നിങ്ങളുടെ കുട്ടിയുടെ Apple അക്കൗണ്ട്

നിങ്ങളുടെ കുട്ടിക്കായി നിങ്ങൾ സൃഷ്ടിക്കുന്ന Apple അക്കൗണ്ട് ഉപയോഗിച്ച്, Apple അക്കൗണ്ട് ഉപയോഗിക്കുന്ന Apple ഫീച്ചറുകളും സേവനങ്ങളും അവർക്ക് പ്രയോജനപ്പെടുത്താൻ കഴിയും. ഉദാഹരണത്തിന്, നിങ്ങളുടെ കുട്ടിക്ക് ഇനിപ്പറയുന്നവ ചെയ്യാൻ കഴിയും:

• FaceTime വീഡിയോ, വോയ്സ് കോളുകൾ ചെയ്യുകയും സ്വീകരിക്കുകയും ചെയ്യുക.
• ക്യാമറ, ഫോട്ടോകൾ, മെസേജുകൾ, Freeform, മെയിൽ പോലെയുള്ള Apple ആപ്പുകൾ ഉപയോഗിച്ച്, ഫോട്ടോകൾ, വീഡിയോകൾ, ഓഡിയോ മെസേജുകൾ, കുറിപ്പുകൾ, ഡോക്യുമെന്റുകൾ, ലിങ്കുകൾ, ബോർഡുകൾ, ടെക്സ്റ്റുകൾ എന്നിവ ഉണ്ടാക്കുകയും, അയക്കുകയും ചെയ്യുക.
• ഡോക്യുമെന്റുകൾ, ഫയലുകൾ, ബോർഡുകൾ, ഫോട്ടോ ആൽബങ്ങൾ, കലണ്ടറുകൾ, പ്രസന്റേഷനുകൾ, ടു-ഡു ലിസ്റ്റുകൾ എന്നിവ പോലുള്ള വസ്തുക്കൾ iCloud ഷെയറിംഗ് വഴി മറ്റുള്ളവരുമായി സഹകരിച്ച് നിർമ്മിക്കുകയും, പങ്കിടുകയും ചെയ്യുക. ഉദാഹരണത്തിന്, പങ്കിട്ട കലണ്ടറുകൾ നിങ്ങളെയും നിങ്ങളുടെ കുട്ടിയെയും നിങ്ങളുടെ കുടുംബത്തിലെ മറ്റ് അംഗങ്ങളുമായി മുൻകാലത്തെയും ഭാവിയിലെയും ഷെഡ്യൂൾ ചെയ്ത സംഭവങ്ങൾ പങ്കിടാൻ അനുവദിക്കുന്നു. പ്രത്യേക ക്രമീകരണങ്ങളുടെഅടിസ്ഥാനത്തിൽ, നിങ്ങളുടെ കുട്ടിയുടെ പേരും സമ്പർക്ക വിവരങ്ങളും, നൽകിയിട്ടുണ്ടെങ്കിൽ, ഇതിൽ ഉൾപ്പെട്ടേക്കാം.
• ലൊക്കേഷൻ സേവനങ്ങൾ ഉപയോഗിക്കുന്ന Find My, മെസേജുകൾ, മറ്റ് ആപ്പുകൾ എന്നിവ ഉപയോഗിച്ച് കുടുംബാംഗങ്ങളുമായും സുഹൃത്തുക്കളുമായും അവരുടെ കൃത്യമായ ലൊക്കേഷൻ പങ്കിടുക, കൂടാതെ ബന്ധപ്പെട്ട ഉപകരണങ്ങളും ആക്സസറികളും കണ്ടെത്തുന്നതിന് Find My ഉപയോഗിക്കുക. നിങ്ങളുടെ കുട്ടിയുടെ Apple അക്കൗണ്ട് സൃഷ്ടിക്കുമ്പോഴോ അല്ലെങ്കിൽ നിങ്ങളുടെ കുട്ടികൾക്കായുള്ള Apple Watch ഉപയോഗിച്ച് നിങ്ങളുടെ കുട്ടിയുടെ Apple Watch സജ്ജീകരിക്കുമ്പോഴോ നിങ്ങളുടെ കുട്ടിയുടെ കൃത്യമായ ലൊക്കേഷൻ നിങ്ങളുടെ കുടുംബവുമായി പങ്കിടുകയാണെങ്കിൽ, പിന്നീട് ചേർക്കുന്ന ഏതെങ്കിലും പുതിയ അംഗങ്ങൾ ഉൾപ്പെടെ എല്ലാ കുടുംബാംഗങ്ങളുമായും നിങ്ങളുടെ കുട്ടിയുടെ കൃത്യമായ ലൊക്കേഷൻ പങ്ക് വയ്ക്കപ്പെടും. സ്ക്രീൻ ടൈം അല്ലെങ്കിൽ ഫാമിലി ഷെയറിങ്ങില്‍ ഇത് നിയന്ത്രിച്ചിട്ടില്ലെങ്കിൽ നിങ്ങളുടെ കുട്ടിക്ക് അവരുടെ ഷെയറിംഗിൻ്റെ സെറ്റിംഗുകൾ മാറ്റാൻ കഴിയും.
• സംഗീതം, സിനിമകൾ, TV ഷോകൾ, പോഡ്കാസ്റ്റുകൾ, ആപ്പുകൾ, ഇൻ-ആപ്പ് പർച്ചേസുകൾ, പുസ്തകങ്ങൾ, Apple Arcade, Apple Music, Apple News+, Apple TV എന്നിവയുൾപ്പെടെ മറ്റ് കുടുംബാംഗങ്ങൾ വാങ്ങിയ ഉള്ളടക്കവും സബ്സ്ക്രിപ്ഷനുകളും ആക്സസ് ചെയ്യുക, സ്ട്രീം ചെയ്യുക, ഡൗൺലോഡ് ചെയ്യുക.
• Apple Music, App Store, Apple Books, Apple TV ആപ്പ് എന്നിവയിൽ വാങ്ങലുകൾ നടത്തുകയും സൗജന്യ ഉള്ളടക്കം ഡൗൺലോഡ് ചെയ്യുകയും ചെയ്യുക; ഇൻ-ആപ്പ് വാങ്ങലുകൾ നടത്തുക; Apple Arcade, Apple Creator Studio, Apple News+, Apple TV, Apple Music പോലെയുള്ള സേവനങ്ങൾ സബ്‌സ്‌ക്രൈബ് ചെയ്യുക—ഇവയെല്ലാം നിങ്ങൾ സജ്ജമാക്കിയ Ask to Buy ക്രമീകരണങ്ങൾക്ക് വിധേയമാണ്.
• Apple Music, Apple TV ആപ്പ് എന്നിവയിൽ ശുപാർശകൾ ലഭിക്കുക.
• മറ്റ് സംഗീത സേവനങ്ങളിൽ നിന്ന് Apple Music-ലേക്ക് സംഗീതവും പ്ലേലിസ്റ്റുകളും കൈമാറുക.
• Game Center, Apple Games ആപ്പ് എന്നിവ ഉപയോഗിച്ച് ഗെയിമുകൾ കളിക്കുകയും മറ്റ് ഉപയോക്താക്കളുമായി ആശയവിനിമയം നടത്തുകയും ചെയ്യുക, നിങ്ങളുടെ കുട്ടിയുടെ ഗെയിം സെന്റർ വിളിപ്പേര്, അവതാർ, സുഹൃത്തുക്കൾ എന്നിവയുൾപ്പെടെയുള്ള വിവരങ്ങൾ മറ്റുള്ളവരുമായി പങ്കിടുക.
• നിങ്ങൾ അവരുടെ അക്കൗണ്ടുകൾ സജ്ജീകരിക്കുകയാണെങ്കിൽ Transit, Apple Cash തുടങ്ങിയ Apple Pay സേവനങ്ങൾ ഉപയോഗിച്ച് പേയ്മെന്റുകൾ നടത്തുകയും സ്വീകരിക്കുകയും ചെയ്യുക, Wallet ആപ്പിൽ ടിക്കറ്റ്, ബോർഡിംഗ് പാസുകൾ തുടങ്ങിയ പാസുകൾ സൂക്ഷിക്കുകയും ഉപയോഗിക്കുകയും ചെയ്യുക.
• ഹൃദയമിടിപ്പ്, രക്തസമ്മർദ്ദം അല്ലെങ്കിൽ പോഷകാഹാരം, ഫിറ്റ്നസ്, പ്രവർത്തന ഡാറ്റ എന്നിവ പോലുള്ള ആരോഗ്യ വിവരങ്ങൾ ട്രാക്കുചെയ്യുകയും പങ്കിടുകയും ചെയ്യുക. നിങ്ങളുടെ കുട്ടി ഒരു Apple Watch ഉപയോഗിക്കുന്നുവെങ്കിൽ, Activity Sharing വഴി അവരുടെ വ്യായാമവും പ്രവർത്തന ഡാറ്റയും മറ്റ് Apple Watch ഉപയോക്താക്കളുമായി പങ്കിടാൻ അവർക്ക് തിരഞ്ഞെടുക്കാം; ഇതിൽ ഒരു ദിവസത്തിൽ എടുത്ത ചുവടുകൾ, സഞ്ചരിച്ച ദൂരം തുടങ്ങിയ വിശദാംശങ്ങളും ഉൾപ്പെടുന്നു. നിങ്ങളുടെ കുട്ടി Health ആപ്പ് ഉപയോഗിക്കുന്നുവെങ്കിൽ, Health Sharing വഴി അവരുടെ കോൺടാക്റ്റുകളിലുള്ള മറ്റ് Health ആപ്പ് ഉപയോക്താക്കളുമായി ചില ആരോഗ്യ വിവരങ്ങൾ പങ്കിടാൻ അവർക്ക് ആരംഭിക്കാനും കഴിയും; ഇതിൽ അവരുടെ ചരിത്രപരമായ ആരോഗ്യ ഡാറ്റയുടെ ഒരു ഭാഗവും നിങ്ങളുടെ കുട്ടി പങ്കിടുന്ന ഡാറ്റയുമായി ബന്ധപ്പെട്ട ഭാവിയിലെ അപ്‌ഡേറ്റുകളും ഉൾപ്പെടുന്നു. അവരുടെ കോൺടാക്റ്റുകളിൽ നിന്ന് ഒരു Health ആപ്പ് ഉപയോക്താവിനെ നീക്കം ചെയ്ത ശേഷവും നിങ്ങളുടെ കുട്ടിക്ക് അവരുമായി ഷെയറിംഗ് ബന്ധം നിലനിർത്താൻ കഴിയും.
• നിങ്ങളുടെ കുട്ടിക്ക് പ്രൊവൈഡർ ഫീച്ചർ ഉള്ള ഹെൽത്ത് ആപ്പ് ഷെയറിൽ അംഗത്വമുള്ള, പങ്കാളിത്തമുള്ള ഒരു ആരോഗ്യപരിപാലനസംഘടനയിൽ അക്കൗണ്ട് ഉണ്ടെങ്കിൽ, അവർക്ക് അവരുടെ iPhone അല്ലെങ്കിൽ iPad വഴി, അവരുടെ ഹെൽത്ത് കെയർ പ്രൊവൈഡറുമായി, പ്രവൃത്തി, ആരോഗ്യത്തിൻ്റെ നിലവാരം, ലാബ് പരിശോധനാഫലങ്ങൾ പോലെ, ആരോഗ്യസംബന്ധമായ ചില വസ്തുതകൾ കൈമാറാം. ഇത് ചെയ്യുന്നതിന്, അവർ അവരുടെ അക്കൗണ്ട് വിവരങ്ങൾ ഉപയോഗിച്ച് sign-in ചെയ്യണം. Appleനും, നിങ്ങളുടെ കുട്ടിയുടെ ഉപകരണവും ഈ വിവരങ്ങൾ സൂക്ഷിക്കുകയോ, അവക്ക് അത് ഉപയോഗിക്കുവാനുള്ള അനുവാദമോ, ഇല്ല. നിങ്ങളുടെ കുട്ടിയുടെ കൈവശം അവരുടെ ഡാറ്റയുടെ പൂർണ്ണനിയന്ത്രണമുണ്ട്; അവർ പങ്കുവെക്കുന്ന വിവരങ്ങൾ എപ്പോൾ വേണമെങ്കിലും മാറ്റാനോ, പങ്കുവെക്കൽ പൂർണ്ണമായും നിർത്താനോ കഴിയുകയും ചെയ്യും.
• ഫോട്ടോകൾ, വീഡിയോകൾ, ഡോക്യുമെന്റുകൾ, ബോർഡുകൾ, കുറിപ്പുകൾ, കോൺടാക്റ്റുകൾ, കലണ്ടറുകൾ, മെയിൽ, ബാക്കപ്പുകൾ, Apple Arcade ഗെയിം പ്ലേ ആക്റ്റിവിറ്റി ഉൾപ്പെടെയുള്ള മറ്റ് ആപ്പ് ഡാറ്റ എന്നിവ iCloud-ൽ സൂക്ഷിക്കുക കൂടാതെ, Apple Invites പോലെയുള്ള iCloud+ ഫീച്ചറുകൾ ഉപയോഗിക്കുക.
• പ്രശ്നപരിഹാരം, പിന്തുണ, സേവനം എന്നിവയ്ക്കായി Apple Support മായി ബന്ധപ്പെടുക.
• വെബിൽ നിന്ന് ഷോർട്ട്കട്ടുകൾ പങ്കിടുക, സ്വീകരിക്കുക അല്ലെങ്കിൽ ഡൗൺലോഡ് ചെയ്യുക.

