు సంబంధించిన, అలాగే వాటి నుండి ఉత్పన్నమయ్యే లక్షణాలు, ఫలితాలు
• గర్భధారణ ఫీచర్‌కు సంబంధించి మీ వినియోగం, అలాగే దాని కోసం మీరు తీసుకునే చర్యలు, అందులో భాగంగా మీ ప్రస్తుత గర్భధారణ స్థితి, గర్భధారణకు సంబంధించిన కొన్ని లెక్కించిన తేదీలు (ఉదాహరణకు: మీరు గర్భవతి తేదీని సెట్ చేసారా లేదా), మీ గర్భధారణ వయస్సు, అలాగే మీరు మీ గర్భధారణ వివరాలను మెడికల్ IDకి జోడించడాన్ని ఎంచుకున్నారా లేదా అనే సమాచారం

మందులు

• మెడికేషన్‌ల ఫీచర్‌కు సంబంధించి మీ వినియోగం, ఉదాహరణకి, మీరు మెడికేషన్‌ను లాగ్ చేశారా లేదా, లాగ్ చేయడానికి ఉపయోగించిన పద్ధతి, మందుల షెడ్యూల్‌ను సృష్టించడం, షెడ్యూల్ రకం, షెడ్యూల్‌లకు సంబంధించిన చర్యలు, అలాగే మెడికేషన్‌ల సెట్టింగ్‌లు, ఇంకా నోటిఫికేషన్‌లతో మీ ఇంటరాక్షన్

స్లీప్

• మీరు Apple Watch‌లోని నిద్ర యాప్‌ను, అలాగే ఆరోగ్యం యాప్‌లోని నిద్ర ఫీచర్‌ను ఉపయోగించిన విధానం, ఉదాహరణకు, నిద్ర సమయంలో శ్వాస రేటు విలువలు, నిద్ర షెడ్యూల్‌లు, అవి నమోదు అయిన నిద్ర సమయంతో ఉన్న తేడాలు, నిద్ర సమయాన్ని గుర్తించడానికి, అంచనా వేయడానికి ఉపయోగించిన కదలిక డేటా, ఇంకా ఇతర డివైజ్ వినియోగ డేటా, నిద్ర దశలతో సంబంధిత సమాచారం, అలాగే స్లీప్ స్కోర్ వినియోగం, ఇంకా ఇంటరాక్షన్‌కు సంబంధించిన సమాచారం, ఉదాహరణకు, ఒక నిద్ర సెషన్‌లో మీరు పొందిన స్కోర్, మేల్కొన్న సందర్భాల సంఖ్య
• స్లీప్ యాప్నియా నోటిఫికేషన్‌ల ఫీచర్‌ను మీరు ఎలా ఉపయోగించారు, దానితో మీరు ఎలా ఇంటరాక్ట్ అయ్యారు అనే వివరాలు, అందులో మీ శ్వాసలో అవాంతరాల విలువలు, నిద్ర సెషన్ ప్రారంభమైన సమయం (గంటల్లో), వ్యవధి, శ్వాస అవాంతరాలు పునరావృతం, అలాగే ఒకే నిద్ర సెషన్‌లో జరిగిన అత్యంత దీర్ఘమైన శ్వాసలో అవాంతరాల సమయం కూడా ఉంటాయి

వినికిడి ఆరోగ్యం

• హెడ్‌ఫోన్ ఆడియో స్థాయిలు, ఎన్విరాన్‌మెంటల్ సౌండ్ ఎక్స్‌పోజర్ స్థాయిలు, ఇంకా ఎన్విరాన్‌మెంటల్ సౌండ్ రిడక్షన్ డేటా వంటి వినికిడి ఆరోగ్యానికి సంబంధించిన ఆడియో డేటా
• AirPods Proలో వినికిడి పరీక్ష, ఇంకా వినికిడి సహాయక ఫీచర్‌లు, మీరు వినికిడి పరీక్షను పూర్తి చేశారా లేదా, వినికిడి పరీక్ష వ్యవధి, మీరు వినికిడి పరీక్షను ఎప్పుడు తీసుకున్నారు, పూర్తయిన ఆడియోగ్రామ్‌ల సంఖ్య, అలాగే ఆడియోగ్రామ్ వర్గీకరణలు, మీ పరిసర వాతావరణానికి సంబంధించిన సమాచారం వంటివి

