Upplýsingar um persónuvernd fyrir börn í Family

Við hjá Apple leggjum mikla áherslu á að vernda börn. Við leggjum áherslu á gagnsæi og að veita foreldrum nauðsynlegar upplýsingar til að þeir geti ákveðið hvað sé barninu fyrir bestu. Við leggjum mikla vinnu í að bjóða upp á stjórntæki fyrir foreldra sem auðvelt er að nota og sérstilla. Þegar þú stofnar Apple ID-auðkenni fyrir barnið þitt gerirðu því kleift að njóta sömu eiginleika Family Sharing og þú og aðrir fjölskyldumeðlimir. Barnið þitt getur deilt tónlist, kvikmyndum, sjónvarpsþáttum, bókum, forritum, myndum, dagatölum, staðsetningum og fleiru með þér og fjölskyldunni. Með sínu eigin Apple ID-auðkenni getur barnið einnig notið allrar þeirrar þjónustu og alls efnis sem er í boði fyrir þá sem eru með Apple ID-reikning.

ATHUGAÐU: ÞESSAR UPPLÝSINGAR EIGA EKKI VIÐ UM GAGNASÖFNUNARAÐFERÐIR FORRITA ÞRIÐJU AÐILA. LESTU SKILMÁLA, STEFNUR OG UPPLÝSINGAR UM VINNUBRÖGÐ ÞRIÐJU AÐILA ÁÐUR EN KAUP EÐA NIÐURHAL FARA FRAM TIL AÐ VITA HVAÐA GÖGNUM ÞEIR KUNNA AÐ SAFNA FRÁ BARNINU ÞÍNU OG HVERNIG SLÍK GÖGN KUNNA AÐ VERA NOTUÐ.

Apple ID-auðkenni barnsins þíns

Með Apple ID-auðkenni sem þú stofnar fyrir barnið þitt getur það nýtt sér óteljandi eiginleika og þjónustu Apple sem notar Apple ID-auðkenni. Til dæmis getur barnið þitt:

  • Hringt og svarað FaceTime-myndsímtölum og -símtölum.
  • Tekið og deilt myndum, myndskeiðum, hljóðskilaboðum og SMS með Camera, Photos, iPhoto, iCloud Photo Sharing, Messages, Mail og öðrum forritum frá Apple.
  • Búið til og deilt skjölum og gögnum með öðrum í gegnum opinn eða lokaðan aðgang í iCloud. Allt eftir stillingum getur þetta falið í sér nafn barnsins og samskiptaupplýsingar þess, ef þessar upplýsingar hafa verið færðar inn.
  • Deilt staðsetningu sinni með fjölskyldumeðlimum og vinum í gegnum Find My Friends, Messages og Find My iPhone.
  • Opnað samnýtt dagatöl, sem gerir þér og barninu þínu kleift að deila liðnum og væntanlegum viðburðum með öðrum fjölskyldumeðlimum.
  • Fengið aðgang að, straumspilað og sótt tónlist (m.a. úr Apple Music), kvikmyndir, sjónvarpsþætti, forrit og bækur úr innkaupaferli annarra fjölskyldumeðlima.
  • Keypt efni á iTunes Store, App Store, iBooks Store og Mac App Store, keypt í gegnum forrit, sem og fengið ráðleggingar, allt eftir því hvaða stillingar þú velur í Ask to Buy.
  • Skráð sig og tekið þátt í námskeiðum í iTunes U og spilað leiki og átt samskipti við aðra notendur Game Center.
  • Fylgst með heilbrigðisþáttum eins og hjartslætti, blóðþrýstingi eða næringu og deilt upplýsingum um hreysti og hreyfingu. Ef barnið þitt notar Apple Watch getur það valið að deila æfingagögnunum sínum með öðrum notendum Apple Watch. Þar á meðal geta verið upplýsingar um skref og vegalengd sem það fer á einum degi.
  • Vistað tölvupóst, tengiliði, dagatalsviðburði, minnismiða, áminningar, myndir, skjöl og öryggisafrit í iCloud
  • Fengið aðgang að og leitað á internetinu í gegnum Safari og Spotlight

Stjórntæki fyrir foreldra

Family Sharing gerir þér kleift að deila efni að þínu vali á hnökralausan máta með öðrum fjölskyldumeðlimum. Aftur móti kann það að henda að þú viljir takmarka aðgang barnsins að tilteknu efni eða efnisveitum sem í boði eru fyrir aðra fjölskyldumeðlimi. Til að auðvelda þér að stjórna aðgangi barnsins að þjónustu og eiginleikum Apple ID-auðkenni höfum við sett inn tvenns konar stjórntæki fyrir foreldra: Restrictions og Ask to Buy.