മാതാപിതാക്കൾക്കുള്ള നിയന്ത്രണങ്ങൾ

നിങ്ങൾ തിരഞ്ഞെടുക്കുന്ന ഉള്ളടക്കം നിങ്ങളുടെ കുടുംബവുമായി തടസ്സമില്ലാതെ പങ്കിടാൻ ഫാമിലി ഷെയറിംഗ് നിങ്ങളെ അനുവദിക്കുന്നു. എന്നിരുന്നാലും, ചില സമയങ്ങളിൽ കുടുംബത്തിലെ മറ്റുള്ളവർക്ക് ലഭ്യമായ ചില തരം ഉള്ളടക്കങ്ങൾ അല്ലെങ്കിൽ വിഭവങ്ങളിലേക്കുള്ള നിങ്ങളുടെ കുട്ടിയുടെ പ്രാപ്യത പരിമിതപ്പെടുത്താൻ നിങ്ങൾ ആഗ്രഹിച്ചേക്കാം. Apple Account സേവനങ്ങളിലേക്കും ഫീച്ചറുകളിലേക്കുമുള്ള നിങ്ങളുടെ കുട്ടിയുടെ ആക്സസ് മാനേജ് ചെയ്യാൻ നിങ്ങളെ സഹായിക്കുന്നതിന്, മാതാപിതാക്കൾക്കായി ഞങ്ങൾ കുറച്ച് വ്യത്യസ്ത നിയന്ത്രണങ്ങൾ വാഗ്ദാനം ചെയ്യുന്നു. സ്ക്രീൻ ടൈം, നിയന്ത്രണങ്ങൾ, ഫാമിലി ഷെയറിംഗിന്റെ ആസ്ക് ടു ബൈ ഫീച്ചർ എന്നിവ ഇതിൽ ഉൾപ്പെടുന്നു. Apple Cash പോലുള്ള Apple Pay സേവനങ്ങൾ ഉപയോഗിച്ച് ഫണ്ട് ചെലവഴിക്കുന്നതിനും സ്വീകരിക്കുന്നതിനുമുള്ള നിയന്ത്രണങ്ങൾ Wallet-ൽ ലഭ്യമാണ്.

സ്ക്രീൻ സമയം

നിങ്ങളോ നിങ്ങളുടെ കുട്ടിയോ iOS 12 അല്ലെങ്കിൽ അതിനു ശേഷമുള്ളത്, iPadOS അല്ലെങ്കിൽ macOS ഉപയോഗിക്കുന്നുണ്ടെങ്കിൽ, ലോഗിൻ ചെയ്തിട്ടുള്ള ഏത് iOS, iPadOS അല്ലെങ്കിൽ macOS ഉപകരണങ്ങളിലും, നിങ്ങളുടെ കുട്ടിയുടെ ഉപയോഗത്തിന് പരിധികൾ നിശ്ചയിക്കുന്നതിന്, നിങ്ങൾക്ക് സ്ക്രീൻ ടൈം ഫീച്ചർ ഉപയോഗിക്കാം. ഉദാഹരണത്തിന്, App Limits മുഖേന ആപ്പ് വിഭാഗങ്ങൾക്കായി ദൈനംദിന സമയ പരിധികൾ നിശ്ചയിക്കുക, ഡൗൺടൈം മുഖേന സ്ക്രീൻ സമയം അനുവദിക്കാത്ത നിർദ്ദിഷ്ട മണിക്കൂറുകൾ സജ്ജമാക്കുക; ചില ഫീച്ചറുകൾ, ആപ്പുകൾ അല്ലെങ്കിൽ ആപ്പുകളുടെ വിഭാഗങ്ങൾ എന്നിവയിലേക്ക് പ്രവേശനം പരിമിതപ്പെടുത്തുക; വാങ്ങലുകൾ നടത്തുന്നതിനോ ഉള്ളടക്കം ഡൗൺലോഡ് ചെയ്യുന്നതിനോ പരിധി നിശ്ചയിക്കുക, സിനിമകൾ, സംഗീതം, പുസ്തകങ്ങൾ, മറ്റ് ഉള്ളടക്കം എന്നിവയ്ക്കായി പ്രായത്തെ അടിസ്ഥാനമാക്കിയുള്ള ഉള്ളടക്ക നിയന്ത്രണങ്ങൾ ഏർപ്പെടുത്തുക എന്നിവ നിങ്ങൾക്ക് ചെയ്യാനാകും. കൂടുതൽ വിവരങ്ങൾക്ക്, നിങ്ങളുടെ കുട്ടിയുടെ iPhoneൻ്റേയും, iPadൻ്റേയും ഉപയോഗം നിയന്ത്രിക്കുന്നതിന് "Use Screen Time" എന്നതും, Mac-ൽ "Setup Screen Time" എന്നതും ഉപയോഗിക്കുക. visionOS-ൽ, App Limits, ഡൗൺടൈം തുടങ്ങിയ ചില സ്ക്രീൻ ടൈം നിയന്ത്രണങ്ങൾ ലഭ്യമല്ലായിരിക്കാം, കൂടാതെ iOS, iPadOS, macOS എന്നിവയിൽ ആ ചൈൽഡ് അക്കൗണ്ടിനായി പരിധി നിശ്ചയിക്കാൻ ഉപയോഗിച്ചാലും Apple Vision Pro-ലേക്ക് ലോഗിൻ ചെയ്ത ചൈൽഡ് അക്കൗണ്ടിലേക്ക് അവ കൊണ്ടുപോകില്ല. കൂടുതൽ വിവരങ്ങൾക്ക്, Apple Vision Pro-യിലെ 'സ്ക്രീൻ സമയം ഉപയോഗിക്കുക' എന്നത് സന്ദർശിക്കുക.