యాక్టివిటి మరియు మోషన్

• యాక్టివిటీ, ఇంకా కదలిక డేటా, అంటే నిలబడి ఉన్న గంటలు, వ్యాయామం చేసిన నిమిషాలు, అంతస్తులు ఎక్కడం, ఎత్తు, లోతు, కదలిక రింగ్ పూర్తి శాతం, శారీరక శ్రమ స్థాయి, వ్యాయామ డేటా (రకం, మోడ్, సోర్స్, వ్యవధి, అలాగే మీరు షేర్ చేసుకునే వ్యాయామాలకు సంబంధించిన సమాచారం, మీరు వర్క్ఔట్ కోసం ఆడియోను ఎంచుకుంటారా లేదా, ఇంకా యాక్టివిటి షేరింగ్‌లో స్నేహితుడి యాక్టివిటి గురించి నోటిఫికేషన్‌లతో మీ ఇంటరాక్షన్‌కు సంబంధించిన నిర్దిష్ట పరిమిత సమాచారం వంటివి), మొబిలిటీకి సంబంధించిన సమాచారం, యాక్సిలెరోమీటర్, గైరోస్కోప్, మీరు ఎదుర్కొంటున్న సాధారణ దిశ, ఇంకా పీడన డేటా
• Apple Fitness+ ఫీచర్‌లు, వర్క్‌ఔట్‌లకు సంబంధించి మీ వినియోగం

హెల్త్ షేరింగ్

• మీ ఆరోగ్య డేటాను మీ ఫ్యామిలీ, ఇంకా ఫ్రెండ్స్‌తో షేర్ చేయడానికి అనుమతించే ఆరోగ్య షేరింగ్ ఫీచర్‌‌కు సంబంధించి మీ వినియోగం, ఉదాహరణకి, షేర్ చేసిన సంబంధాల సంఖ్య, షేర్ చేసిన ఆరోగ్య విషయాల సంఖ్య, షేర్ చేసిన ఆరోగ్య విషయాలలో చేసిన మార్పులు, రూపొందించి, షేర్ చేయబడిన ఆరోగ్య ట్రెండ్‌లకు సంబంధించిన సమాచారం, అలాగే ఆరోగ్య షేరింగ్ నోటిఫికేషన్‌లతో మీ ఇంటరాక్షన్
• మీరు “మీ డాక్టర్‌తో షేర్ చేసుకోండి” ఫీచర్‌ను ఉపయోగించిన విధానం, ఉదాహరణకి, వాడకానికి సంబంధించిన ఫ్రీక్వెన్సీ; షేర్ చేసిన ఆరోగ్య విషయాల కనిష్ట, గరిష్ఠ, సగటు సంఖ్య; ఇంకా మీరు ఆరోగ్య డేటాను షేర్ చేసిన వైద్య సిబ్బంది సంఖ్యకు సంబంధించిన పరిమాణ పరిధి

మెడికల్ ID, భద్రత

• పూర్తయిన ఫీల్డ్‌లు, ఫీచర్‌తో మీ ఇంటరాక్షన్‌ల వంటి మీ మెడికల్ ID వినియోగం
• Apple Watchలో ఫాల్ డిటెక్షన్ ఫీచర్‌ను మీరు ఎలా ఉపయోగించారు, దానితో మీరు ఎలా ఇంటరాక్ట్ అయ్యారు వంటి సమాచారం, ఉదాహరణకు మీరు పడిపోయిన, అలాగే ఇతర ప్రమాదాలు, వాటి ప్రభావాల సమాచారం

