• ‏AppleCare پلان کی فراہمی اور خریداری کو آسان بنانے کے لیے Apple کے ذریعے آپ کے Apple اکاؤنٹ سے متعلق معلومات کا استعمال کیا جا سکتا ہے جس میں آپ کی زیر ملکیت Apple ڈیوائس اور ان کی خریداری اور ایکٹیویشن کی تاریخیں شامل ہیں، تاکہ آپ کو یہ تجاویز فراہم کی جا سکیں کہ کون سا پلان خریدنا ہے۔ ‏Apple کے ذریعے ان تجاویز سے متعلق معلومات کا قابل شناخت طور پر ریکارڈ رکھا جاتا ہے تاکہ صارف کے استعمال کو سمجھا جا سکے اور AppleCare سے متعلق تجاویز کو بہتر بنایا جا سکے۔
• ‏AppleCare One کے ساتھ کوریج سے پہلے آپ کے ڈیوائسوں کی تشخیص کے لیے، Apple آپ کے Apple اکاؤنٹ، آپ کی زیر ملکیت ڈیوائس اور ایکسسری، Apple کے ساتھ آپ کے تعاملات اور آپ کے موجودہ AppleCare پلان سے متعلق معلومات کا استعمال AppleCare One کے لیے آپ کے ڈیوائسوں کی اہلیت کی تشخیص کے لیے کرے گا۔ کچھ معاملات میں، آپ کو ڈیوائس یا ایکسسری کا اندراج کرنے کی اجازت دینے سے پہلے Apple کو اضافی تشخیص یا اِن اسٹور تشخیص کی ضرورت پڑ سکتی ہے۔
• ‏Apple کے ذریعے آپ کے Apple اکاؤنٹ، ڈیوائس اور AppleCare پلان سے متعلق معلومات کا استعمال اس وقت کیا جا سکتا ہے جب آپ سپورٹ اور خدمات کی درخواست کرتے ہیں۔ ان معلومات کا استعمال آپ کے مسائل کی زمرہ بندی اور انہیں حل کرنے، آپ کے ساتھ رابطہ کاری، بوقت ضرورت رقم واپسی، دھوکہ دہی سے تحفظ اور Apple کی مصنوعات یا خدمات میں بہتری کے لیے کیا جائے گا۔
• ‏Apple کے ذریعے جمع کردہ معلومات کو Apple کے ذریعے فریق ثالث خدمت فراہم کنندگان اور ہمارے انشورنس پارٹنر کے ساتھ شیئر کیا جا سکتا ہے تاکہ آپ کے AppleCare پلان کے بعض پہلوؤں سے متعلق اعانت فراہم کی جا سکے۔ مثال کے طور پر، آپ کے کوریج میں شامل ہونے یا اسے منسوخ کرنے کی صورت میں Apple کے ذریعے ہمارے انشورنس پارٹنر کے ساتھ یہ معلومات شیئر کی جا سکتی ہے۔

‏AppleCare پلان میں Apple کے ماہرین کی جانب سے خدمات اور سپورٹ فراہم کی جاتی ہیں، جہاں اپنی ضرورت کے مطابق کوریج منتخب کرنے کے اختیارات موجود ہوتے ہیں۔

‏AppleCare تجاویز

جب آپ نیا ڈیوائس خریدتے ہیں یا پہلے سے اپنی زیر ملکیت ڈیوائس پر AppleCare پلان میں اندراج کرتے ہیں تو کون سا AppleCare پلان خریدنا ہے اس کے بارے میں آپ کو تجاویز فراہم کرنے کے لیے آپ کے Apple اکاؤنٹ سے متعلق معلومات کا استعمال کیا جائے گا۔ اس میں آپ کی زیر ملکیت ڈیوائس، ان کی خریداری اور ایکٹیویشن کی تاریخیں اور آیا آپ نے پہلے سے ہی AppleCare کو سبسکرائب کر رکھا ہے، جیسی معلومات شامل ہوتی ہیں۔ عام طور پر، اپنے iOS، ‏iPadOS یا visionOS ڈیوائس پر ذاتی نوعیت کی تجاویز کو فعال یا غیر فعال کرنے کے لیے سیٹنگ > [آپ کا نام] > میڈیا اور خریداری > اکاؤنٹ دیکھیں پر جائیں، پھر “ذاتی نوعیت کی تجاویز” پر ٹیپ کریں۔ ‏Apple Store ایپ پر، آپ تجاویز میں استعمال کے لیے اپنے شیئر کیے گئے ڈیٹا کو کنٹرول کر سکتے ہیں۔ آپ کیا شیئر کرتے ہیں اسے تبدیل کرنے کے لیے، Apple Store ایپ میں اکاؤنٹ > سیٹنگ میں جائیں، پھر “آپ کے ڈیوائس” یا “آپ کی خدمات” پر ٹیپ کریں۔ ‏Apple کے ذریعے ان تجاویز سے متعلق معلومات کا قابل شناخت طور پر ریکارڈ رکھا جاتا ہے تاکہ صارف کے استعمال کو سمجھا جا سکے اور AppleCare پلان سے متعلق تجاویز کو بہتر بنایا جا سکے۔