നിങ്ങൾ നിങ്ങളുടെ കുട്ടികൾക്കായി Apple Watch ഉപയോഗിക്കുകയും Schooltime എനേബിൾ ചെയ്യുകയും ചെയ്തിട്ടുണ്ടെങ്കിൽ, നിങ്ങളുടെ കുടുംബാംഗങ്ങൾ Apple Watch-ന്റെ ചില ഫീച്ചറുകൾ ഉപയോഗിക്കുന്നത് എപ്പോൾ നിയന്ത്രിക്കണമെന്ന് നിശ്ചയിക്കാൻ നിങ്ങൾക്ക് സാധിക്കും. സ്കൂൾ സമയത്ത് നിങ്ങളുടെ കുടുംബാംഗം അവരുടെ വാച്ച് അൺലോക്ക് ചെയ്യുകയാണെങ്കിൽ, നിങ്ങളുടെ iPhone-ലെ Apple Watch ആപ്പിൽ അൺലോക്കുകൾ നിങ്ങൾക്ക് കാണാൻ കഴിയും. ഈ വിവരങ്ങൾ എൻഡ്-ടു-എൻഡ് എൻക്രിപ്റ്റ് ചെയ്താണ് Apple-ലേക്ക് അയയ്ക്കുന്നത്, എന്നാൽ അൺലോക്കുകളെക്കുറിച്ചുള്ള വിവരങ്ങൾ നൽകാൻ Apple-നെ അനുവദിക്കുന്നതിനു വേണ്ടി മാത്രം നിങ്ങളുടെ Apple അക്കൗണ്ടുമായി ബന്ധിപ്പിക്കും.

നിയന്ത്രണങ്ങൾ

നിങ്ങൾ അല്ലെങ്കിൽ നിങ്ങളുടെ കുട്ടി iOS 12-ന് മുമ്പുള്ള ഒരു iOS പതിപ്പാണ് ഉപയോഗിക്കുന്നതെങ്കിൽ, ക്രമീകരണങ്ങൾ > ജനറൽ > നിയന്ത്രണങ്ങൾ എന്നതിലേക്ക് പോയി അവർ ഉപയോഗിക്കുന്ന ഏതെങ്കിലും iOS അല്ലെങ്കിൽ iPadOS ഉപകരണത്തിൽ അല്ലെങ്കിൽ Apple TV-ൽ നിങ്ങളുടെ കുട്ടിക്ക് നിയന്ത്രണങ്ങൾ ഏർപ്പെടുത്താൻ കഴിയും. ഈ സെറ്റിംഗുകൾ ഉപയോഗിച്ച്, Game Center-മായി സംയോജിപ്പിച്ചിട്ടുള്ള ആപ്പുകളിലെ FaceTime, ക്യാമറ, Safari, മൾട്ടിപ്ലെയർ ഗെയിമിംഗ് എന്നീ ഉപാധികളും, ചില സാമൂഹ്യമാദ്ധ്യമ ആപ്പുകളും നിയന്ത്രിക്കുകയും, നിങ്ങളുടെ കുട്ടിക്ക് അനുയോജ്യമായ ഉള്ളടക്കം തിരഞ്ഞെടുക്കുകയും ചെയ്യാം. Apple ഉപകരണങ്ങളിൽ നിങ്ങളുടെ കുട്ടിയുടെ പ്രവർത്തനം മാനേജ് ചെയ്യുന്നതിനുള്ള ഒരു പ്രധാന ചുവടുവയ്പ്പാണിത്. മൂന്നാം കക്ഷി ഉപകരണങ്ങളിലെ Apple TV ആപ്പ്, വെബിലെ ചില ഉള്ളടക്കം എന്നിവ പോലുള്ള Apple സേവനങ്ങൾക്കും നിങ്ങൾക്ക് സെറ്റിംഗ്സിൽ നിയന്ത്രണങ്ങൾ ഏർപ്പെടുത്താം. നിങ്ങളുടെ കുട്ടി ഉപയോഗിക്കുന്ന ഓരോ ഉപകരണത്തിലും ഈ നിയന്ത്രണങ്ങളും രക്ഷാകർതൃ നിയന്ത്രണങ്ങളും ക്രമീകരിക്കണം.

ഫാമിലി ഷെയറിംഗ്, ആസ്ക് ടു ബൈ

അവരുടെ Apple Accounts മുഖേന നിങ്ങൾ നിശ്ചയിക്കുന്ന മറ്റ് അഞ്ച് കുടുംബാംഗങ്ങളുമായി വാങ്ങലുകൾ, സബ്സ്ക്രിപ്ഷനുകൾ എന്നിവയും അതിലേറെയും പങ്കിടാൻ ഫാമിലി ഷെയറിംഗ് നിങ്ങളെ അനുവദിക്കുന്നു. App Store, iTunes Store, Apple Books എന്നിവയിൽ ഇൻ-ആപ്പ് വാങ്ങലുകളും സൗജന്യ ഡൗൺലോഡുകളും ഉൾപ്പെടെ നിങ്ങളുടെ കുട്ടി അഭ്യർത്ഥിക്കുന്ന ഡൗൺലോഡുകളും വാങ്ങലുകളും അവലോകനം ചെയ്യാനും അംഗീകരിക്കാനും നിങ്ങളെ അനുവദിക്കുന്ന ഫാമിലി ഷെയറിംഗിന്റെ ഒരു സവിശേഷതയാണ് ആസ്ക് ടു ബയ്. Ask to Buy ഉപയോഗിച്ച്, നിങ്ങൾക്ക് പ്രത്യേക അനുമതികൾ നൽകാൻ കഴിയും, ഇതിലൂടെ നിങ്ങൾ നിശ്ചയിച്ച ആപ്പ് പ്രായപരിധിയെക്കാൾ ഉയർന്ന റേറ്റിംഗ് ഉള്ള ആപ്പുകൾ ഡൗൺലോഡ് ചെയ്യാനോ വാങ്ങാനോ നിങ്ങളുടെ കുട്ടിക്ക് അപേക്ഷിക്കാനാവും. നിങ്ങളുടെ കുട്ടി ഈ അപേക്ഷ കൊടുക്കുമ്പോൾ, നിങ്ങൾക്ക് അതിനെ അംഗീകരിക്കാനോ നിരസിക്കാനോ നിശ്ചയിക്കാം. ഒരു കുടുംബത്തിലേക്ക് ചേർക്കപ്പെടുന്ന 13 വയസ്സിന് താഴെയുള്ള ഏതൊരു ഉപയോക്താക്കൾക്കും (അല്ലെങ്കിൽ അധികാരപരിധിയെ ആശ്രയിച്ച് തുല്യമായ മിനിമം പ്രായം) ആസ്ക് ടു ബയ് ഡിഫോൾട്ടായി ഓൺ ആയിരിക്കും. നിങ്ങളുടെ കുട്ടിയുടെ ആസ്ക് ടു ബൈ ഓഫ് ആക്കാൻ നിങ്ങൾ തീരുമാനിക്കുകയാണെങ്കിൽ, ഇമെയിൽ ചെയ്ത രസീതിലെ (വാങ്ങിയതിന് 24-72 മണിക്കൂർ കഴിഞ്ഞ് അയച്ചത്) അല്ലെങ്കിൽ നിങ്ങളുടെ ക്രെഡിറ്റ് കാർഡ് ബില്ലിലെ ഇൻ-ആപ്പ് വാങ്ങലുകൾ ഉൾപ്പെടെയുള്ള വാങ്ങലുകളെ കുറിച്ചുള്ള വിവരങ്ങൾ App Store വഴിയോ അല്ലെങ്കിൽ iTunes ഉപയോഗിച്ചോ മാത്രമേ നിങ്ങൾക്ക് ലഭിക്കൂ. കൂടുതൽ വിവരങ്ങൾക്ക്, 'ആസ്ക് ടു ബൈ ഉപയോഗിച്ച് കുട്ടികൾ വാങ്ങുന്നത് അംഗീകരിക്കുക' എന്നതു കാണുക.