Siri, ఇంకా ఆరోగ్యం యాప్

• Siriని ఉపయోగించి మీరు ఆరోగ్యం యాప్ డేటాను యాక్సెస్ చేసే విధానం, ఉదాహరణకు, మీరు కనుగొన్న ఆరోగ్యం యాప్ డేటా రకం, అలాగే మీరు చేసిన రిక్వెస్ట్ రకం, ఇందులో ఆరోగ్యం యాప్‌లో సమాచారం రికార్డ్ చేయాలని రిక్వెస్ట్ చేశారా లేదా ఆరోగ్యం యాప్ నుంచి సమాచారాన్ని రిక్వెస్ట్ చేశారా లేదా అనేది కూడా ఉంటుంది

ఇతరం

• మణికట్టు ఉష్ణోగ్రత కొలతలు, అంటే సమగ్ర ఉష్ణోగ్రత కొలతలు, మణికట్టు ఉష్ణోగ్రత కొలత డేటా నుండి పొందిన సమాచారంతో సహా ఇతర ఉష్ణోగ్రత ఆధారిత సమాచారం
• మణికట్టు స్థితి, ఓరియెంటేషన్
• దృష్టి ప్రిస్క్రిప్షన్, సంబంధిత ఫీల్డ్‌లు
• మీరు ఆరోగ్యం యాప్‌లోకి నిర్దిష్ట ధృవీకరించదగిన ఆరోగ్య సంబంధ రికార్డ్‌ల డేటాను ఎప్పుడు, ఎలా దిగుమతి చేసుకుంటారు, అలాగే ఆరోగ్యం యాప్‌లో డిస్‌ప్లే చేసే సంబంధిత డేటా, VO₂ max వంటివి

Apple Watch‌లోని వైటల్స్ యాప్, ఇంకా ఆరోగ్యం యాప్‌లోని వైటల్స్‌ను మీరు ఎలా ఉపయోగించారు, వాటితో ఎలా ఇంటరాక్ట్ అయ్యారు అనే వివరాలు, ఉదాహరణకి, సాధారణ పరిధికి వెలుపల ఉన్న ఆరోగ్య ప్రమాణాల సంఖ్య, మీరు పొందిన నోటిఫికేషన్‌ల సంఖ్య, అలాగే వైటల్స్‌కు మద్దతుగా ఉపయోగించిన కొన్ని ఆరోగ్య ఫీచర్‌లను మీరు ఎలా ఉపయోగించారు అనే సమాచారం

పగటి పూట గడిపే సమయం ఫీచర్‌ను మీరు ఎలా ఉపయోగించారు, దానితో మీరు ఎలా ఇంటరాక్ట్ అయ్యారు అనే విషయాలు, ఉదాహరణకి, మీరు వెలుతురు ఉన్న సమయంలో గడిపిన అంచనా సమయం, ఇంకా పరిసరాలలోని కాంతి విలువల సమగ్ర గణాంకాలు

ఇతర థర్డ్ పార్టీ ఫిట్‌నెస్ యాప్‌లు లేదా డివైజ్‌లు ఇన్‌స్టాల్ చేయబడ్డాయా, అయితే అవి ఎలా ఇన్‌స్టాల్ చేయబడ్డాయి, ఉపయోగించబడ్డాయి లేదా కనెక్ట్ చేయబడ్డాయి; అలాగే థర్డ్ పార్టీ యాప్‌లలో (ఉదాహరణకు, HealthKit APIలు) ఉపయోగించే నిర్దిష్ట Apple ఆరోగ్యం, ఫిట్‌నెస్ ఫీచర్‌లు లేదా అల్గారిథమ్‌లతో మీ ఎంగేజ్‌మెంట్; మీ దాదాపు లొకేషన్; ఆరోగ్యం యాప్ మరియు ఫిట్‌నెస్ యాప్‌తో మీ ఇంటరాక్షన్‌లు; మీరు ఎంతకాలంగా Apple Watch ఉపయోగిస్తున్నారు; యాక్టివిటి, అలాగే ఆరోగ్య సంబంధిత యాప్‌లు, నోటిఫికేషన్‌లు, సెట్టింగ్‌లు, ఫీచర్‌లతో మీ ఎనేబల్‌మెంట్, ఎంగేజ్‌మెంట్‌

