• حفاظتی فیچر کا استعمال کر کے ایمرجنسی خدمات کو کال کرتے وقت، اگر کال یا ‏SMS کا سیشن شروع کیا جاتا ہے تو امدادی خدمات کی کوشش میں مدد کے لیے اس میں آپ کے ڈیوائس کی لوکیشن شامل ہو سکتی ہے، خواہ آپ نے لوکیشن کی خدمات فعال کر رکھی ہوں یا نہیں۔
• کال کے اختتام پر آپ کا ڈیوائس آپ کے ایمرجنسی روابط کو یہ بتانے کے لیے آپ کی لوکیشن کے ساتھ پیغام بھیج سکتا ہے کہ ایمرجنسی SOS ٹرگر کیا گیا تھا۔
• کچھ تحفظاتی فیچر آٹومیٹک طریقے سے فعال ہو سکتے ہیں۔

ایمرجنسی ‏SOS

ایمرجنسی کال شروع کرنے والے ایمرجنسی ‏SOS فیچر کا استعمال کرتے ہوئے، کال آپ کی لوکیشن (چاہے آپ نے لوکیشن کی خدمات فعال کی ہوں یا نہیں) اور طبی شناخت (اگر فعال کردہ ہے) شامل کر سکتی ہے تاکہ ڈسپیچر آپ کی مدد کر سکے۔ آپ کی لوکیشن کا ڈیٹا اور انکرپٹ کردہ طبی شناخت کی معلومات ‏Apple کو بھیجی جاتی ہیں، تاکہ ‏Apple یہ چیک کر سکے کہ آپ کے علاقے میں بہتر ایمرجنسی ڈیٹا سروس اعانت یافتہ ہے یا نہیں، اور ایمرجنسی خدمات کو ڈیٹا فراہم کیا جائے یا نہیں۔ اگر آپ کے علاقے میں اعانت یافتہ ہے، تو کوئی پارٹنر ایمرجنسی خدمات کی ڈلیوری کے لیے ‏Apple سے آپ کی معلومات بازیافت کر سکتا ہے۔ ‏Apple آپ کی طبی شناخت کی معلومات کو نہیں پڑھ سکتا ہے۔ کال کے اختتام پر اور اگر آپ نے پیغام ایپ اَن انسٹال نہیں کیا ہے تو جب تک آپ پیغام کو منسوخ نہ کر دیں آپ کے ایمرجنسی روابط اور اگر چیک اِن سیشن فعال ہے تو چیک اِن رابطے پر آٹومیٹک طریقے سے ایک پیغام موصول ہوگا جس میں بتایا گیا ہوگا کہ آپ نے ایمرجنسی خدمات کو کال کیا ہے۔ اس پیغام میں آپ کی موجودہ لوکیشن بھی شامل ہوتی ہے، اور محدود مدت کے لیے آپ کی لوکیشن تبدیل ہونے پر آپ کے ڈیوائس کے ذریعے آپ کے ایمرجنسی روابط اور فعال چیک اِن رابطے کو اپڈیٹ بھیجے جائیں گے۔ اگر آپ اپنے ایمرجنسی روابط اور فعال چیک اِن رابطے کو اپنی لوکیشن بھیجنا نہیں چاہتے ہیں، تو آپ اپنے ‏iPhone یا ⁨Apple Vision Pro⁩ پر سیٹنگ > رازداری اور تحفظ > لوکیشن کی خدمات > سسٹم کی خدمات میں جائیں ایمرجنسی کال اور ‏SOS کو بند کرنے کے لیے ٹیپ کریں۔

ایمرجنسی ‏SOS اور رازداری کے بارے میں مزید معلومات کے لیے، ‏www.apple.com/in/legal/privacy/data/en/emergency-sos دیکھیں۔

میڈیکل ‏ID کے بارے میں مزید جاننے کے لیے، سیٹنگ > صحت > میڈیکل ‏ID > ایمرجنسی رسائی میں جائیں ’مزید جانیں’ پر ٹیپ کریں۔

لوکیشن کی خدمات کے بارے میں جاننے کے لیے، ‏www.apple.com/in/legal/privacy/data/en/location-services دیکھیں۔

سیٹلائٹ کے ذریعے ایمرجنسی ‏SOS

سیٹلائٹ کے ذریعے ایمرجنسی ‏SOS ان غیر معمولی حالات میں آپ کو ایمرجنسی خدمات سے کنکٹ کرنے میں مدد کر سکتی ہے جب ایمرجنسی خدمات سے رابطہ کرنے کے دیگر ذرائع دستیاب نہ ہوں۔ اس سروس کو پیغام ایپ مطلوب ہے اور ممکن ہے کہ تمام لوکیشن یا حالات میں دستیاب نہ ہو۔