ഞങ്ങളുടെ വോളിയം പർച്ചേസ് പ്ലാൻ വഴി വാങ്ങിയ, വീണ്ടും ഡൗൺലോഡ് ചെയ്ത അല്ലെങ്കിൽ ഒരു വീണ്ടെടുക്കൽ കോഡ് ഉപയോഗിച്ച് ഡൗൺലോഡ് ചെയ്ത ആപ്പുകൾ ആസ്ക് ടു ബൈ നിയന്ത്രണങ്ങൾക്ക് വിധേയമായേക്കില്ല എന്നത് ശ്രദ്ധിക്കുക.

നിങ്ങളുടെ കുട്ടിയുടെ Apple അക്കൗണ്ട് സൃഷ്ടിക്കൽ

നിങ്ങളുടെ കുട്ടിക്കായി ഒരു Apple അക്കൗണ്ട് സൃഷ്ടിക്കുന്നതിന്, കുട്ടികൾക്കായുള്ള ഈ കുടുംബ സ്വകാര്യതാ പ്രസ്താവനക്ക് ("പ്രസ്താവന") ഞങ്ങൾ ആദ്യം നിങ്ങളുടെ സമ്മതം നേടേണ്ടതുണ്ട്. Apple ന്റെ സ്വകാര്യതാനയവും, ഓരോ ഉല്പന്നത്തിനും പ്രത്യേകമായ സ്വകാര്യതാ വിവരങ്ങളും apple.com/legal/privacy/data യിൽ ലഭ്യമാണ്, റഫറൻസ് വഴി ഈ രേഖയിൽ ഉൾപ്പെടുത്തിയിട്ടുമുണ്ട്. Apple ന്റെ സ്വകാര്യതാ നയവും, അല്ലെങ്കിൽ ഓരോ ഉല്പന്നത്തിനും പ്രത്യേകമായ സ്വകാര്യതാ വിവരങ്ങളും, ഈ പ്രസ്താവനയും തമ്മിൽ വൈരുദ്ധ്യം ഉണ്ടെങ്കിൽ, ഈ പ്രസ്താവനയിലെ വ്യവസ്ഥകൾക്ക് മുൻഗണന നൽകപ്പെടും.

കുട്ടികളിൽ നിന്നുള്ള വ്യക്തിഗത ഡാറ്റയുടെ ഓൺലൈൻ ശേഖരണത്തെ നിയന്ത്രിക്കുന്ന ചിൽഡ്രൻസ് ഓൺലൈൻ പ്രൈവസി പ്രൊട്ടക്ഷൻ ആക്ട് (COPPA)യും, ബാധകമായിടത്ത് മറ്റ് അധികാരപരിധികളിലെ സമാന നിയമങ്ങളും പാലിക്കുന്നതിനായി, ഒരു കുട്ടിയുടെ Apple അക്കൗണ്ട് സൃഷ്ടിക്കാൻ അനുമതി നൽകുന്ന ഉപയോക്താവ് അവരുടെ മാതാപിതാവോ നിയമപരമായ രക്ഷാകർത്താവോ ആണെന്ന് സ്ഥിരീകരിക്കാൻ Apple അധിക നടപടികൾ സ്വീകരിച്ചേക്കാം. അതനുസരിച്ച്, ഈ അധികാരപരിധികളിൽ, ഉദാഹരണത്തിന്, നിങ്ങളുടെ നിലവിലെ iTunes, iCloud, അല്ലെങ്കിൽ Apple Store പേയ്മെന്റ് രീതി സ്ഥിരീകരിക്കാൻ നിങ്ങളോട് ആവശ്യപ്പെടാം. പേയ്മെന്റ് രീതിയെ ആശ്രയിച്ച്, നിങ്ങളുടെ ക്രെഡിറ്റ് കാർഡിൽ നിന്നുള്ള സുരക്ഷാ കോഡ് അല്ലെങ്കിൽ സമാനമായ പരിശോധനാ രീതി ഉപയോഗിച്ച് ഇത് ചെയ്യാൻ കഴിയും. പകരം, Wallet-ലെ നിങ്ങളുടെ തിരിച്ചറിയൽ കാർഡ് അല്ലെങ്കിൽ നിങ്ങളുടെ Apple അക്കൗണ്ട് ഉപയോഗിച്ച് നിങ്ങളുടെ പ്രായം വെരിഫൈ ചെയ്യാനുള്ള ഓപ്ഷൻ നിങ്ങൾക്ക് ഉണ്ടായിരിക്കുന്നതാണ്.

നിങ്ങളുടെ കുട്ടിയിൽ നിന്ന് വ്യക്തിഗത ഡാറ്റ ശേഖരിക്കാൻ നിങ്ങളുടെ സമ്മതം നേടുന്നതിന് മുമ്പ്, ഈ വിവരങ്ങൾ ഞങ്ങൾ ചോദിക്കുകയും, നിങ്ങൾ കുടുംബനാഥനോ, അല്ലെങ്കിൽ, മാതാപിതാക്കളോ / രക്ഷിതാവോ ആണെന്ന് ഉറപ്പാക്കുകയും ചെയ്യുന്നു.

ഞങ്ങൾ, ബോധപൂർവ്വം, മാതാപിതാക്കളെന്ന നിലയിലുള്ള നിങ്ങളുടെ സമ്മതമില്ലാതെ, നിങ്ങളുടെ കുട്ടിയുടെ വ്യക്തിഗതവസ്തുതകൾ, COPPA വിരുദ്ധമല്ലെങ്കിലോ, അല്ലെങ്കിൽ, സമാനമായ മറ്റു മേഖലകളിൽ നിയമപ്രകാരമുള്ള വൈരുദ്ധ്യമില്ലെങ്കിലോ, ശേഖരിക്കുകയോ, ഉപയോഗിക്കുകയോ, അല്ലെങ്കിൽ, പുറത്തുവിടുകയോ, ചെയ്യുകയില്ല. ഈ വെളിപ്പെടുത്തൽ, Appleയുടെ സ്വകാര്യതാ നയം, ഉൽപ്പന്നത്തിന് പ്രത്യേകമായ സ്വകാര്യതാ വിവരങ്ങൾ എന്നിവ അവലോകനം ചെയ്ത്, പരിശോധനയിലൂടെ സ്ഥിരീകരിക്കാവുന്ന രക്ഷിതാവിന്റെ സമ്മതം നൽകിയ ശേഷം, നിങ്ങളുടെ കുട്ടിക്ക് ഒരു Apple അക്കൗണ്ട് സൃഷ്ടിക്കാൻ നിങ്ങൾക്ക് കഴിയുന്നതാണ്. സ്ക്രീൻ സമയത്തിലോ നിയന്ത്രണങ്ങളിലോ അല്ലെങ്കിൽ Family Sharing ലോ നിങ്ങൾ പരിമിതപ്പെടുത്തിയിട്ടുള്ളവ ഒഴികെ, Apple അക്കൗണ്ട് ഉപയോഗിക്കുന്ന Apple ഫീച്ചറുകളും സേവനങ്ങളും ഉപയോഗിക്കുന്നതിനായി നിങ്ങളുടെ കുട്ടിക്ക് അവരുടെ Apple അക്കൗണ്ട് ഉപയോഗിക്കാൻ കഴിയും. എന്നിരുന്നാലും, അവരുടെ Apple അക്കൗണ്ട് ഇല്ലാതാക്കിയില്ലെങ്കിൽ, അവർക്ക് 13 വയസ്സ് തികഞ്ഞില്ലെങ്കിൽ (അല്ലെങ്കിൽ അധികാരപരിധിയെ ആശ്രയിച്ച് തുല്യമായ മിനിമം പ്രായം), അല്ലെങ്കിൽ നിങ്ങൾ അവരെ മറ്റൊരു കുടുംബത്തിലേക്ക് മാറ്റുന്നില്ലെങ്കിൽ നിങ്ങളുടെ കുട്ടിയുടെ അക്കൗണ്ട് നിങ്ങളുടെ കുടുംബത്തിൽ നിന്ന് നീക്കംചെയ്യാൻ കഴിയില്ല. നിങ്ങളുടെ കുട്ടിക്ക് 13 വയസ്സാവുമ്പോൾ (അല്ലെങ്കിൽ നിങ്ങളുടെ ആ പ്രദേശത്തെ കുറഞ്ഞ പ്രായപരിധി അനുസരിച്ച്), ചില നിബന്ധനകൾ പാലിക്കപ്പെടുന്നുവെങ്കിൽ, Family Sharing-ൽ പങ്കെടുക്കാതെ തന്നെ അവരുടെ അക്കൗണ്ട് നിലനിർത്താൻ അനുമതി നൽകാം.

