«Карталар» қолданбасы жеке ақпаратыңызды қорғау мақсатында жасалған. Біз ұсынатын сервистерді жақсарту үшін тек қажетті деректерді жинауға бар күшімізді саламыз. Деректерді жинаған кезде оларды жинау туралы, сондай-ақ жинау себебі туралы хабардар етеміз.

Жүйеге кіру және синхрондау

«Карталар» қолданбасын пайдалану үшін Apple аккаунтыңызбен кіру қажет емес. Егер аккаунтыңызға кіріп, екі факторлы аутентификацияны қоссаңыз, «Карталар» қолданбасы өтпелі шифрлауды қолдана отырып, деректеріңізді барлық құрылғыңызда синхрондайды. Мысалы, «Бекітілген геолокациялар», «Соңғылар», «Барған орындар» және «Жолнұсқалар» өтпелі шифрлаумен қорғалады. Apple компаниясы оларды оқи алмайды. Жету уақытыңызды «Карталар» қолданбасының басқа пайдаланушыларымен бөліскен кезде, Apple компаниясы геолокацияңызды көре алмайды.

Жүйеге кірген болсаңыз, «Карталар» қолданбасы Apple аккаунтыңызбен байланысты ақпаратты (мысалы, ересек не бала екеніңіз туралы) белгілі бір функцияларды қолжетімді екенін анықтау мақсатында да пайдаланады. «Карталар» қолданбасы бұл ақпаратты сақтамайды.

Геолокация

«Карталар» қолданбасындағы көптеген функциялардың оңтайлы жұмысы үшін геолокацияңыз қажет. Геолокация жеке басыңызды анықтайтын деректерді қамтуы мүмкін болғандықтан, нақты геолокацияңыз 24 сағат ішінде нақтылығы төменірек болатын геолокацияға түрлендіріледі. «Карталар» қолданбасын навигация үшін пайдаланғанда, нақты геолокацияларыңызды бағдарыңыздың басынан бастап дәлдігі азырақ аймаққа түрлендіреміз.

iOS, iPadOS немесе visionOS құрылғыңызда «Карталар» қолданбасының геолокацияны пайдаланатын функцияларын өшіруге болады. Ол үшін «Реттеулер» > «Қолданбалар» > «Карталар» > «Геолокация» тармағына өтіп, «Нақты геолокация» реттеуін түртіп өшіріңіз. Mac компьютерінде System Settings (Жүйе реттеулері) > Privacy & Security (Құпиялылық және қауіпсіздік) > Location Services (Геолокация сервистері) тармағына өтіп, Maps (Карталар) қолданбасын басып өшіріңіз. Егер бұл реттеуді өшірсеңіз, «Карталар» қолданбасының кейбір функциялары (мысалы, қадамдық навигация) қолжетімді болмайды.

Егер «Геолокация сервистері» қосулы болса, «Карталар» қолданбасын жетілдіру үшін бағдар, көлік қозғалысы және жақын жердегі көрнекі орындар туралы ақпарат анонимді және жинақталған түрде пайдаланылады. Бұл реттеуді iOS, iPadOS немесе visionOS құрылғыңызда өшіруге болады. Ол үшін «Реттеулер» > «Құпиялылық және қауіпсіздік» > «Геолокация сервистері» > «Жүйелік сервистер» тармағына өтіп, «Бағдар және трафик» реттеуін түртіп өшіріңіз.

«Барған орындар» функциясын қосуды таңдасаңыз, «Карталар» қолданбасы мейрамханалар немесе саябақтар сияқты жақында барған орындарыңыз туралы ақпаратқа қол жеткізеді. «Барған орындар» функциясын қосқаннан кейін, сіз барған орындар туралы деректер ғана «Карталар» қолданбасына жіберіледі. «Барған орындар» деректері өтпелі шифрлаумен қорғалған және Apple компаниясы оларды оқи алмайды. «Карталар» қолданбасында барған орындарыңыз қаншалықты ұзақ сақталуы керектігін таңдауға және осы сақтау мерзімін кез келген уақытта өзгертуге болады. Ол үшін «Карталар» қолданбасында «Медиатека» > «Орындар» тармағына өтіп, «Орындарды сақтау» опциясын түртіңіз де, сақтау мерзімін өзгертіңіз.