ایمرجنسی خدمات کو پیغامات بھیجنے اور ان سے پیغامات موصول کرنے کے لیے ضروری ہے کہ آسمان صاف دکھائی دے رہا ہو اور آپ کے ڈیوائس اور سیٹلائٹ کے درمیان بہتر الائنمنٹ ہو۔ سیٹلائٹ کا کنکشن آپ کے روایتی نیٹ ورک سے کافی مختلف طریقے سے کام کرتا ہے۔ نتیجے کے طور پر، پیغام بھیجنے اور موصول کرنے میں روایتی ‏SMS کے مقابلے میں زیادہ وقت لگ سکتا ہے اور ممکن ہے اس کی دستیابی میں آپ کو کچھ وقفوں کا تجربہ ہو۔

کچھ لوکیشن پر، آپ ایمرجنسی خدمات کے مرکز کے ساتھ پیغامات کا تبادلہ براہ راست کر سکتے ہیں۔ اگر آپ کی لوکیشن کو سروس فراہم کرنے والا ایمرجنسی خدمات کے مرکز سے ‏SMS پیغامات موصول نہیں کر سکتا ہے، تو فریق ثالث ریلے فراہم کنندہ آپ کو ‏SMS کرے گا اور آپ کی جانب سے ایمرجنسی خدمات کو کال کرے گا۔ ریاستہائے متحدہ امریکہ میں، ایمرجنسی خدمات کو براہ راست بھیجا جانے والا ‏‏SMS صرف لاطینی حروف تہجی کی اعانت کرتا ہے۔

اگر موبائل سروس یا ‏Wi-Fi کا وائس کنکشن دستیاب ہو جاتا ہے تو آپ کو فون کے ذریعے ایمرجنسی خدمات سے رابطہ کرنا چاہیے۔ حالانکہ، اگر آپ ایسا کرتے ہیں، تو ضروری نہیں کہ آپ اسی ایمرجنسی خدمت فراہم کنندہ سے کنکٹ کریں جو آپ کو سیٹلائٹ سیشن کے دوران خدمت فراہم کر رہا تھا۔

سیٹلائٹ کے ذریعے ایمرجنسی ‏SOS سیٹلائٹ کی دستیابی پر منحصر ہے اور فنکشنیلٹی جاری رکھنے کے لیے سافٹ ویئر اپڈیٹ کرنے کی ضرورت ہو سکتی ہے۔

جب آپ سیٹلائٹ کے ذریعے ایمرجنسی ‏SOS کا استعمال کر کے ‏SMS بھیجتے ہیں، تو آپ کے پیغامات انکرپٹ کر کے بھیجے جاتے ہیں اور متعلقہ ایمرجنسی خدمات کے فراہم کنندہ کو یا فریق ثالث ریلے فراہم کنندہ کو بھیجنے کے لیے ‏Apple کے ذریعے ڈی کرپٹ کیے جاتے ہیں۔ آپ کے پیغامات کو ایمرجنسی خدمت کے مراکز اور ریلے فراہم کنندہ کے ذریعے آپ کے لیے ان کی خدمات کو بہتر بنانے اور قابل اطلاق قانونی تقاضوں کی تکمیل کے لیے برقرار رکھا جا سکتا ہے۔

جب آپ سیٹلائٹ کے ذریعے ایمرجنسی ‏SOS کا استعمال کرتے ہیں، تو آپ کے ‏SMS پیغامات کو کسی مقامی ایمرجنسی خدمات کی تنظیم کو روٹ کرنے کے لیے، اور امدادی کارکنان کو آپ سے رابطہ کرنے میں تعاون کرنے کے لیے، آپ کی لوکیشن ‏Apple، ایمرجنسی خدمات کے ‏SMS روٹنگ فراہم کنندگان اور فریق ثالث ریلے فراہم کنندہ کے ساتھ شیئر کیا جائے گا۔ “پتہ لگائیں” میں سیٹلائٹ کے ذریعے شیئر کردہ لوکیشن اینڈ تو اینڈ انکرپشن کے ساتھ بھیجی جاتی ہیں اور ‏Apple ان تک رسائی نہیں حاصل کر سکتا ہے۔