വ്യക്തിഗതവിവരങ്ങളുടെ ശേഖരണം

ചൈൽഡ് അക്കൗണ്ട് നിർമ്മിക്കുന്നത്

നിങ്ങളുടെ കുട്ടിക്കായി ഒരു Apple അക്കൗണ്ട് സൃഷ്ടിക്കുന്ന പ്രക്രിയയുടെ ഭാഗമായി, നിങ്ങളുടെ കുട്ടിയുടെ മുഴുവൻ പേര്, ജനനത്തീയതി, ഒരു ഇമെയിൽ വിലാസം, ഒരു പാസ് വേഡ്, മൂന്ന് സുരക്ഷാ ചോദ്യങ്ങൾക്കുള്ള ഉത്തരങ്ങൾ, ഒരു ഫോൺ നമ്പർ, താമസിക്കുന്ന രാജ്യം എന്നിവ ഉൾപ്പെടെ ഒരു അക്കൗണ്ട് സൃഷ്ടിക്കുന്നതിന് ആവശ്യമായ വിവരങ്ങൾ നൽകാൻ ഞങ്ങൾ നിങ്ങളോട് ആവശ്യപ്പെടും. യോഗ്യമായ സേവനങ്ങൾ നിർണ്ണയിക്കുന്നതിനും രക്ഷാകർതൃ നിയന്ത്രണങ്ങൾ നിർദ്ദേശിക്കുന്നതിനും നിങ്ങളുടെ കുട്ടിയുടെ ജനനത്തീയതി ഉപയോഗിക്കും.

ചൈൽഡ് അക്കൗണ്ടിൽ Apple സേവനങ്ങൾ ഉപയോഗിക്കുന്നത്

Apple ന്ടെ മുകളിൽ വിവരിച്ചിരിക്കുന്ന ഉപാധികളും, സേവനങ്ങളും നിങ്ങളുടെ കുട്ടി ഉപയോഗിക്കുന്നതുമായി ബന്ധപ്പെട്ട വ്യക്തിഗത ഡാറ്റ, നിങ്ങൾ ചിട്ടപ്പെടുത്തിയിട്ടുള്ള രക്ഷാകർതൃനിയന്ത്രണങ്ങൾക്കും, Apple ന്ടെ സ്വകാര്യതാനയത്തിൽ വിശദീകരിച്ചിരിക്കുന്നതിനും വിധേയമായി, Apple ശേഖരിച്ചേക്കാം.

ഉദാഹരണത്തിന്, നിങ്ങളുടെ കുട്ടി Apple ന്ടെ ആശയവിനിമയം, ഷെയറിംഗ്, അല്ലെങ്കില്‍ സഹപ്രവർത്തനഉപാധികൾ ഉപയോഗിക്കുന്നുവെങ്കില്‍, നിങ്ങള്‍ ചിട്ടപ്പെടുത്തിയിട്ടുള്ള നിയന്ത്രണങ്ങൾക്ക് വിധേയമായി, അവരുടെ സ്വകാര്യ ഡാറ്റ മറ്റ് ഉപയോക്താക്കളുമായി പങ്കിടാന്‍ നിങ്ങളുടെ കുട്ടിക്ക് കഴിയും. നിങ്ങളുടെ കുട്ടിക്ക് അനുവദിച്ചിരിക്കുന്ന സ്‌ക്രീൻ ടൈമിൽ ഫോൺ, FaceTime, മെസേജുകൾ പോലുള്ള ആപ്പുകൾ ഉപയോഗിച്ച് ആരുമായി ആശയവിനിമയം നടത്താമെന്നുള്ള പരിധി നിശ്ചയിക്കാനും, മെയിൽ, AirDrop, Safari പോലുള്ള ആപ്പുകൾ കുട്ടിയുടെ iOS ഉപകരണത്തിലെ ഹോം സ്‌ക്രീനിൽ നിന്ന് നീക്കം ചെയ്യുന്നതിന് അനുവദിക്കുന്ന ആപ്പുകളും, ഫീച്ചറുകളും, മറ്റുള്ളവയോടൊപ്പം, ഈ നിയന്ത്രണങ്ങളിൽ ഉൾപ്പെടാം.

ചില സന്ദർഭങ്ങളിൽ COPPA-യ്ക്ക് കീഴിൽ വ്യക്തിഗത വിവരങ്ങളായി നിർവചിക്കപ്പെട്ടിട്ടുള്ള മറ്റ് വിവരങ്ങൾ നിങ്ങളുടെ കുട്ടിയിൽ നിന്ന് ഞങ്ങൾ ശേഖരിച്ചേക്കാം. ഉദാഹരണത്തിന്, നിങ്ങളുടെ കുട്ടി അവരുടെ Apple അക്കൗണ്ടിൽ sign-in ചെയ്തിരിക്കുമ്പോൾ, ഞങ്ങൾ, ഡിവൈസ് ഐഡൻ്റിഫയറുകൾ, cookies, IP അഡ്രസ്സുകൾ, അവരുടെ Apple ഉപകരണം ഉപയോഗിക്കുന്ന ഭൂമിശാസ്ത്രപരമായ സ്ഥാനങ്ങൾ, ടൈം സോണുകൾ പോലെയുള്ള വിവരങ്ങൾ ശേഖരിച്ചേക്കാം. മൂന്നാം കക്ഷി ഡവലപ്പർമാർ നൽകുന്ന ഉള്ളടക്കം ഉൾപ്പെടെ, ഞങ്ങളുടെ വെബ്സൈറ്റുകൾ, ആപ്പുകൾ, ഉൽപ്പന്നങ്ങൾ, സേവനങ്ങൾ എന്നിവയിലെ നിങ്ങളുടെ കുട്ടിയുടെ പ്രവർത്തനങ്ങളെയും ഇടപെടലുകളെയും കുറിച്ചുള്ള വിവരങ്ങളും ഞങ്ങൾ ശേഖരിച്ചേക്കാം. ഞങ്ങളുടെ വിവര ശേഖരണത്തെക്കുറിച്ചുള്ള അധിക വിശദാംശങ്ങൾ Apple-ന്റെ സ്വകാര്യതാ നയത്തിൽ വിവരിച്ചിട്ടുണ്ട്.

ചില സാഹചര്യങ്ങളിൽ, ഉദാഹരണത്തിന് നിങ്ങളുടെ കുട്ടിക്ക് അക്കൗണ്ട് ഇല്ലെങ്കിൽ, നിങ്ങളുടെ കുട്ടിക്ക് ഉപയോഗിക്കാൻ കഴിയുന്ന ഒരു സേവനമോ ഫീച്ചറോ നൽകുന്നതിനായി, മറ്റ് വ്യക്തിഗത വിവരങ്ങൾ ഇല്ലാതെ സ്ഥിരമായ ഒരു ഐഡന്റിഫയർ ശേഖരിച്ചേക്കാം. അത്തരം സാഹചര്യങ്ങളിൽ, അനുബന്ധ വിവരങ്ങൾ (ഉദാഹരണത്തിന് search மற்றும் watch history) ഉൾക്കൊള്ളുന്ന ഐഡന്റിഫയർ, സേവനത്തോടോ ഫീച്ചറോടോ ബന്ധപ്പെട്ടിട്ടില്ലാത്ത ഉദ്ദേശ്യങ്ങൾക്ക് ഉപയോഗിക്കപ്പെടുകയോ വെളിപ്പെടുത്തപ്പെടുകയോ ചെയ്യാതിരിക്കാനും, അല്ലെങ്കിൽ ബാധകമായ നിയമപ്രകാരം അനുവദനീയമല്ലാത്ത രീതിയിൽ ഉപയോഗിക്കപ്പെടുകയോ വെളിപ്പെടുത്തപ്പെടുകയോ ചെയ്യാതിരിക്കാനും Apple ഉചിതമായ നടപടികൾ കൈക്കൊള്ളും. ഉദാഹരണത്തിന്, Apple TV ആപ്പിൽ നിങ്ങൾ കുട്ടിക്കായി ഒരു പ്രൊഫൈൽ സൃഷ്ടിച്ചാൽ, പ്രായത്തിന് അനുയോജ്യമായ അനുഭവം നൽകുന്നതിനായി ഞങ്ങൾ ഒരു ഐഡന്റിഫയർ ശേഖരിക്കും. Apple TV ആപ്പ് പ്രൊഫൈലുകൾക്കുറിച്ച് കൂടുതലറിയാൻ apple.com/legal/privacy/data/en/apple-tv-app സന്ദർശിക്കുക. നിങ്ങളുടെ കുട്ടിക്കായി ഒരു Apple അക്കൗണ്ട് സൃഷ്ടിക്കുന്നതിലൂടെ നിങ്ങൾക്ക് ഈ ഐഡന്റിഫയർ നിങ്ങളുടെ കുട്ടിയുമായി ബന്ധിപ്പിക്കാനുള്ള കഴിവ് ഉണ്ടായേക്കാം. ഈ അക്കൗണ്ട് സൃഷ്ടിക്കുന്നതിന്റെ ഭാഗമായി, ആ ഐഡന്റിഫയറുമായി ബന്ധപ്പെട്ടിരിക്കുന്ന വിവരങ്ങൾ (എന്താണ് കണ്ടത് പോലുള്ളവ) നിങ്ങളുടെ കുട്ടിയുടെ Apple അക്കൗണ്ടുമായി ബന്ധിപ്പിക്കും. പിന്നീട് ഈ വിവരങ്ങൾ ഈ പ്രസ്താവനയിൽ വിവരിച്ചിരിക്കുന്നതുപോലെ പരിഗണിക്കപ്പെടും.