Appleకు పంపే ముందు మీ iPhone, iPad, Apple Vision Pro, AirPods, అలాగే Apple Watchలో మిమల్ని వ్యక్తిగతంగా గుర్తించని, విశ్లేషించని విధంగా పైన అందించిన డేటా మొత్తాన్ని సమూహపరచవచ్చు లేదా కలపవచ్చు.

ఆరోగ్యం & డేటా మెరుగుదల వినియోగం, ఇంకా బహిర్గతం

ఆరోగ్యం, యాక్టివిటి, అలాగే ఫిట్‌నెస్ ఫీచర్‌ల ప్రభావాన్ని అభివృద్ధి చేయడానికి, మెరుగుపరచడానికి, అలాగే అర్థం చేసుకోవడానికి ‘ఆరోగ్యం & యాక్టివిటిని మెరుగుపరచండి’లో భాగంగా సేకరించిన డేటాను Apple ఉపయోగించవచ్చు. ఆరోగ్యం & యాక్టివిటి మెరుగుదల డేటా ట్రెండ్స్‌ను గుర్తించడానికి, నిర్దిష్ట యాక్టివిటి అలాగే ఆరోగ్య సంబంధ ఫీచర్‌ల గురించిన కొలమానాన్ని అంచనా వేయడానికి Apple ద్వారా వినియోగించబడుతుంది. ‘ఆరోగ్యం & యాక్టివిటి మెరుగుదల' కింద సేకరించిన ఆరోగ్యం యాప్ డేటాను ఆరోగ్యం యాప్ ఫీచర్‌లకు శక్తినిచ్చే మోడళ్ళను అభివృద్ధి చేయడానికి, అలాగే మెరుగుపరచడానికి కూడా ఉపయోగించవచ్చు. ఉదాహరణకు, ఆరోగ్యం యాప్ శోధన మోడల్‌లను మెరుగుపరచడంలో సమూహపరిచిన ఆరోగ్యం యాప్ శోధన క్వెరీలను ఉపయోగించవచ్చు. మీ డేటా వేరే ఇతర ప్రయోజనం కోసం ఉపయోగించబడదు, అలాగే వ్యక్తిగత డేటా కలిగి ఉండదు.

పరిమిత పరిస్థితులలో, నియంత్రిత సమర్పణలకు మద్దతు ఇవ్వడానికి అవసరమైన కొన్ని సమగ్ర డేటాను Apple తగిన ఆరోగ్య మరియు వైద్య నియంత్రణ అధికారులతో షేర్ చేయవచ్చు. షేర్ చేయబడిన డేటాలో వ్యక్తిగత స్థాయి డేటా లేదా మిమల్ని గుర్తించగలిగే డేటా ఉండదు.

‘ఆరోగ్యం, యాక్టివిటి మెరుగుదల’ను ఎనేబల్ చేయడం ద్వారా పైన తెలిపినట్లు Apple, దాని అనుబంధ సంస్థలు, అలాగే ఏజెంట్‌లు ఈ సమాచార పంపిణీ, సేకరణ, నిర్వహణ, ప్రాసెసింగ్, వినియోగం, ఈ సమాచార వెల్లడికి అంగీకరించి, సమ్మతిస్తున్నారు. Apple ఈ సమాచారాన్ని ప్రాసెస్ చేసి, విశ్వసనీయ థర్డ్-పార్టీ సర్వీస్ ప్రొవైడర్‌ల వద్ద స్టోర్ చేయవచ్చు.

అన్ని వేళలా, Apple సేకరించిన సమాచారం www.apple.com/in/privacy లింక్‌లో ఉన్న Apple గోప్యతా విధానానికి అనుగుణంగా ఉపయోగించబడుతుంది.

2025-12-12