ایمرجنسی سیشن کے دوران، آپ اپنی لوکیشن اور آپ کی ایمرجنسی کی نوعیت کے بارے میں معلومات سمیت ایمرجنسی خدمات کے ساتھ اپنے مواصلات کا ٹرانسکرپٹ اپنے پہلے سے منتخب کردہ ایمرجنسی رابطوں کے ساتھ شیئر کرنا منتخب کر سکتے ہیں۔ اسکرین کے اوپری حصے پر ’شیئرنگ بند کریں’ کو ٹیپ کر کے آپ اپنے سیشن کی ٹرانسکرپٹ کی شیئرنگ کسی بھی وقت روک سکتے ہیں۔

ایمرجنسی ‏SOS لائیو ویڈیو

ایمرجنسی کال کے دوران، ایمرجنسی خدمات کے طلب کرنے پر آپ ان کے ساتھ لائیو دیڈیو شیئر کرنا یا میڈیا اپلوڈ کرنا منتخب کر سکتے ہیں۔ آپ کسی بھی وقت ”کال ختم کریں“ پر ”کیمرا شیئرنگ بند کریں“ یا ”کال ختم کریں“ پر ٹیپ کر کے اپنا لائیو ویڈیو شیئر کرنا بند کر سکتے ہیں۔ اگر آپ میڈیا کا مواد اپلوڈ کرنا منتخب کرتے ہیں، تو آپ کے ایمرجنسی کال کو ختم کر دینے کے بعد بھی آپ کا مواد اپلوڈ کیا جاتا رہے گا۔ ایمرجنسی خدمات شیئر کردہ میڈیا کے مواد کو ریکارڈ یا محفوظ کر سکتی ہیں۔ لائیو ویڈیو اور اپلوڈ کردہ میڈیا اینڈ ٹو اینڈ انکرپٹ کر کے بھیجا جاتا ہے اور ‏Apple نہ تو اسے دیکھ سکتا ہے اور نہ ہی اس تک رسائی حاصل کر سکتا ہے۔

اس فیچر کو استعمال کرنے کے لیے، آپ کا ایمرجنسی کال اور ‏SOS چالو ہونا چاہیے۔ ایسا کرنے کے لیے، سیٹنگ > رازداری اور تحفظ > لوکیشن کی خدمات > سسٹم کی خدمات میں جائیں، اور ایمرجنسی کال اور ‏SOS کو چالو کرنے کے لیے ٹیپ کریں۔

ممکن ہے ایمرجنسی ‏SOS لائیو ویڈیو سبھی لوکیشن اور حالات میں دستیاب نہ ہوں۔

گرنے کی شناخت

اگر ‏⁨Apple Watch SE⁩ یا ⁨Apple Watch Series 4⁩ یا بعد کے ورژن کے ذریعے زور سے گرنے کی شناخت کی جاتی ہے جب کہ آپ نے گھڑی پہن رکھی ہو، تو گرنے کی شناخت کا الرٹ ضرورت پڑنے پر آپ کو ایمرجنسی خدمات سے کنکٹ کرنے میں مدد کر سکتا ہے۔ آپ ایمرجنسی خدمات سے رابطہ کرنا یا الرٹ کو بر طرف کرنا منتخب کر سکتے ہیں۔ اگر آپ کی ‏⁨Apple Watch⁩ یہ شناخت کرتی ہے کہ آپ حرکت کر رہے ہیں، تو یہ آپ کی طرف سے الرٹ کا جواب دیے جانے کا انتظار کرے گی، اور آٹومیٹک طریقے سے ایمرجنسی خدمات کو کال نہیں کرے گی۔ اگر آپ کی Apple Watch یہ شناخت کرتی ہے کہ آپ تقریباً ایک منٹ سے غیر متحرک ہیں، تو یہ آپ کی کلائی پر ٹیپ کر کے اور ایک الرٹ ساؤنڈ کے ذریعے 30 سیکنڈ کی الٹی گنتی شروع کرے گی۔ الٹی گنتی ختم ہونے پر آپ کی Apple Watch آٹومیٹک طریقے سے ایمرجنسی خدمات اور آپ کے ایمرجنسی روابط سے رابطہ کرتی ہے۔