Restrictions

Þú getur notað Restrictions til að velja takmarkanir fyrir barnið þitt í öllum iOS-tækjum sem það notar í Settings > General > Restrictions eða í Mac í System Preferences > Parental Controls. Með þessum stillingum geturðu takmarkað eiginleika á borð við FaceTime, Camera, Safari og tiltekin samfélagsmiðlaforrit og einnig tilgreint hvaða efni hentar barninu þínu. Þetta er mikilvægt skref til að tryggja yfirsýn yfir það sem barnið þitt gerir í Apple-tækjum. Restrictions og Parental Controls þarf að stilla í hverju tæki fyrir sig og því mælum við sérstaklega með því að þú veljir takmarkanir í öllum þeim Apple-tækjum sem barnið kann að nota.

Ask to Buy

Ask to Buy gerir þér kleift að skoða og samþykkja kaup, þ.m.t. kaup í forritum og niðurhal sem barnið þitt biður um. Þessi eiginleiki er virkjaður sjálfkrafa fyrir notendur undir 13 ára aldri eða samsvarandi lágmarksaldri í viðkomandi lögsagnarumdæmi. Ef þú slekkur á Ask to Buy fyrir barnið færðu eingöngu tilkynningar um kaup og kaup í forritum í kvittun með tölvupósti (send einum til þremur sólarhringum eftir kaup) eða á kreditkortayfirlitinu þínu.

Hafa skal í huga að forrit sem keypt eru í gegnum áætlun okkar fyrir magninnkaup, eru sótt aftur eða sótt með innlausnarkóða falla mögulega ekki undir takmarkanir Ask to Buy.

Apple ID-auðkenni stofnað fyrir barnið þitt

Til að stofna Apple ID-auðkenni fyrir barnið þitt þarftu fyrst að samþykkja þessar upplýsingar um fjölskyldupersónuvernd fyrir börn („upplýsingar“) og persónuverndarstefnu Apple, sem er sett hér inn til hliðsjónar. Ef persónuverndarstefnu Apple og þessum upplýsingum ber ekki saman hafa skilmálar þessara upplýsinga forgang.

Til að uppfylla COPPA (Children's Online Privacy Protection Act) og samskonar lög í öðrum lögsagnarumdæmum, sem stjórna söfnun gagna frá börnum, getur verið að Apple grípi til frekari ráðstafana til að staðfesta að notandinn sem veitir heimildina fyrir Apple ID-auðkenni fyrir barnið sé í raun og veru foreldri eða forráðamaður viðkomandi barns. Í viðeigandi lögsagnarumdæmum verður þú sömuleiðis beðin(n) um að staðfesta núverandi greiðslumáta þinn í iTunes, iCloud eða Apple Store.  Allt eftir greiðslumáta getur þetta verið gert með því að gefa upp öryggisnúmerið á kortinu eða með staðfestingarkóða í SMS. Við biðjum um það til að við getum staðfest að þú hafir hlutverkið Family Organizer og fengið leyfi þitt fyrir söfnun persónugreinanlegra upplýsinga frá barninu þínu.

Við munum ekki meðvitað safna, nota eða birta persónugreinanlegar upplýsingar frá barninu þínu án þíns leyfis sem foreldri. Þegar þú hefur lesið þessar upplýsingar og persónuverndarstefnu Apple og veitt leyfi sem foreldri geturðu stofnað Apple ID-auðkenni fyrir barnið þitt. Barnið þitt getur notað sitt eigið Apple ID-auðkenni til að nota alla eiginleika og þjónustu sem notast við Apple ID, nema þá sem þú hefur útilokað í Restrictions. Ekki er hægt að fjarlægja reikning barnsins úr Family-reikningnum ykkar nema Apple ID-auðkenni barnsins sé eytt, það verði 13 ára eða þú flytjir það yfir á annan Family-reikning. Þegar barnið þitt verður 13 ára eða nær samsvarandi lágmarksaldri í viðkomandi lögsagnarumdæmi getur það haft sinn eigin reikning án tengingar við Family Sharing.