വ്യക്തിഗത ഡാറ്റയുടെ ഉപയോഗം

Apple-ന്റെ സ്വകാര്യതാ നയത്തിൽ പ്രതിപാദിച്ചിരിക്കുന്നതുപോലെ, പ്രധാനപ്പെട്ട അറിയിപ്പുകൾ അറിയിക്കുന്നതിനും, വിവരങ്ങൾ, ഉൽപ്പന്ന സേവന വിവരങ്ങൾ, അറിയിപ്പുകൾ എന്നിവ അയയ്ക്കുന്നതിനും; സേവനങ്ങൾ, പിന്തുണ, ഉള്ളടക്കം എന്നിവ നൽകുന്നതിനും; ഞങ്ങളുടെ ഉൽപ്പന്നങ്ങൾ, ഉള്ളടക്കം, സേവനങ്ങൾ എന്നിവ മെച്ചപ്പെടുത്തുന്നതിനും Apple നിങ്ങളുടെ കുട്ടിയുടെ വിവരങ്ങൾ ഉപയോഗിച്ചേക്കാം. ഉദാഹരണത്തിന്, നിങ്ങളുടെ കുട്ടിയുടെ സ്വകാര്യതാ അവകാശങ്ങളും രക്ഷാകർതൃ നിയന്ത്രണങ്ങളും അനുസരിച്ച്, പ്രായത്തിന് അനുയോജ്യമായ വിവരങ്ങൾ നൽകുന്നതിന് ഞങ്ങൾ നിങ്ങളുടെ കുട്ടിയുടെ പ്രായം ഉപയോഗിച്ചേക്കാം, കൂടാതെ ഞങ്ങളുടെ ആപ്പുകളിൽ പ്രായത്തിന് അനുയോജ്യമായ അനുഭവങ്ങൾ നൽകുന്നതിന് നിങ്ങളുടെ കുട്ടിയുടെ പ്രായവും നിങ്ങൾ സജ്ജീകരിച്ചിട്ടുള്ള ഏതെങ്കിലും ആപ്പ് ഉള്ളടക്ക നിയന്ത്രണങ്ങളും ഞങ്ങൾ ഉപയോഗിച്ചേക്കാം. ആപ്പുകൾക്കായുള്ള പ്രായപരിധി നിങ്ങൾ എനേബിൾ ചെയ്യുകയാണെങ്കിൽ, പങ്കിടുന്നതിന് നിങ്ങൾ നിശ്ചയിച്ചിട്ടുള്ള അനുമതികൾക്ക് വിധേയമായി, ഡവലപ്പർമാരുമായി പങ്കിടുന്നതിന് ഉചിതമായ പ്രായപരിധി നിർണ്ണയിക്കാൻ വേണ്ടി നിങ്ങളുടെ കുട്ടിയുടെ ജനനത്തീയതി ഉപയോഗിക്കപ്പെടും. ഓഡിറ്റിംഗ്, ഡാറ്റാ വിശകലനം, ഗവേഷണം തുടങ്ങിയ ആന്തരിക ഉദ്ദേശ്യങ്ങൾക്കും ഞങ്ങൾ അവരുടെ വിവരങ്ങൾ ഉപയോഗിച്ചേക്കാം.

വ്യക്തിഗതമല്ലാത്ത വസ്തുതകൾ ഞങ്ങൾ ഏതൊരു ഉദ്ദേശ്യത്തിനും ഉപയോഗിക്കുകയും, കൈമാറുകയും, വെളിപ്പെടുത്തുകയും ചെയ്തേക്കാം. ഉദാഹരണത്തിന്, ഞങ്ങളുടെ ഉപഭോക്താക്കൾക്ക് കൂടുതൽ ഉപയോഗപ്രദമായ വിവരങ്ങൾ നൽകുന്നതിനും ഞങ്ങളുടെ വെബ്സൈറ്റ്, ഉൽപ്പന്നങ്ങൾ, സേവനങ്ങൾ എന്നിവയുടെ ഏതൊക്കെ ഭാഗങ്ങൾ കൂടുതൽ താൽപ്പര്യജനകമാണെന്ന് മനസിലാക്കുന്നതിനും ഞങ്ങൾക്ക് സാധിക്കുന്നതിനു വേണ്ടി, ഞങ്ങളുടെ വെബ്സൈറ്റ്, iCloud സേവനങ്ങൾ, iTunes Store, ഞങ്ങളുടെ മറ്റ് ഉൽപ്പന്നങ്ങൾ, സേവനങ്ങൾ എന്നിവയിലെ ഉപഭോക്തൃ പ്രവർത്തനങ്ങളെ കുറിച്ചുള്ള വിവരങ്ങൾ ഞങ്ങൾ സംയോജിപ്പിക്കുകയും ഉപയോഗിക്കുകയും ചെയ്തേക്കാം. സംയോജിത ഡാറ്റ വ്യക്തിഗതമല്ലാത്ത വിവരങ്ങളായി കണക്കാക്കപ്പെടുന്നു.

വ്യക്തിഗതമാക്കിയ പരസ്യ ക്രമീകരണം ഓഫ് ആണ്, ഒരു കുട്ടിയുടെ Apple അക്കൗണ്ടിനായി പ്രവർത്തനക്ഷമമാക്കാൻ കഴിയില്ല. ഒരു കുട്ടിയുടെ Apple അക്കൗണ്ടുമായി ബന്ധപ്പെട്ട ഉപകരണങ്ങളിൽ Apple-ന്റെ പരസ്യ പ്ലാറ്റ് ഫോമിൽ നിന്ന് അവരുടെ താൽപ്പര്യങ്ങൾ ലക്ഷ്യമിടുന്ന പരസ്യങ്ങളും, പ്രത്യേകിച്ച് ലക്ഷ്യം വയ്ക്കാത്ത (അതായത്, സന്ദർഭോചിതമായ) പരസ്യങ്ങളും ഉൾപ്പെടെയുള്ള പരസ്യങ്ങൾ നിങ്ങളുടെ കുട്ടിക്ക് ലഭിക്കില്ല. കൂടാതെ, ആസ്ക് ടു ട്രാക്ക് സെറ്റിംഗിന്റെ Allow Apps ഡിസേബിൾഡ് ആയിരിക്കും, എനേബിൾ ചെയ്യാൻ കഴിയില്ല. ഓപ്പറേറ്റിംഗ് സിസ്റ്റം നൽകുന്ന അഡ്വർടൈസിംഗ് ഐഡന്റിഫയർ ആക്സസ് ചെയ്യുന്നതിൽ നിന്ന് ആപ്പുകളും പരസ്യദാതാക്കളും നിയന്ത്രിക്കപ്പെടും, കൂടാതെ ടാർഗെറ്റുചെയ്ത പരസ്യങ്ങളിലോ പരസ്യങ്ങളുടെ വിശകലനത്തിലോ ഏർപ്പെടുന്നതിൽ നിന്നും ഡാറ്റാ ബ്രോക്കർമാരുമായി വിവരങ്ങൾ പങ്കിടുന്നതിൽ നിന്നും വിലക്കുന്ന Apple-ന്റെ മാർഗ്ഗനിർദ്ദേശങ്ങൾ പാലിക്കുന്നതിനും അവർ ബാധ്യസ്ഥരാണ്.

Apple, വ്യക്തിഗതഡാറ്റ, അത് ശേഖരിച്ചതിന്റെ ഉദ്ദേശ്യങ്ങൾ നിറവേറ്റുന്നതിനാവശ്യമായ കാലയളവിൽ മാത്രമേ സൂക്ഷിക്കുകയുള്ളൂ, ഈ പ്രസ്താവനയിൽ വിവരിച്ച പോലെയും, Appleൻ്റെ സ്വകാര്യതാനയപ്രകാരവും, അല്ലെങ്കിൽ, നിയമപരമായ ആവശ്യമനുസരിച്ചും ഉൾപ്പെടെ. ഈ പ്രസ്താവനയിലും, Apple-ന്റെ സ്വകാര്യതാ നയത്തിലും വ്യക്തമാക്കിയിരിക്കുന്ന ഉദ്ദേശ്യങ്ങൾ നിറവേറ്റുന്നതിനാവശ്യമായ കാലയളവിൽ നിങ്ങളുടെ കുട്ടിയുടെ വ്യക്തിഗതഡാറ്റ ഞങ്ങൾ സൂക്ഷിക്കും. ഞങ്ങൾ ഡാറ്റ സൂക്ഷിക്കുന്ന കാലാവധി വിലയിരുത്തുമ്പോൾ, ശേഖരിച്ച വ്യക്തിഗത ഡാറ്റ നിലനിർത്തേണ്ടത് ആവശ്യമാണോ എന്ന് ആദ്യം ശ്രദ്ധാപൂർവ്വം പരിശോധിക്കുന്നു. സൂക്ഷിക്കുന്നത് ആവശ്യമാണെങ്കിൽ, നിയമം അനുവദിക്കുന്ന ഏറ്റവും കുറഞ്ഞ കാലയളവിൽ മാത്രം വ്യക്തിഗതഡാറ്റ സൂക്ഷിക്കാൻ യത്നിക്കുന്നു.