جب آٹو ڈائل کال کنکٹ ہوتی ہے، تو آپ کی ‏⁨Apple Watch⁩ ایک آڈیو پیغام پلے کرتی ہے جو ایمرجنسی خدمات کو مطلع کرتا ہے کہ آپ کی ‏⁨Apple Watch⁩ نے زور سے گرنے کی شناخت کی ہے، اور پھر وہ آپ کے موجودہ لوکیشن کو طول البلد اور عرض البلد کوآرڈی نیٹ کے طور پر شیئر کرے گی۔ کال آپ کی لوکیشن شیئر کرے گی خواہ آپ نے لوکیشن کی خدمات فعال کر رکھی ہوں یا نہیں۔ اگر آپ نے طبی شناخت کو ایمرجنسی کال کے دوران شیئر کرنا پہلے سے فعال کر رکھا ہے، تو آپ کی طبی شناخت بھی ایمرجنسی خدمات کے ساتھ آٹومیٹک طریقے سے شیئر کی جائے گی (صرف ریاست ہائے متحدہ امریکہ اور کینیڈا)۔ کال کے اختتام پر اور اگر آپ نے پیغام ایپ اَن انسٹال نہیں کر رکھا ہے تو آپ کی Apple Watch آپ کے ایمرجنسی روابط کو، اور اگر چیک اِن سیشن فعال ہے تو چیک اِن روابط کو آپ کی لوکیشن کے ساتھ یہ بتانے کے لیے کہ آپ کی گھڑی نے زور سے گرنے کی شناخت کی ہے اور ایمرجنسی خدمات کو کال کر دی ہے، پیغام بھیجنے سے پہلے 10 سیکنڈ کی الٹی گنتی شروع کرے گی۔ ‏10 سیکنڈ کے کاؤنٹ ڈاؤن کے اندر آپ اپنے ایمرجنسی روابط اور فعال چیک اِن رابطے کو بھیجا جانے والا پیغام منسوخ کر سکتے ہیں۔ آپ کی ‏⁨Apple Watch⁩ کو آپ کے ایمرجنسی روابط آپ کی طبی شناخت سے حاصل ہوتے ہیں۔

اگر گرنے کی شناخت ہوتی ہے، اور آٹو ڈائل کردہ کال ایمرجنسی خدمات سے کنکٹ نہیں کر پاتی ہے اور آپ غیر متحرک ہیں، تو آپ کا iPhone ایمرجنسی خدمات کو آٹومیٹک طریقے سے SMS کے ذریعے محدود معلومات (جیسے آپ کی لوکیشن، بیٹری لائف اور ایمرجنسی کی نوعیت) بھیجنے کے لیے سیٹلائٹ کنکٹیوِٹی کے ذریعے پیغام ایپ کا استعمال کر کے ایمرجنسی SOS کا استعمال کرنے کی کوشش کر سکتا ہے۔ اگر آپ نے پیغام ایپ اَن اسٹال نہیں کیا ہے تو آپ کی طرف سے محدود معلومات (مثال کے طور پر، آپ کی لوکیشن، ایمرجنسی کی نوعیت) آپ کے ایمرجنسی روابط اور فعال چیک اِن رابطے کو بھی بھیجی جائیں گی۔

گرنے کو صحت ایپ میں آٹومیٹک طریقے سے ریکارڈ کیا جاتا ہے، جب تک کہ ‏⁨Apple Watch⁩ کے ذریعے پوچھے جانے پر آپ جواب نہ دے دیں کہ آپ گرے نہیں ہیں۔ اپنے گرنے کی سرگزشت چیک کرنے کے لیے، اپنے ‏iPhone میں صحت ایپ کھولیں اور براؤز > دیگر ڈیٹا > گرنے کی تعداد پر جائیں۔

اپنے ‏iPhone پر ⁨Apple Watch⁩ ایپ سے گرنے کی شناخت کو فعال یا غیر فعال کرنے کے لیے میری گھڑی > ایمرجنسی ‏SOS پر جائیں، پھر گرنے کی شناخت کو چالو یا بند کرنے کے لیے ٹیپ کریں۔ اگر گرنے کی شناخت چالو کی جاتی ہے، تو آپ “ہمیشہ چالو” یا “صرف ورک آؤٹ دوران چالو” پر ٹیپ کر سکتے ہیں۔ اپنی Apple Watch کا سیٹ اپ کرتے وقت یا صحت ایپ میں، اگر آپ نے اپنی عمر درج کی ہے، اور آپ کی عمر 55 سال یا اس سے زیادہ ہے، تو گرنے کی شناخت آٹومیٹک طریقے سے چالو ہو جاتی ہے۔ اگر آپ کی عمر 18 سے 55 سال درمیان ہے، تو گرنے کی شناخت صرف ورک آؤٹ کے درمیان آٹومیٹک طریقے سے چالو ہوتی ہے۔ کلائی کی شناخت فعال ہونے پر ہی آپ کی گھڑی ایمرجنسی خدمات کو آٹومیٹک طریقے سے کال کر سکے گی۔ ‏⁨Apple Watch⁩ پر ایسا کرنے کے لیے، سیٹنگ، > پاس کوڈ > میں جائیں اور کلائی کی شناخت کو چالو کرنے کے لیے ٹیپ کریں۔ گرنے کی شناخت صرف 18 سال یا اس سے زیادہ عمر والوں کے لیے ہی دستیاب ہے۔ ‏⁨Apple Watch⁩ گرنے کے سبھی معلاملات کی شناخت نہیں کر سکتی ہے۔