‏AppleCare ادائیگیاں

آپ AppleCare کے لیے کوریج کی متعینہ مدت، کوریج کی ماہانہ مدت (“ماہانہ پلان”) یا کوریج کی سالانہ مدت (“سالانہ پلان”) کے طور پر ادائیگی کر سکتے ہیں۔ ماہانہ اور سالانہ پلان کے لیے، قیمت آپ کے Apple اکاؤنٹ سے وابستہ ادائیگی کے طریقے سے وصول کی جائے گی۔ اگر آپ Apple.com پر ماہانہ یا سالانہ پلان آن لائن خریدتے ہیں تو ادائیگی کا استعمال کردہ طریقہ آپ کے Apple اکاؤنٹ میں ادائیگی کے غیر ڈیفالٹ طریقے کے طور پر شامل کر دیا جائے گا۔ اگر آپ کے Apple اکاؤنٹ سے ادائیگی کا کوئی طریقہ وابستہ نہیں ہے تو ہم آپ کے پلان کی ادائیگیوں کے لیے آپ کے ذریعے اس خریداری کے لیے استعمال کیے جانے والے ادائیگی کے طریقے کو ادائیگی کے ڈیفالٹ طریقے کے طور پر آپ کے Apple اکاؤنٹ میں شامل کریں گے۔ آپ کسی بھی وقت اپنے iOS، ‏iPadOS یا visionOS ڈیوائس پر سیٹنگ > [آپ کا نام] > ادائیگی اور ترسیل میں جا کر اپنے Apple اکاؤنٹ سے وابستہ ادائیگی کے طریقے کو اپڈیٹ کر سکتے ہیں۔ اپنے Mac پر، سسٹم سیٹنگ > [آپ کا نام] > ادائیگی اور ترسیل پر جائیں۔

‏AppleCare One: ڈیوائس کی اہلیت

‏AppleCare One آپ کو متعدد ڈیوائسوں اور/یا موافق ایکسسری کے ذریعے AppleCare میں اندراج کرنے کی اجازت دیتا ہے۔ آپ کو ان سبھی ڈیوائسوں پر اپنے Apple اکاؤنٹ میں سائن اِن کرنا ہوگا جنہیں آپ اپنے AppleCare One پلان کے ساتھ کور کرنا چاہتے ہیں۔ آپ کے ذریعے اندراج کرنے کے بعد، Apple آپ کی اور آپ کے ڈیوائس سے متعلق معلومات کا استعمال کرے گا تاکہ اس بات کا تعین کیا جا سکے کہ کون سی ڈیوائسوں اور موافق ایکسسری کو فوراً کور کیا جا سکتا ہے اور کن ڈیوائسوں کو کوریج کے لیے اہل بنائے جانے سے پہلے اضافی تشخیص کی ضرورت پڑ سکتی ہے۔ اہلیت کی اس تشخیص کا مقصد اس بات کو یقینی بنانا ہے کہ آپ کے اہل ڈیوائسوں کو بہترین کوریج حاصل ہو اور Apple کو دھوکہ دہی روکنے میں مدد ملے۔ خاص طور پر، جب آپ اپنے AppleCare One پلان میں کوئی ڈیوائس شامل کرنے کی کوشش کرتے ہیں تو Apple اس بات کا فیصلہ کرنے کے لیے آپ کے Apple اکاؤنٹ، ڈیوائسوں اور موجودہ AppleCare پلان کی کوریج کے بارے میں معلومات کا استعمال کرے گا، جس میں یہ بھی شامل ہے کہ آپ نے iCloud میں آخری بار کب سائن اِن کیا تھا، آیا Apple کو واجب الادا کوئی ادائیگی بقایا ہے، آپ کے ڈیوائس کی عمر، وہ ملک جہاں ڈیوائس رجسٹرڈ ہے، ماضی میں کرائی گئی مرمت اور ڈیوائس کے لیے سروس کے روابط اور کیا پتہ لگائیں ایپ کا استعمال کر کے ڈیوائس کو بطور گمشدہ نشان زد کیا گیا ہے یا چوری ہو جانے کے طور پر رپورٹ کیا گیا ہے۔ کچھ معاملات میں، آپ کو ڈیوائس یا ایکسسری کے اندراج کی اجازت دینے سے پہلے Apple کو اضافی تشخیص مطلوب ہو سکتی ہے جس میں ایک ٹیسٹ کال یا پیغام رسانی، ریموٹ فنکشنل اور معمولی تشخیص اور/یا فزیکل، اِن اسٹور تشخیص شامل ہے لیکن ان ہی تک محدود نہیں ہے۔ جہاں Apple آپ سے اہلیت کی تشخیص کے لیے ریموٹ تشخیص جمع کرنے کے لیے کہتا ہے تو ہم ڈیٹا سے متعلق جو بھی اضافی معلومات اکٹھا کریں گے وہ اسے جمع کرنے سے پہلے آپ کو دکھائی دیں گی۔