«Таңдаулы бағыттар және болжалды тағайындалған жерлер» функциясын қосуды таңдасаңыз, сіз жиі таңдайтын бағдарлар туралы ақпарат «Карталар» қолданбасына жіберіледі. Тағайындалған жер үшін бағдарларды іздеген кезде, «Карталар» таңдаулы және алдағы бағдарлардың біреуін немесе бірнешеуін Apple компаниясына жіберуі мүмкін. Сондай-ақ «Карталар» қолданбасы бір немесе бірнеше таңдаулы немесе болжалды бағдарды «Карталар» виджетінде көрсету немесе ол бойынша ұсыныстар жасау үшін, келесі тағайындалған жерден кету қажет болғанда, осы бағдарларды Apple компаниясына жіберуі мүмкін. Бұл ақпараттың Apple аккаунтыңызға қатысы жоқ және Apple компаниясы бұл таңдаулы бағдар немесе болжалды тағайындалған жер екенін білмеуі үшін, 24 сағат ішінде шаралар қабылдаймыз.

«Барған орындар» немесе «Таңдаулы бағыттар және болжалды тағайындалған жерлер» функциясын «Карталар» қолданбасында қосу үшін «Маңызды геолокациялар және бағдарлар» функциясын қосуыңыз және «Карталар» қолданбасына ағымдағы геолокацияңызға қол жеткізуге рұқсат беруіңіз керек. «Барған орындар» немесе «Таңдаулы бағыттар және болжалды тағайындалған жерлер» функциясын «Карталар» қолданбасында өшіруге болады. Ол үшін «Реттеулер» > «Қолданбалар» > «Карталар» > «Геолокация сервистері» > «Қосымша геолокацияға қол жеткізуге рұқсат беру» тармағына өтіп, «Барған орындар» немесе «Таңдаулы бағыттар және болжалды тағайындалған жерлер» реттеуін түртіп өшіріңіз. «Геолокация сервистері», оның ішінде «Барған орындар», «Таңдаулы бағдарлар және болжалды тағайындалған жерлер» туралы қосымша ақпарат алу үшін мына веб-бетті қараңыз: www.apple.com/legal/privacy/data/kz/location-services.

«Карталар» қолданбасын пайдалану

«Карталар» қолданбасын пайдаланған кезде, Apple компаниясына келесі ақпарат жіберіледі:

• Сұрау жасалған уақыт
• Құрылғы моделі және бағдарламалық жасақтама нұсқасы
• Мәтінді енгізу тілі
• Құрылғы геолокациясы («Карталар» қолданбасына геолокацияңызға қол жеткізу рұқсатын берген болсаңыз)
• Карта аймағының құрылғыда көрінетін шекаралары
• «Карталар» қолданбасымен орындалған әрекеттер, оның ішінде пайдаланылған іздеу сұраулары және функциялар, сіз көретін орындар және «Карталар» қолданбасынан келген хабарландырулармен орындалған әрекеттер

Сондай-ақ «Карталар» қолданбасын пайдаланған кезде, қолданба, құрылғы және желі конфигурациясы мен өнімділігі туралы деректер де жиналады. Жеке қолданыс көрсеткіштері сағатына бірнеше рет ауысып тұратын және Apple аккаунтыңызбен байланыстырылмайтын идентификатормен байланысты болады. Сонда «Карталар» қолданбасы сізбен немесе құрылғыңызбен байланысты идентификатор негізінде сіз туралы ақпаратты іздей алмайды. Қолданба өнімділігі мен жиынтық қолданыс көрсеткіштерін қадағалау, сондай-ақ сервис тұтастығын сақтау үшін ұзақ мерзімді идентификаторлар пайдаланылады. Бұл ұзақ мерзімді идентификаторлар Apple аккаунтыңызбен немесе жеке басыңызды анықтауы мүмкін басқа ақпаратпен байланысты болмайды.