ٹکر کی شناخت

اگر ‏⁨iOS 16⁩ یا بعد کے ورژن والا آپ کا ‏⁨iPhone 14⁩ یا بعد کے ماڈل (سبھی ماڈل)، ⁨Apple Watch Series 8⁩ یا بعد کے ماڈل، ⁨Apple Watch SE⁩ (دوسری جنریشن)، اور ⁨watchOS 9⁩ یا بعد کے ورژن کی ⁨Apple Watch Ultra⁩ یا بعد کے ماڈل کار کی شدید ٹکر کی شناخت کرتے ہیں، تو ایمرجنسی خدمات کو کال کرنے کے لیے ایک الرٹ ٹرگر کیا جائے گا۔ آپ الرٹ کو برطرف کرنے یا ایمرجنسی خدمات سے رابطہ جاری رکھنے کا انتخاب کر سکتے ہیں۔ آپ کے ڈیوائس میں الارم بجے گا اور 10 سیکنڈ کے لیے الرٹ ظاہر ہوگا، تاوقتیکہ اسے منسوخ کر دیا جائے۔ اگر آپ نے اگلے 30 سیکنڈ کی الٹی گنتی کے بعد بھی کوئی رد عمل ظاہر نہ کیا ہو تو آپ کے ڈیوائس کے ذریعے ایمرجنسی خدمات کو کال لگائی جائے گی۔

جب آٹو ڈائل کال کنکٹ ہوتی ہے، تو آپ کا ڈیوائس ایک آڈیو پیغام پلے کرتا ہے جو ایمرجنسی خدمات کو مطلع کرتا ہے کہ آپ کے ڈیوائس نے کار کی ٹکر کی شناخت کی ہے، اور پھر وہ آپ کے موجودہ لوکیشن کو طول البلد اور عرض البلد کوآرڈی نیٹ کے طور پر شیئر کرے گا۔ کال آپ کی لوکیشن شیئر کرے گی خواہ آپ نے لوکیشن کی خدمات فعال کر رکھی ہوں یا نہیں۔ اگر آپ نے طبی شناخت کو ایمرجنسی کال کے دوران شیئر کرنا پہلے سے فعال کر رکھا ہے، تو آپ کی طبی شناخت بھی ایمرجنسی خدمات کے ساتھ آٹومیٹک طریقے سے شیئر کی جائے گی (صرف ریاست ہائے متحدہ امریکہ اور کینیڈا)۔ کال کے اختتام پر اور اگر آپ نے پیغام ایپ اَن انسٹال نہیں کر رکھا ہے تو آپ کا ڈیوائس آپ کے ایمرجنسی روابط کو، اور اگر چیک اِن سیشن فعال ہے تو چیک اِن روابط کو آپ کی لوکیشن کے ساتھ یہ بتانے کے لیے کہ آپ کی گھڑی نے زور سے گرنے کی شناخت کی ہے اور ایمرجنسی خدمات کو کال کر دی ہے، پیغام بھیجنے سے پہلے 10 سیکنڈ کی الٹی گنتی شروع کرے گی۔ ‏10 سیکنڈ کی الٹی گنتی کے دوران آپ اپنے ایمرجنسی روابط اور فعال چیک اِن رابطے کو بھیجا جانے والا پیغام منسوخ کر سکتے ہیں۔ آپ کے ڈیوائس کو آپ کے ایمرجنسی روابط آپ کی طبی شناخت سے حاصل ہوتے ہیں۔ ایمرجنسی روابط اور فعال چیک اِن رابطے کو مطلع کرنے کے بعد، آپ کا ڈیوائس ایمرجنسی خدمات سے رابطہ کرنا، طبی شناخت کی معلومات کھولنا یا الرٹ بر طرف کرنے کے لیے اختیارات کو ڈسپلے کرنا جاری رکھے گا۔ ‏iPhone اور ⁨Apple Watch⁩ کار کی ٹکر کے سبھی معاملات شناخت نہیں کر سکتے ہیں۔ لوکیشن کی معلومات کا استعمال اس بات کا تعین کرنے کے لیے کیا جا سکتا ہے کہ ٹکر ہوئی تھی یا نہیں۔