سپورٹ اور خدمات

‏Apple آپ کے Apple اکاؤنٹ، ڈیوائس اور AppleCare پلان سے متعلق معلومات کا استعمال اس وقت کر سکتا ہے جب آپ سپورٹ اور خدمات کی درخواست کرتے ہیں۔ یہ معلومات جن میں آپ کی رابطے کی معلومات، آپ کی لوکیشن کی معلومات، ڈیوائس کا سیریل نمبر، مالی اکاؤنٹ کی معلومات اور آپ کے ذریعہ فراہم کی جا سکنے والی دیگر معلومات جیسے ذاتی ڈیٹا شامل ہیں، ان کا استعمال آپ کی تصدیق، آپ کے مسائل کی زمرہ بندی اور مسائل حل کرنے، آپ کے ساتھ رابطہ کاری، بوقت ضرورت رقم واپسی، دھوکہ دہی سے تحفظ اور Apple کی مصنوعات یا خدمات میں بہتری کے لیے کیا جائے گا۔

فریق ثالث کے ساتھ شیئر کریں

ہمارے ذریعے جمع کردہ معلومات کو Apple کے ذریعے فریق ثالث خدمت فراہم کنندگان اور ہمارے انشورنس پارٹنر کے ساتھ شیئر کیا جا سکتا ہے تاکہ آپ کے AppleCare پلان کے بعض پہلوؤں سے متعلق اعانت فراہم کی جا سکے۔ مثال کے طور پر، جب آپ AppleCare میں اندراج کرتے ہیں، معاہدہ منسوخ کرتے ہیں، اپنے AppleCare One پلان پر کسی ڈیوائس کا اندراج کرتے یا اندراج ختم کرتے ہیں یا چوری ہونے یا گم ہونے کا دعوی کرتے ہیں تو Apple آپ کے رابطے کی معلومات اور ڈیوائس کے آئیڈنٹیفائر ہمارے انسورنش پارٹنر کے ساتھ شیئر کرے گا۔

آپ سے رابطہ کرنا

آپ کے AppleCare پلان کے حوالے سے آپ کے ساتھ مراسلات کے لیے Apple کے ذریعے آپ کے Apple اکاؤنٹ اور ڈیوائسوں کی معلومات کا استعمال کیا جا سکتا ہے۔ اس میں ادائیگی اور خریداریوں سے متعلق ایسے پیغامات شامل ہو سکتے ہیں جن میں آپ کو انوائس اور رسیدیوں فراہم کی گئی ہوں اور آپ کے دعووں اور ڈیوائس سے متعلق مراسلات کی گئی ہو۔ ‏Apple کے ذریعے آپ کے Apple اکاؤنٹ سے متعلق معلومات جیسے آپ کے پاس موجود Apple کی مصنوعات اور Apple کی خدمات والے آپ کے سبسکرپشن، کا بھی استعمال کیا جا سکتا ہے، جس سے آپ کو آپ کی دلچسپی کی Apple کی دیگر مصنوعات، خدمات اور آفر کے بارے میں اطلاعات بھیجی جا سکیں۔ اگر آپ نے ای میل مارکیٹنگ حاصل کرنے کی رضامندی دے رکھی ہے، تو آپ کو یہ مواصلات ای میل کے ذریعے موصول ہو سکتی ہیں۔ ‏Apple اپنی خدمات کو بہتر بنانے کے لیے اطلاعات سمیت ہمارے مواصلات کے ساتھ آپ کے تعاملات سے متعلق معلومات کا استعمال کرتا ہے۔ آپ ‏account.apple.com پر جا کر یا اپنے ‏iOS، ‏iPadOS یا ‏visionOS ڈیوائس پر سیٹنگ > [آپ کا نام] > ذاتی معلومات > مواصلات کی ترجیحات پر جا کر اپنی ای میل کی ترجیحات تبدیل کر سکتے ہیں اور ان میں سے کچھ ای میل کو موصول نہ کرنا منتخب کر سکتے ہیں۔ اپنے Mac پر، سسٹم سیٹنگ > [آپ کا نام] > ذاتی معلومات > مواصلت کی ترجیحات پر جائیں۔