Оған қоса «Карталар» қолданбасын навигацияны немесе бағыттарды сұрау үшін пайдаланған кезде, бағдарыңыз туралы мәліметтер Apple компаниясына жіберіледі, оның ішінде:

• Сұрау жасағандағы және навигация сеансының барысындағы бастапқы және ағымдағы құрылғы геолокациясы (егер «Карталар» қолданбасына геолокацияңызға қол жеткізуге рұқсат берген болсаңыз)
• Тағайындалған жер
• Көлік режимі, оның ішінде CarPlay функциясына қосылған-қосылмағаныңыз туралы ақпарат
• Бағдар құруды сұраған кезде жасалатын және навигация сеансы барысында сақталатын кездейсоқ идентификатор

Егер «Электрлік көлік бағыты» функциясын пайдалансаңыз, Apple компаниясына электрмобиль бағдары бойынша сұраудың басындағы және сапар кезіндегі көліктің заряд деңгейі туралы ақпарат та жіберіледі. Оған қоса «Электрмобиль бағдарларын жақсарту» функциясын қоссаңыз, Apple компаниясы сапарды оңтайландыру үшін бағдар құрылған кезде электрмобиль деректерін пайдалануы, көлікті зарядтау керектігі туралы хабарлауы, сондай-ақ бағдар соңында қалған болжалды заряд деңгейін көрсетуі мүмкін. Бұл ақпаратқа аккумулятор сыйымдылығы, заряд күйі және сапар ұзақтығына әсер етуі мүмкін басқа да көлік сипаттамалары кіреді. Алайда бұл ақпараттың ешқайсысы Apple аккаунтыңызбен байланыстырылмайды. «Электрмобиль бағдарлары» функциясы туралы қосымша ақпарат алу үшін мына веб-бетті қараңыз: www.apple.com/legal/privacy/data/kz/improve-ev-routing.

Егер жетілдірілген навигация дәлдігіне арналған навигация мүмкіндіктерін, «Геолокацияны нақтылау» немесе «Жаяу жүру кезінде толықтырылған шындық» функциясын пайдалансаңыз, «Карталар» қолданбасы сіз орналасқан жерді және жүру бағытыңызды дәл анықтау, сондай-ақ жолды табуға көмектесу үшін камера мен қозғалыс датчиктерін пайдаланады. Бұл деректер сақталмайды және құрылғыңыздан жіберілмейді. «AR геолокация дәлдігін жақсарту» функциясын қосуды таңдасаңыз және «Карта» қолданбасында «Геолокацияны нақтылау» функциясын немесе толықтырылған шынайылық қолданылатын жаяу жүргіншілерге арналған навигацияны пайдалансаңыз, құрылғыңыздың камерасы түсірген ғимараттардың өлшемі, пішіні және қоршаған ортаңыздың басқа да географиялық ерекшеліктері туралы деректер Apple компаниясына жіберіледі. Бұл деректер Apple аккаунтымен байланысты емес және сізді немесе басқаларды анықтамайды. «Жақсартылған навигация дәлдігі» функциясын өшіруге болады, ол үшін «Реттеулер» > «Қолданбалар» > «Карталар» тармағы бойынша «Бағыттар» бөліміне өтіп, «Жаяу жүру» опциясын түртіп, содан кейін «Жақсартылған» опциясын түртіп өшіріңіз. «AR геолокация дәлдігін жақсарту» функциясын өшіріп қоюға болады. Ол үшін «Реттеулер» > «Құпиялылық және қауіпсіздік» > «Аналитика және жақсартулар» тармағына өтіп, «AR геолокация дәлдігін жақсарту» параметрін өшіріңіз.

Визуалды интеллектіні пайдалансаңыз, «Карталар» қолданбасы кәсіпорындар, көрнекі жерлер мен басқа да қызықты орындар туралы ақпарат беруі мүмкін. «Карталар» қолданбасы бұл ақпаратты бергенде, Apple ұсынылған қызықты орын және «Карталар» ұсынған ақпаратпен өзара әрекеттесуіңіз туралы деректерді жинауы мүмкін.

Apple компаниясы «Карталар» қолданбасының және геолокацияны пайдаланатын басқа да өнімдер мен сервистердің жұмысын қамтамасыз ету және жетілдіру үшін «Карталар» қолданбасын пайдаланған кезіңізде жиналған ақпаратты пайдалануы мүмкін.

Қаласаңыз, «Рейтингтер және фотолар» функциясын пайдалануыңызға болады. Бұл функция көрнекі орындарға қатысты рейтингтерді, фотоларды және басқа да контентті жариялауға мүмкіндік береді. Фото материалдарыңыз Apple аккаунтыңызбен байланыстырылады. «Рейтингтер және фотолар» функциясы туралы қосымша ақпарат алу үшін мына веб-бетті қараңыз: www.apple.com/legal/privacy/data/kz/ratings-photos.