اگر کار کی شدید ٹکر کی شناخت ہوتی ہے، اور آٹو ڈائل کردہ کال ایمرجنسی خدمات سے کنکٹ نہیں کر پاتی ہے اور آپ کوئی رد عمل نہیں دے رہے، تو آپ کا iPhone ایمرجنسی خدمات کو آٹومیٹک طریقے سے SMS کے ذریعے محدود معلومات (جیسے آپ کی لوکیشن، بیٹری لائف اور ایمرجنسی کی نوعیت) بھیجنے کے لیے سیٹلائٹ کنکٹیوِٹی کے ذریعے پیغام ایپ کا استعمال کر کے ایمرجنسی SOS کا استعمال کرنے کی کوشش کر سکتا ہے۔ اگر آپ نے پیغام ایپ اَن انسٹال نہیں کیا ہے تو آپ کی طرف سے محدود معلومات (مثال کے طور پر، آپ کی لوکیشن، ایمرجنسی کی نوعیت) آپ کے ایمرجنسی روابط اور فعال چیک اِن رابطے کو بھی بھیجی جائیں گی۔

آپ سیٹنگ > ایمرجنسی ‏SOS پر جا کر پھر ’شدید ٹکر ہونے کے بعد کال کریں’ کو چالو یا بند کرنے کے لیے ٹیپ کریں یا اپنے ‏iPhone کے ⁨Apple Watch⁩ ایپ پر ’میری گھڑی’ > ایمرجنسی ‏SOS پر جا کر، پھر ’شدید ٹکر ہونے کے بعد کال کریں’ کو چالو یا بند کرنے کے لیے ٹیپ کر کے ٹکر کی شناخت کو غیر فعال یا دوبارہ فعال کر سکتے ہیں۔

آپ اپنے ‏iPhone پر انسٹال کردہ فریق ثالث ایپلیکیشن کے ساتھ بھی ٹکر کی شناخت کا ڈیٹا شیئر کرنا منتخب کر سکتے ہیں۔ اگر آپ ڈیٹا تک رسائی کی اجازت دیتے ہیں اور کار کی ٹکر ہو جاتی ہے، تو فریق ثالث کو اس ٹکر کی اطلاع آٹومیٹک طریقے سے دی جائے گی اور اس میں لوکیشن کا ڈیٹا بھی شامل ہو سکتا ہے۔

اگر آپ اپنے ‏iPhone کو کار کی ٹکر شناخت کرنے کے بعد ایمرجنسی خدمات کو کال کرنے کی اجازت دیتے ہیں، تو فریق ثالث کو ٹکر کی اطلاع دینے سے پہلے ایمرجنسی خدمات کو کال کی جائے گی۔ اگر آپ اپنے ‏iPhone کو کار کی ٹکر شناخت کرنے کے بعد ایمرجنسی خدمات کو کال کرنے کی اجازت نہیں دیتے ہیں، اور کار کی ٹکر کی شناخت کی جاتی ہے اور فریق ثالث شیئرنگ چالو ہے، تو آپ کا ڈیوائس آپ کو یہ بتانے کے لیے الرٹ بھیجے گا کہ ٹکر شناخت کی گئی ہے، فریق ثالث کے ساتھ ڈیٹا شیئر کر دیا گیا ہے اور اگر ممکن ہو تو آپ کو فریق ثالث ایپ کا استعمال کرنا چاہیے۔

آپ منتخب کر سکتے ہیں کہ فریق ثالث کے ساتھ ٹکر کی شناخت کا ڈیٹا شیئر کرنا ہے یا نہیں۔ اپنے ‏iPhone پر ایسا کرنے کے لیے، سیٹنگ > ایمرجنسی ‏SOS میں جائیں اور ’ایپ سے ٹکر شیئر کریں’ کو بند کرنے کے لیے ٹیپ کریں۔