വ്യക്തിഗതഡാറ്റ വെളിപ്പെടുത്തല്‍

അവരുടെ Apple അക്കൗണ്ട് ഉപയോഗിച്ച്, നിങ്ങളുടെ നിയന്ത്രണങ്ങൾക്ക് വിധേയമായി, നിങ്ങളുടെ കുട്ടി, അവരുടെ വ്യക്തിഗതഡാറ്റ നിങ്ങളുമായി, നിങ്ങളുടെ കുടുംബത്തിലെ മറ്റ് അംഗങ്ങളുമായും, മറ്റ് ഉപയോക്താക്കളുമായും, തേർഡ് പാർട്ടി പങ്കാളികളുമായും, സേവനദാതാക്കളുമായും, അവർ ഉപയോഗിക്കുന്ന Apple ഫീച്ചറുകളും സേവനങ്ങളും (മുകളിൽ വിവരിച്ചവ പോലുള്ളവ) അനുസരിച്ച് വെച്ചേക്കാം.

നിങ്ങളുടെ കുടുംബാംഗങ്ങളും മറ്റ് ഉപയോക്താക്കളും

പർച്ചേസ് ഷെയറിംഗ് ഓൺ ആണെങ്കിൽ, ഫാമിലി ഷെയറിംഗിന്റെ ഭാഗമായി, App Store, the iTunes Store, Apple Books, അല്ലെങ്കിൽ Apple TV ആപ്പ് എന്നിവയിലെ നിങ്ങളുടെ കുട്ടിയുടെ മുൻകാലവും ഭാവിയിലെയും വാങ്ങലുകളും സബ്സ്ക്രിപ്ഷനുകളും ഉൾപ്പെടെയുള്ള വിവരങ്ങൾ നിങ്ങളുടെ കുടുംബത്തിലെ അംഗങ്ങളുമായി പങ്കിട്ടേക്കാം. നിങ്ങൾ ചിട്ടപ്പെടുത്തിയ നിയന്ത്രണങ്ങൾക്ക് വിധേയമായി, നിങ്ങളുടെ കുട്ടിക്ക് അവയുടെ ഉള്ളടക്കം, രേഖകൾ, ഡാറ്റ എന്നിവ Apple അക്കൗണ്ട് ഉപയോഗിക്കുന്ന നിങ്ങളുടെ കുടുംബത്തിലെ അംഗങ്ങളുമായി, iCloud Photo Sharing, പങ്കു വെക്കുന്ന കലണ്ടറുകൾ, റിമൈൻഡറുകൾ, Find My, ലൊക്കേഷൻ ഷെയറിംഗ് തുടങ്ങിയ Apple ഫീച്ചറുകൾ വഴിയും, സേവനങ്ങൾ വഴിയും പങ്കിടാൻ തീരുമാനിക്കാം. നിങ്ങളോ നിങ്ങളുടെ കുട്ടിയോ അല്ലെങ്കിൽ നിങ്ങളുടെ കുടുംബത്തിലെ മറ്റൊരു അംഗമോ Apple TV പോലുള്ള ഒരു Apple ഉപകരണത്തിൽ സൈൻ ഇൻ ചെയ്യുകയാണെങ്കിൽ, മറ്റ് കുടുംബാംഗങ്ങളുടെ Apple അക്കൗണ്ട് പേരും പ്രൊഫൈൽ ഫോട്ടോയും പ്രദർശിപ്പിച്ചുകൊണ്ട് മറ്റ് കുടുംബാംഗങ്ങളെ ചേർക്കാൻ ഉപകരണം നിർദ്ദേശിച്ചേക്കാം.

നിങ്ങൾ നിശ്ചയിച്ച നിയന്ത്രണങ്ങൾക്ക് വിധേയമായി, നിങ്ങളുടെ കുട്ടി Apple-യുടെ ആശയവിനിമയ, ഷെയറിംഗ്, അല്ലെങ്കിൽ സഹകരണ സവിശേഷതകൾ ഉപയോഗിക്കുന്നുവെങ്കിൽ, നിങ്ങളുടെ കുട്ടിയുടെ വ്യക്തിഗത വിവരങ്ങൾ മറ്റ് ഉപയോക്താക്കൾക്ക് ലഭ്യമാക്കാൻ കുട്ടിക്ക് കഴിഞ്ഞേക്കാം.

കൂടാതെ, ഒരു മൂന്നാം കക്ഷിയുടെ ഉടമസ്ഥതയിലുള്ള ഒരു ഉപകരണത്തിൽ (ഒരു സുഹൃത്തിന്റെ അല്ലെങ്കിൽ ഒരു സ്കൂളിന്റെ iPad പോലെ) നിങ്ങളുടെ കുട്ടി അവരുടെ Apple അക്കൗണ്ടിലേക്ക് സൈൻ ഇൻ ചെയ്യുകയാണെങ്കിൽ, നിങ്ങളുടെ കുട്ടിയുടെ വിവരങ്ങളും നിങ്ങളുടെ കുടുംബത്തിലെ മറ്റ് അംഗങ്ങളുടെ പങ്കിട്ട വിവരങ്ങളും, ആ ഉപകരണത്തിൽ നിന്ന് നിങ്ങളുടെ കുട്ടിയുടെ Apple അക്കൗണ്ട് സൈൻ ഔട്ട് ചെയ്യുന്നതുവരെ, ആ ഉപകരണം ഉപയോഗിക്കുന്ന മറ്റുള്ളവർക്ക് ഡൗൺലോഡ് ചെയ്യുകയും കാണുകയും ചെയ്യാനാകും.

തേർഡ് പാർട്ടി പങ്കാളികൾ

ചില സമയങ്ങളിൽ, സേവനങ്ങളോ മറ്റ് ഓഫറുകളോ നൽകുന്നതിന് Apple മൂന്നാം കക്ഷികളുമായി സഹകരിച്ചേക്കാം. ഉദാഹരണത്തിന്, നിങ്ങളുടെ കുട്ടിക്കായി ഒരു Apple Cash അക്കൗണ്ട് പ്രവർത്തനക്ഷമമാക്കാൻ നിങ്ങൾ തീരുമാനിക്കുകയാണെങ്കിൽ, നിങ്ങൾ അഭ്യർത്ഥിച്ച സേവനം നൽകുന്നതിന് അവരുടെ വിവരങ്ങൾ Apple-ന്റെ പങ്കാളി ബാങ്കായ ഗ്രീൻ ഡോട്ട് ബാങ്കുമായി പങ്കിടും. ഞങ്ങളുടെ ഉൽപ്പന്നങ്ങളും സേവനങ്ങളും നൽകാനോ മെച്ചപ്പെടുത്താനോ വേണ്ടി മാത്രമാണ് നിങ്ങളുടെ കുട്ടിയിൽ നിന്നുള്ള വ്യക്തിഗത വിവരങ്ങൾ Apple പങ്കിടുക; മൂന്നാം കക്ഷികളുടെ മാർക്കറ്റിംഗ് ഉദ്ദേശ്യങ്ങൾക്കായി അവരുമായി അവ പങ്കിടില്ല.

സേവന ദാതാക്കൾ

വിവരങ്ങളുടെ പ്രോസസ്സിംഗ്, ഉപഭോക്തൃ ഓർഡറുകൾ നിറവേറ്റൽ, നിങ്ങൾക്കോ നിങ്ങളുടെ കുട്ടിക്കോ ഉൽപ്പന്നങ്ങൾ എത്തിക്കുക, ഉപഭോക്തൃ ഡാറ്റ മാനേജുചെയ്യുകയും മെച്ചപ്പെടുത്തുകയും ചെയ്യുക, ഉപഭോക്തൃ സേവനവും പിന്തുണയും നൽകുക, ഞങ്ങളുടെ ഉൽപ്പന്നങ്ങളിലും സേവനങ്ങളിലും നിങ്ങളുടെ അല്ലെങ്കിൽ നിങ്ങളുടെ കുട്ടിയുടെ താൽപ്പര്യം വിലയിരുത്തുക, ഉപഭോക്തൃ ഗവേഷണം അല്ലെങ്കിൽ സംതൃപ്തി സർവേകൾ നടത്തുക തുടങ്ങിയ സേവനങ്ങൾ നൽകുന്ന കമ്പനികളുമായി Apple വ്യക്തിഗത വിവരങ്ങൾ പങ്കിടുന്നു. നിങ്ങളുടെ കുട്ടിയുടെ വിവരങ്ങൾ പരിരക്ഷിക്കാൻ ഈ കമ്പനികൾ ബാധ്യസ്ഥരാണ്, കൂടാതെ Apple പ്രവർത്തിക്കുന്നിടത്തെല്ലാം അവർ ഉണ്ടായേക്കാം.