Söfnun upplýsinga

Hluti af því að stofna Apple ID-auðkenni fyrir barnið þitt felst í því að leggja fram eftirfarandi upplýsingar: fullt nafn barnsins, fæðingardag, aðgangsorð og svör við þremur öryggisspurningum sem hægt er að nota til að sannreyna aðgang að reikningi barnsins þíns. Til að tryggja öryggi reiknings barnsins þíns og gera þér kleift að endurstilla aðgangsorð barnsins á netinu skaltu geyma þessi svör á öruggum stað.

Við kunnum að safna öðrum upplýsingum frá barninu þínu sem í einhverjum tilvikum teljast vera persónugreinanlegar upplýsingar samkvæmt COPPA. Þegar barnið hefur skráð sig inn með Apple ID-auðkenninu sínu kunnum við til dæmis að safna upplýsingum um tækisauðkenni, kökur, IP-tölur, landfræðilegar staðsetningar og tímabelti þar sem Apple-tækið er notað. Við kunnum einnig að safna upplýsingum um notkun barnsins á vefsvæðum okkar, forritum, vörum og þjónustu, þ. á m. efni frá utanaðkomandi þróunaraðilum.

Notkun upplýsinga

Eins og fram kemur í persónuverndarstefnu Apple kann Apple að nota upplýsingar sem það safnar frá barninu þínu til að senda mikilvægar tilkynningar og senda upplýsingar, upplýsingar og tilkynningar um vörur, útvega þjónustu og bæta vörur sínar, efni og þjónustu. Við kunnum einnig að nota upplýsingar frá barninu innanhúss, t.d. við úttektir, gagnagreiningu og rannsóknir.

Við kunnum að nota, flytja og birta ópersónugreinanlegar upplýsingar (gögn sem ein og sér vísa ekki beint til barnsins) í hverjum þeim tilgangi sem við kjósum. Til dæmis kunnum við að taka saman og nota upplýsingar um notkun viðskiptavina á vefsvæði okkar, iCloud-þjónustu og iTunes Store og öðrum vörum okkar og þjónustu til að hjálpa okkur að veita viðskiptavinum gagnlegri upplýsingar og til að skilja hvaða hlutar vefsvæðisins, vörur og þjónusta vekja mestan áhuga. Samantekin gögn eru flokkuð sem ópersónugreinanlegar upplýsingar.

Limit Ad Tracking er sjálfgefið virkt í öllum tækjum sem tengd eru Apple ID-auðkenni barnsins til að tryggja að það fái ekki miðaðar auglýsingar frá Apple. Hins vegar mun barnið fá ómiðaðar auglýsingar í sömu tækjum.

Upplýsingar birtar þriðju aðilum

Með því að nota Apple ID-auðkennið og í samræmi við takmarkanir þínar getur barnið deilt upplýsingum með öðrum eftir því hvaða eiginleika og þjónustu frá Apple (eins og lýst er hér að framan) það notar.

Family Sharing

Í Family Sharing er upplýsingum um barnið þitt, þar á meðal um það sem það hefur keypt eða kemur til með að kaupa, deilt með öðrum fjölskyldumeðlimum í Family. Í samræmi við þær takmarkanir sem þú hefur valið getur barnið einnig valið að deila upplýsingunum þínum með öðrum fjölskyldumeðlimum í Family í gegnum iCloud Photo Sharing, samnýtt dagatöl og áminningar, Find My iPhone og Location Sharing.

Ef barnið þitt notar þess utan sitt eigið Apple ID-auðkenni til að skrá sig inn á tæki sem er í eigu þriðja aðila (t.d. iPod í eigu vinar eða iPad í skólanum) geta aðrir sem nota það tæki sótt og skoðað upplýsingar barnsins, sem og samnýttar upplýsingar annarra fjölskyldumeðlima í Family, nema og þar til búið er að skrá Apple ID-auðkenni barnsins út af viðkomandi tæki.