بہتر الرٹ

بہتر حفاظتی الرٹ آپ کو اپنے iPhone اور Watch پر حفاظتی الرٹ فراہم کر سکتے ہیں تاکہ آپ کو زلزلے یا سیلاب جیسے کسی ہنگامی واقعے کے بارے میں مطلع کیا جا سکے۔ یہ الرٹ دستیاب کنکٹیوِٹی جیسے Wi-Fi یا Bluetooth اور دستیاب ہونے پر موبائل سروس کے ذریعے بھیجے جاتے ہیں۔ ‏Apple آپ کے موجودہ خطے میں بہتر حفاظتی الرٹ ڈلیور کر سکتا ہے، جس کا تعین آپ کے ڈیوائس کی لوکیشن کے استعمال سے کیا جاتا ہے۔ یہ خطہ کوئی ملک ہو سکتا ہے یا کچھ ممالک (جیسے ریاست ہائے متحدہ امریکہ) کے لیے خطہ ریاستوں کا ایک گروپ ہو سکتا ہے۔ آپ کا Apple ڈیوائس اس خطے سے وابستہ ہو سکتا ہے۔ ‏Apple کے ذریعے کسی خطے میں آپ کے ڈیوائس کی لوکیشن سے متعلق معلومات اسٹور نہیں کی جاتی ہے۔

بہتر حفاظتی الرٹ ڈیفالٹ طور پر چالو ہوتے ہیں۔ آپ سیٹنگ > اطلاعات > بہتر الرٹ > بہتر حفاظتی الرٹ پر جا کر بہتر حفاظتی الرٹ کو غیر فعال یا دوبارہ فعال کر سکتے ہیں، پھر ایک یا ایک سے زیادہ قسم کے بہتر حفاظتی الرٹ کو چالو یا بند کرنے کے لیے ٹیپ کر سکتے ہیں۔ بہتر حفاظتی الرٹ Apple کے ذریعے ڈلیور کیے جاتے ہیں اور یہ آپ کی مقامی حکومت کے ذریعے بھیجے گئے حکومتی الرٹ سے مختلف نظر آئیں گے اور ان کی آواز بھی مختلف ہوگی۔

بہتر حفاظتی الرٹ کی بروقت اور قابل اعتماد ڈلیوری کو بہتر بنانے کے لیے ”الرٹ ڈلیوری کو بہتر بنائیں” کے ذریعے آپ کی قریب ترین لوکیشن کا استعمال کیا جاتا ہے۔ مثال کے طور پر، “الرٹ ڈلیوری کو بہتر بنائیں” چالو ہونے پر زلزلے کے الرٹ زیادہ تیزی سے اور قابل اعتماد طریقے سے ڈلیور کیے جا سکتے ہیں۔ ‏Apple کے ذریعے آپ کی قریب ترین لوکیشن کو اسٹور نہیں کیا جاتا ہے۔ آپ سیٹنگ > اطلاعات > بہتر الرٹ > بہتر حفاظتی الرٹ > الرٹ ڈلیوری کو بہتر بنائیں پر جا کر ”الرٹ ڈلیوری کو بہتر بنائیں“ کو فعال کر سکتے ہیں۔

بہتر الرٹ حاصل کرنے کے لیے آپ کو سیٹنگ > رازداری اور تحفظ > لوکیشن کی خدمات > سسٹم کی خدمات > الرٹ اور شارٹ کٹ آٹومیشن کو فعال کرنا ہوگا۔

کمپاس وے پوائنٹ

آپ اپنے موجودہ لوکیشن کو بطور وے پوائنٹ شامل کرنے کے لیے کمپاس ایپ کا استعمال کر سکتے ہیں، جس سے آپ کو آپ کے ذریعے بنائے گئے ہر ایک کمپاس وے پوائنٹ کا فاصلہ اور سمت دیکھنے کی اجازت ملتی ہے۔ مزید یہ کہ، کمپاس ایپ کے ذریعے دو وے پوائنٹ آٹومیٹک طریقے سے جنریٹ کیے جا سکتے ہیں جن میں آخری موبائل سروس کنکشن وے پوائنٹ جو کنکٹیوِٹی کے لیے موبائل سروس کے ریسیپشن والے آخری مقام کا اندازہ لگائے گا اور آخری ایمرجنسی کال وے پوائنٹ شامل ہوگا جو اس بات کا اندازہ لگائے گا کہ روٹ پر آپ کے ‏iPhone یا ⁨Apple Watch⁩ کو کسی بھی دستیاب نیٹ ورک پرووائڈر کے نیٹ ورک سے پچھلی بار کنکشن کہاں ملا تھا تاکہ ایمرجنسی کال کی جا سکے۔ آخری موبائل سروس کنکشن وے پوائنٹ یا آخری ایمرجنسی کال وے پوائنٹ بنانے کے لیے، کمپاس ایپ کے لیے اہم لوکیشن فعال ہونے کے ساتھ ہی آپ کے ڈیوائس پر درست لوکیشن چالو ہونا چاہیے۔ آپ کمپاس ایپ میں وے پوائنٹ منتخب کرتے ہوئے، پھر اسکرین کو نیچے کی طرف اسکرول کر کے اور “وے پوائنٹ حذف کریں” کو منتخب کر کے کمپاس ایپ میں اپنے بنائے ہوئے وے پوائنٹ حذف کر سکتے ہیں۔