മറ്റുള്ളവർ

നിയമം, നിയമ പ്രക്രിയ, വ്യവഹാരം, നിങ്ങൾ താമസിക്കുന്ന രാജ്യത്തിനകത്തോ പുറത്തോ ഉള്ള പബ്ലിക്, സർക്കാർ അധികാരികളിൽ നിന്നുള്ള അഭ്യർത്ഥനകൾ എന്നിവ കാരണം Apple നിങ്ങളുടെ അല്ലെങ്കിൽ നിങ്ങളുടെ കുട്ടിയുടെ വ്യക്തിഗത വിവരങ്ങൾ വെളിപ്പെടുത്തേണ്ടത് ആവശ്യമായി വന്നേക്കാം. ദേശീയ സുരക്ഷ, നിയമ നിർവ്വഹണം അല്ലെങ്കിൽ പൊതുപ്രാധാന്യമുള്ള മറ്റ് പ്രശ്നങ്ങൾ എന്നിവയ്ക്കായി വെളിപ്പെടുത്തൽ ആവശ്യമോ ഉചിതമോ ആണെന്ന് ഞങ്ങൾ നിർണ്ണയിക്കുന്ന സാഹചര്യത്തിലും നിങ്ങളെയോ നിങ്ങളുടെ കുട്ടിയെയോ കുറിച്ചുള്ള വ്യക്തിഗത വിവരങ്ങൾ ഞങ്ങൾ വെളിപ്പെടുത്തിയേക്കാം.

ഞങ്ങളുടെ നിബന്ധനകളും വ്യവസ്ഥകളും നടപ്പിലാക്കുന്നതിനോ ഞങ്ങളുടെ പ്രവർത്തനങ്ങൾ അല്ലെങ്കിൽ ഉപയോക്താക്കളെ പരിരക്ഷിക്കുന്നതിനോ വേണ്ടി വെളിപ്പെടുത്തൽ ന്യായമായും ആവശ്യമാണെന്ന് ഞങ്ങൾ നിർണ്ണയിക്കുന്ന സാഹചര്യത്തിലും നിങ്ങളെയോ നിങ്ങളുടെ കുട്ടിയെയോ കുറിച്ചുള്ള വ്യക്തിഗത വിവരങ്ങൾ ഞങ്ങൾ വെളിപ്പെടുത്തിയേക്കാം. കൂടാതെ, ഒരു പുനഃസംഘടന, ലയനം അല്ലെങ്കിൽ വിൽപ്പനയുടെ സാഹചര്യത്തിൽ, ഞങ്ങൾ ശേഖരിച്ച ഏതെങ്കിലും അല്ലെങ്കിൽ എല്ലാ വ്യക്തിഗത വിവരങ്ങളും പ്രസക്തമായ മൂന്നാം കക്ഷിക്ക് കൈമാറിയേക്കാം.

പ്രാപ്യത, തിരുത്തൽ, നീക്കംചെയ്യൽ

നിങ്ങളുടെ കുട്ടിയുടെ വിവരങ്ങൾക്കുള്ള സ്വകാര്യതാ അവകാശങ്ങൾ വിനിയോഗിക്കുന്നതിന്, privacy.apple.com എന്ന Apple ഡാറ്റ & സ്വകാര്യതാ പേജ് സന്ദർശിച്ച് അവരുടെ അക്കൗണ്ടിലേക്ക് ലോഗിൻ ചെയ്യുക. നിങ്ങൾക്ക് എന്തെങ്കിലും ചോദ്യങ്ങൾ ഉണ്ടെങ്കിൽ, ഞങ്ങളെ ബന്ധപ്പെടുക:

apple.com/legal/privacy/contact

അല്ലെങ്കിൽ ചുവടെയുള്ള സമ്പർക്ക വിവരങ്ങൾ ഉപയോഗിക്കുക:

Apple
One Apple Park Way
Cupertino, CA 95014
+1 408 996 1010

നിങ്ങളുടെ കുട്ടിയുടെ വ്യക്തിഗത ഡാറ്റ Apple ശേഖരിക്കുന്നതിനും ഉപയോഗിക്കുന്നതിനും വെളിപ്പെടുത്തുന്നതിനുമുള്ള സമ്മതം

'സമ്മതിക്കുക' ക്ലിക്ക് ചെയ്യുന്നതിലൂടെ, Apple-യുടെ സ്വകാര്യതാ നയം, ഉൽപ്പന്ന-നിർദ്ദിഷ്ട സ്വകാര്യതാ വിവരങ്ങൾ, ഈ വെളിപ്പെടുത്തലിൽ വ്യക്തമാക്കിയിരിക്കുന്നതുപോലെ, നിങ്ങളുടെ കുട്ടിയുടെ വിവരങ്ങൾ Apple ശേഖരിക്കുകയും, ഉപയോഗിക്കുകയും, വെളിപ്പെടുത്തുകയും ചെയ്യുന്നതിന് നിങ്ങൾ സമ്മതിക്കുന്നു.

കുറിപ്പ്: ഏതെങ്കിലും മൂന്നാം കക്ഷികളുടെ ഡാറ്റ ശേഖരണ സമ്പ്രദായങ്ങൾക്ക് ഈ സമ്മതം ബാധകമല്ല. നിങ്ങളുടെ കുട്ടിയുടെ വിവരങ്ങൾ ശേഖരിക്കുകയോ ഉപയോഗിക്കുകയോ വെളിപ്പെടുത്തുകയോ ചെയ്തേക്കാവുന്ന, ഏതെങ്കിലും കുടുംബാംഗം ഡൗൺലോഡ് ചെയ്തതും ഫാമിലി ഷെയറിംഗ് വഴി നിങ്ങളുടെ കുട്ടിക്ക് ആക്സസ് ചെയ്യാവുന്നതുമായ ആപ്പുകളുടെ ഡവലപ്പർമാർ ഉൾപ്പെടെയുള്ള മൂന്നാം കക്ഷികൾ മാതാപിതാക്കളുടെ സ്ഥിരീകരിക്കാനാകുന്ന പ്രത്യേകം സമ്മതം നേടാൻ ബാധ്യസ്ഥരാണ്. അത്തരം മൂന്നാം കക്ഷികൾക്ക് അവരുടെ ഏതെങ്കിലും വ്യക്തിഗത വിവരങ്ങളിലേക്ക് പ്രവേശനം നൽകുന്നതിന് മുമ്പ് നിങ്ങളെ അറിയിക്കണമെന്ന് നിങ്ങളുടെ കുട്ടിയോട് ആവശ്യപ്പെടാൻ ഞങ്ങൾ നിങ്ങളെ പ്രോത്സാഹിപ്പിക്കുന്നു.

ശ്രദ്ധിക്കുക: ഞങ്ങളുടെ ഉപകരണങ്ങൾക്കായി Apple പതിവായി സോഫ്റ്റ്വെയർ അപ്ഡേറ്റുകൾ പുറത്തിറക്കാറുണ്ട്. ഞങ്ങൾ അതു ചെയ്യുമ്പോൾ, നിങ്ങളുടെ കുട്ടി അവരുടെ Apple അക്കൗണ്ട് ഉപയോഗിച്ചേക്കാവുന്ന ഉപകരണങ്ങൾ ഉൾപ്പെടെ, പ്രസക്തമായ ഉപകരണത്തിൽ ഈ അപ്ഡേറ്റുകൾ ഡൗൺലോഡ് ചെയ്യാൻ ലഭ്യമാകും. അത്തരം ഏത് ഉപകരണത്തിലും അപ്ഡേറ്റ് നടത്താനും, iOS, macOS, visionOS എന്നിവയുടേതു പോലുള്ള ബാധകമായ നിബന്ധനകൾ അവലോകനം ചെയ്യാനും അംഗീകരിക്കാനും ഞങ്ങൾ ശുപാർശ ചെയ്യുന്നു.

Apple-ന്റെ സ്വകാര്യതാ നയം, ഉൽപ്പന്ന-വിശേഷ സ്വകാര്യതാ വിവരങ്ങൾ, അല്ലെങ്കിൽ ഈ പ്രസ്താവന സംബന്ധിച്ച് നിങ്ങൾക്ക് എന്തെങ്കിലും ചോദ്യങ്ങളോ ആശങ്കകളോ ഉണ്ടെങ്കിൽ, apple.com/legal/privacy/contact എന്നതിൽ ഞങ്ങളെ ബന്ധപ്പെടുക.

2026-04-22