Samstarfsaðilar

Stundum kann Apple að gera tilteknar persónugreinanlegar upplýsingar aðgengilegar samstarfsaðilum sem vinna með Apple að því að útvega vörur eða þjónustu eða sem hjálpa Apple í markaðssetningu til viðskiptavina. Apple deilir persónugreinanlegum upplýsingum aðeins til að útvega eða bæta vörur okkar, þjónustu og auglýsingar; þeim verður ekki deilt með þriðju aðilum í markaðssetningarskyni.

Þjónustuveitur

Apple deilir persónugreinanlegum upplýsingum með fyrirtækjum sem veita þjónustu á borð við upplýsingavinnslu, afgreiðslu pantana viðskiptavina, afhendingu vara, umsjón og endurbætur á gögnum viðskiptavina, þjónustu við viðskiptavini, mat á áhuga á vörum okkar og þjónustu og framkvæmd rannsókna eða viðhorfskannana meðal viðskiptavina. Þessum fyrirtækjum ber skylda til að vernda upplýsingar barnsins þíns og þau kunna að vera staðsett hvar sem Apple starfar.

Annað

Nauðsynlegt getur verið, vegna laga, lagaferla, málaferla og/eða beiðna frá opinberum yfirvöldum í búsetulandi þínu eða öðrum löndum, að Apple gefi upp persónugreinanlegar upplýsingar þínar eða barnsins þíns. Við kunnum einnig að gefa upp persónugreinanlegar upplýsingar um þig eða barnið þitt ef við teljum það nauðsynlegt eða viðeigandi af ástæðum sem varða þjóðaröryggi, löggæslu eða annan almannahag.

Við kunnum einnig að gefa upp persónugreinanlegar upplýsingar um þig eða barnið þitt ef við teljum það nauðsynlegt til að framfylgja skilmálum okkar eða vernda starfsemi okkar eða notendur. Aukinheldur, ef til endurskipulagningar, sameiningar eða sölu kemur, kunnum við að flytja allar persónugreinanlegar upplýsingar sem við höfum safnað til viðeigandi þriðja aðila.

Aðgangur, leiðrétting og eyðing

Þegar þú vilt fá aðgang að, leiðrétta eða eyða gögnum sem tengjast Family Sharing eða Apple ID-auðkenni barnsins þíns skaltu hafa samband við okkur hér: www.apple.com/privacy/contact/

Eða með því að nota samskiptaupplýsingarnar hér að neðan:

Apple
1 Infinite Loop
Cupertino, CA 95014
408.996.1010

Samþykki fyrir söfnun Apple, notkun og birtingu
upplýsinga frá barninu þínu

Með því að smella á „Samþykkja“ veitirðu Apple heimild til að safna, nota og birta upplýsingar frá barninu þínu í samræmi við persónuverndarstefnu Apple og þessar upplýsingar.

Athugaðu: Þetta samþykki nær ekki til gagnasöfnunar þriðju aðila. Þriðju aðilar, þar með talið hönnuðir forrita sem fjölskyldumeðlimir sækja og barnið þitt hefur aðgang að í gegnum Family Sharing, sem kunna að safna, nota eða birta upplýsingar frá barninu þínu þurfa að verða sér úti um sérstakt vottanlegt samþykki.

Athugaðu: Apple gefur reglulega út hugbúnaðaruppfærslur fyrir tækin okkar. Þegar við gerum það verða uppfærslurnar tiltækar til niðurhals í viðkomandi tæki, þ.m.t. tækjum þar sem barnið þitt kann að nota Apple ID-auðkennið sitt. Við mælum með að þú hefjir uppfærsluna og samþykkir gildandi skilmála, eins og fyrir iOS og macOS, í þessum tækjum.

Ef þú ert með einhverjar spurningar eða athugunarefni um persónuverndarstefnu Apple eða þessar upplýsingar skaltu hafa samband við okkur með samskiptaupplýsingunum hér að ofan.