Сондай-ақ «Карталар» қолданбасындағы мәселелер туралы «Мәселе туралы хабарлау» функциясының көмегімен хабарлауға болады. Кейбір есептер Apple аккаунтыңызбен байланыстырылған. «Мәселе туралы хабарлау» функциясы туралы қосымша ақпарат алу үшін мына веб-бетті қараңыз: www.apple.com/legal/privacy/data/kz/maps-report-an-issue.

«Карталар» қолданбасын жекелендіру

«Карталар» қолданбасындағы «Барған орындар», «Көлік тұрағы», «Кету уақыты», «Бекітілген геолокациялар» және «Ұсыныстар» (мысалы, алдағы тағайындалған жерлер) сияқты көптеген жекелендірілген функциялар құрылғыда құрастырылған деректердің көмегімен жасалады. Бұл құрылғыдан жіберілетін деректер көлемін азайтуға көмектеседі.

«Таңдаулы бағыттар және болжалды тағайындалған жерлер» функциясы навигация сұрауларын ұсыну және орындау үшін Apple компаниясына таңдаулы және болжалды бағдар геометриясын жіберуді қажет етеді. Бұл ақпараттың Apple аккаунтыңызға қатысы жоқ және Apple компаниясы бұл таңдаулы бағдар немесе болжалды тағайындалған жер екенін білмеуі үшін, 24 сағат ішінде шаралар қабылдаймыз.

Қытайдағы «Карталар» сервисі

Қытайдағы «Apple карталары» өнімі «AutoNavi карталары» сервисін пайдаланады. Қытайда «Карталар» қолданбасын пайдалану үшін жүйеге Apple аккаунтымен кіру қажет емес. Әрекеттеріңіз Apple аккаунтыңызбен байланыстырылмаған кездейсоқ әрі үнемі өзгеріп тұратын идентификаторлар сериясымен байланысты болады. Apple компаниясы сіздің геолокацияңызды жасыру үшін AutoNavi сервисімен бірлесе отырып құпиялылықты сақтау әдістерін қолданады, осылайша жиналған ақпараттың ешқайсысы жеке басыңызды анықтамайды.

Қытайдағы «Нөмірлік белгі бойынша шектеулер» функциясы жолдар желісінде бар шектеулер туралы хабарлап, нөмірлік белгі негізінде балама бағдарларды ұсынады. AutoNavi сервисінің көмегімен «Карталар» қолданбасы нөмірлік белгі негізінде шектеулі аймақтарды айналып өтетін бағдарларды тауып береді. Бағдарды сұраған кезде, тек нөмірлік белгіңізге қандай шектеулер қолданылатыны туралы ақпаратпен бөліседі, сондықтан Apple компаниясы да, AutoNavi сервисі де нақты нөмірлік белгіңізді көрмейді және бұл ақпараттың ешқайсысы Apple аккаунтыңызға қатысы болмайды.

Үшінші тараптармен бөлісу

Apple компаниясы өзінің серіктестерімен қозғалыс туралы деректерді, көрнекі жерлер туралы деректерді және пайдаланушылар туралы жиынтық аналитикалық деректерді бөліседі. Алайда серіктестер бұл ақпараттың «Карталар» қолданбасының нақты бір пайдаланушысына қатысты екенін анықтай алмауы үшін, деректер белгілі бір минималды шарттар орындалған жағдайда ғана бөлісіледі.

«Карталар» қолданбасындағы үшінші тараптық деректер провайдеріне қатысты мәселе туралы хабарлаған кезде, Apple компаниясы бұл мәселені түзету үшін ол туралы хабардағы ақпаратты осы үшінші тарапқа беруі мүмкін. Apple компаниясы ақпаратты үшінші тараппен мәселені шешу үшін қажет болған жағдайда ғана бөліседі. Ақпарат жіберілмес бұрын, одан жеке басыңызды анықтауы мүмкін деректер жойылады.

Apple компаниясына жіберілген деректер сенімді сервис провайдерлері арқылы өңделуі және сақталуы мүмкін.

Деректерді сақтау

«Карталар» қолданбасын пайдалану тәсіліңізбен байланысты жеке деректерді жинамаймыз және сақтамаймыз. «Карталар» қолданбасын пайдалану бойынша сұрақтарыңыз болса немесе деректерді қорғау қызметкеріне хабарласу қажет болса, бізге мына сілтеме арқылы хабарласуға болады: www.apple.com/legal/privacy/contact.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді.

Жарияланған күні: 2025 жылғы 15қыркүйек