Touch ID మీ వేలిముద్రను ఉపయోగించి మీ డివైజ్‌ను అన్‌లాక్ చేయడానికి, Apple Pay, App Store మరియు Apple Booksతో కొనుగోళ్లు చేయడానికి మిమ్మల్ని అనుమతిస్తుంది.

Touch ID మీ iPhone, iPad లేదా Macను అన్‌లాక్ చేయడానికి ఉపయోగించవచ్చు. Touch ID సెన్సర్‌ను ఉపయోగించి, Touch ID ఎన్‌రోల్ చేసిన వేలిముద్రను సరిపోలుతుందా లేదా అనేది నిర్ధారిస్తుంది. Apple Payతో చెల్లింపులు చేయడంతో పాటు, App Storeలో కొనుగోళ్లు చేయడం, యాప్‌లలో ప్రామాణీకరణ లాంటివి Touch ID ఇతర ఉపయోగాలు.

మీ వేలిముద్ర మ్యాథమెటికల్ ప్రాతినిధ్యాలతో పాటు — Touch ID డేటా — Secure Enclaveలో ఎన్‌క్రిప్ట్ చేయబడి, సంరక్షించబడుతుంది. Touch ID మీ వేలిముద్ర ఇమేజ్‌లలో వేటినీ స్టోర్ చేయదు, కానీ దానికి బదులుగా గణితాత్మక ప్రాతినిథ్యాలపై ఆధారపడుతుంది. ఈ స్టోర్ చేయబడిన డేటా నుంచి ఎవ్వరికైనా మీ నిజమైన వేలిముద్ర ఇమేజ్‌ను రివర్స్ ఇంజనీర్ చేయడానికి సాధ్యపడదు. Touch ID సరిపోలిక ఖచ్చితత్వాన్ని మెరుగుపరచడానికి ఎప్పటికప్పుడు ఎన్‌రోల్ చేయబడిన వేలిముద్రల మ్యాథమెటికల్ ప్రాతినిధ్యాలు క్రమంగా అప్‌డేట్ చేయబడతాయి. Touch ID డివైజ్‌ను అన్‌లాక్ చేయడానికి సమీప సరిపోలికను, తదనంతరం పాస్‌కోడ్ నమోదు చేయడాన్ని గుర్తిస్తే ఈ డేటాను కూడా అప్‌డేట్ చేస్తుంది.

Touch ID డేటా మీ డివైజ్ నుంచి వెళ్లదు, iCloud లేదా ఎక్కడైనా బ్యాకప్ చేయబడదు.

Touch IDపై మీకు నియంత్రణ ఉంటుంది

మీరు Touch IDలో ఎన్‌రోల్ చేయడానికి ఎంచుకుంటే, ఇది ఎలా ఉపయోగించబడాలి లేదా ఏ సమయంలోనైనా డిసేబల్ చేసేలా నియంత్రించవచ్చు. ఉదాహరణకు, మీరు మీ iPhone లేదా iPadను అన్‌లాక్ చేయడానికి Touch IDని ఉపయోగించవద్దు అనుకుంటే, సెట్టింగ్స్ > Touch ID & పాస్‌కోడ్‌కు వెళ్లి, మీ పాస్‌కోడ్‌ను నమోదు చేయండి, ఆ తర్వాత ‘iPhone అన్‌లాక్ లేదా iPad అన్‌లాక్’ను ఆఫ్ చేయండి. Macలో సిస్టమ్ సెట్టింగ్స్ > Touch ID, పాస్‌వర్డ్‌కు వెళ్లి, ఆ తర్వాత “మీ Macను అన్‌లాక్ చేయడానికి Touch IDని ఉపయోగించండి“ని ఆఫ్ చేయడానికి క్లిక్ చేయండి.

iPhone లేదా iPadలో Touch IDని డిసేబల్ చేయడానికి సెట్టింగ్స్ > Touch ID & పాస్‌కోడ్‌కు వెళ్లి, మీ పాస్‌కోడ్‌ను నమోదు చేయండి, ఆ తర్వాత వేలిముద్రల విభాగం దిగువన స్టోర్ చేయబడిన ప్రతి వేలిముద్రపై ట్యాప్ చేసి, స్టోర్ చేయబడిన ప్రతి వేలిముద్రకు డిలీట్ చేయండిపై ట్యాప్ చేయండి. Macలో సిస్టమ్ సెట్టింగ్స్ > Touch ID, పాస్‌వర్డ్‌కు వెళ్లి మీరు తొలగించాలనుకున్న వేలిముద్రలపై క్లిక్ చేయండి, ప్రాంప్ట్ వచ్చినప్పుడు డిలీట్ చేయడాన్ని నిర్ధారించండి. ఇలా చేయడం వలన మీ డివైజ్ నుంచి ఎన్‌రోల్ చేసిన వేలిముద్రల మ్యాథమెటికల్ ప్రాతినిధ్యాలతో పాటు Touch ID డేటా, డిలీట్ అవుతుంది. మీరు Find Myని ఉపయోగించి మీ డివైజ్‌ను ఎరేజ్ లేదా రీసెట్ చేయడానికి ఎంచుకుంటే లేదా మొత్తం కంటెంట్, సెట్టింగ్‌లు ఎరేజ్ చేస్తే, మొత్తం Touch ID డేటా డిలీట్ అవుతుంది.

Touch ID, యాప్‌లు

మద్దతు ఉన్న యాప్‌లలో, మీరు ప్రామాణీకరణ కోసం Touch IDని ఎనేబల్ చేయవచ్చు. ప్రామాణీకరణ విజయవంతమైందా లేదా అనేది మాత్రమే యాప్‌లకు తెలియజేయబడుతుంది. యాప్‌లు ఎన్‌రోల్ చేసిన వేలిముద్రతో అనుబంధించిన Touch IDని యాక్సెస్ చేయవు.

2025-12-12