بیک ٹریک

کچھ علاقے جہاں سے آپ کو واپس آنے کے لیے مدد کی ضرورت ہو سکتی ہے وہاں ‏⁨Apple Watch⁩ پر دستیاب کمپاس ایپ اور کچھ فریق ثالث ایپ تحفظ کے مقصد سے ون ٹائم ایکسس مانگ سکتے ہیں۔ ممکن ہے یہ لوکیشن ہمیشہ دستیاب نہ ہوں، مثال کے طور پر، اگر آپ اپنے گھر جیسے جانے پہچانے مقامات یا شہری علاقوں میں موجود ہوں۔ ان فیچر کا استعمال کرنے کے لیے، آپ کے ڈیوائس کا اہم لوکیشن فعال ہونے کے ساتھ ہی آپ کے ایپ کا درست لوکیشن چالو ہونا چاہیے۔

دیگر معلومات

ممکن ہے کچھ حفاظتی فیچر سبھی ڈیوائس یا ہر ایک علاقے یا زبان میں دستیاب نہ ہوں۔ کچھ علاقوں اور ممالک میں ایمرجنسی خدمات کے متعدد نمبر ہوتے ہیں۔ ان مقامات میں ’گرنے کی شناخت’ کے لیے، ‏⁨Apple Watch⁩ ایمبولنس خدمات سے منسلک نمبر پر کال کرے گی۔

ذاتی ڈیٹا پروسیس کرنے کے لیے قابل اطلاق قانونی بنیاد

ہم آپ کے ذاتی ڈیٹا کو ایمرجنسی ‏SOS اور سیٹلائٹ کے ذریعے ایمرجنسی ‏SOS میں پروسیس کرتے ہیں جیسا کہ سروس فراہم کرنے اور ہمارے قانونی تقاضوں کی تعمیل کے لیے ضروری ہوتا ہے۔ جہاں رضامندی مناسب قانونی بنیاد ہوتی ہے، ہم اسے قابل اطلاق مقامی قانون کے مطابق حاصل کرنے کی کوشش کرتے ہیں۔ قابل اطلاق مقامی قانون کی ہدایات کے مطابق، ایمرجنسی خدمات کی سہولت فراہم کرنے، دھوکہ دہی اور مجرمانہ سرگرمی روکنے، خدمات کو بہتر بنانے، اور ایمرجنسی ‏SOS اور سیٹلائٹ سسٹم اور آرکیٹیکچر کے ذریعے ایمرجنسی ‏SOS کو برقرار رکھنے میں مدد کرنے کے لیے ہم اپنے جائز مفادات کے لیے ذاتی ڈیٹا کے مندرجہ ذیل زمروں کو پروسیس کرتے ہیں:

• آپ کی لوکیشن
• آپ کے سیشن کی معلومات، جیسے ایمرجنسی خدمات سے مواصلات کی مدت اور مواد
• آپ کے منتخب کردہ ایمرجنسی رابطے

ریٹینشن

‏Apple کے ذریعے ذاتی ڈیٹا صرف اس وقت تک برقرار رکھا جاتا ہے جب تک اس نوٹس اور Apple کی رازداری کی پالیسی میں بیان کردہ مقاصد سمیت اسے جمع کیے جانے کے مقاصد کی تکمیل کے لیے ضروری ہو یا جب تک برقرار رکھنا قانوناً لازمی ہو۔ ریٹینشن کی مدت کا تجزیہ کرتے وقت ہم سب سے پہلے احتیاط سے معائنہ کرتے ہیں کہ کیا جمع کردہ ذاتی ڈیٹا برقرار رکھنا ضروری ہے، اور اگر ریٹینشن مطلوب ہے، تو قانوناً جائز سب سے کم ممکنہ مدت کیے لیے ڈیٹا برقرار رکھنے کا کام کرتے ہیں۔

‏Apple کے ذریعے جمع کردہ معلومات کو ہمہ وقت ‏Apple کی رازداری کی پالیسی کے تحت استعمال میں لایا جائے گا جسے ‏www.apple.com/in/privacy پر دیکھا جا سکتا ہے۔

2025-12-12