تجزیے

‏Apple کے ذریعے AppleCare کے ساتھ آپ کے تعاملات اور خریداری کے تجربے سے متعلق قابل شناخت معلومات حاصل کی جاتی ہے جس میں اہلیت کا پروسیس، پلان کی سیلز، ڈیوائس کی فراہمی اور سروس کے ایونٹ شامل ہیں۔ مارکیٹنگ کے لیے، نیز دھوکہ دہی روکنے اور سکیورٹی مقاصد کے پیش نظر، آپریٹ کرنے اور سروس کی بہتری میں مدد کے لیے ایسی معلومات کا استعمال کاروبار اور داخلی تحقیق و تجزیوں کے لیے کیا جا سکتا ہے۔

ذاتی ڈیٹا پروسیس کرنے کے لیے قابل اطلاق قانونی بنیاد

ہم عام طور پر آپ کا ذاتی ڈیٹا Apple کے ساتھ آپ کے معاہدے کی تکمیل کے لیے پروسیس کرتے ہیں جیسا کہ سروس فراہم کرنے اور ہمارے قانونی تقاضوں کی تعمیل کے لیے ضروری ہوتا ہے۔ جہاں رضامندی مناسب قانونی بنیاد ہوتی ہے، ہم اسے قابل اطلاق مقامی قانون کے مطابق حاصل کرنے کی کوشش کرتے ہیں۔

قابل اطلاق مقامی قانون کی ہدایات کے مطابق، ہم اپنے یا فریق ثالث کے جائز مفادات کے لیے حسب ضرورت ذاتی ڈیٹا کو پروسیس کرتے ہیں تاکہ:

• آپ کے اور دیگر لوگوں کے لیے Apple کی مصنوعات کو بہتر بنانا
• آپ کو خدمات اور سپورٹ فراہم کرنا
• پلان کی اہلیت چیک کرنا اور AppleCare اور آپ کو آپ کی دلچسپی کی ‏Apple کی مصنوعات، خدمات اور آفر سے متعلق مواصلات بھیجنا
• دھوکہ دہی اور دیگر مضر سرگرمی کو روکنا

استعمال شدہ ڈیٹا میں شامل ہیں:

• ‏Apple کے ساتھ سپورٹ اور خدمات کے حوالے سے آپ کے تعاملات
• آپ کے ڈیوائس اور آپ کے Apple اکاؤنٹ کے بارے میں تفصیلات
• آپ کے AppleCare پلان کی تفصیلات

ریٹینشن

‏Apple آپ کے لین دین اور پلان کے استعمال سے وابستہ ذاتی ڈیٹا کو صرف کاروباری ضرورت، معاہداتی تقاضے یا قانونی تقاضوں کی تکمیل تک ہی برقرار رکھتا ہے۔ عام طور پر Apple کے ذریعے AppleCare سپورٹ اور سروس کیس کی معلومات اس طرح رکھی جاتی ہیں کہ وہ آپ سے 10 برسوں تک وابستہ رہیں، جس میں قانونی تقاضے کے تحت وسعت دی جا سکتی ہے۔

‏Apple کے ذریعے جمع کردہ معلومات کو ہمہ وقت ‏Apple کی رازداری کی پالیسی کے تحت استعمال میں لایا جائے گا جسے ‏www.apple.com/in/privacy پر دیکھا جا سکتا ہے۔

2026-03-30